Dodona

Na Galipedia, a Wikipedia en galego.

Coordenadas: 39°32′47″N 20°47′16″L / 39.54639, -20.78778

Vista de Dodona

Dodona (dórico: Δωδώνᾱ, Dōdṓnā, xónico e ático: Δωδώνη,[1] Dōdṓnē) no noroeste de Grecia, era un oráculo dedicado a unha Deusa Nai identificada noutros lugares con Rea ou Gaia, pero coñecida en Dodona como Dione, que foi substituída parcialmente en tempos históricos polo deus olímpico Zeus.

O santuario de Dodona é considerado o oráculo helénico máis antigo, datando posiblemente do segundo milenio a.C. segundo Heródoto. Localizado nunha rexión illada das principais polis gregas, era considerado como o segundo oráculo en termos de prestixio, só detrás do de Delfos. Os sacerdotes e sacerdotisas interpretaban no bosque sagrado o son das follas de carballo para determinar cales eran as accións correctas que se debían levar a cabo. Aristóteles considerou a rexión arredor de Dodona como o lugar onde xurdiron os helenos.[2] O oráculo estivo primeiro baixo o control dos tesprotos, e despois pasou a mans dos molossos.[3] Foi un importante santuario relixioso ata a expansión do Cristianismo durante a fin da era romana.

Panorama do teatro de Dodona.

Notas[editar | editar a fonte]

  1. Liddell & Scott 1996, "Dodone"
  2. Hammond 1986, p. 77; Aristotle. Meteorologica. 1.14.
  3. Potter 1751, Chapter VIII, "Of the Oracles of Jupiter", p. 265.

Véxase tamén[editar | editar a fonte]