Ursa Minor

Ursa Minor
Nome Latino	Ursa Minor
Abreviatura	UMi
Xenitivo	Ursae Minoris
Simboloxía	A Osa pequena
Ascensión Recta	15 h
Declinación	70'8°
Área	256 graos cadrados Rango 56
Número de estrelas (magnitude < 3)	2
Estrela máis brillante	Polaris (magnitude ap. 2,02)
Choiva de meteoros	Ursidas
Constelacións colindantes	Draco Camelopardalis Cepheus
Visible en latitudes entre +90° e −10° Mellor visibilidade ás 21:00 (9 p.m.) durante o mes de Xuño

A Osa Menor (en latín Ursa Minor), tamén chamada Cinosura (significa, cola do cán), é unha das constelacións máis coñecidas del hemisferio norte. Consta de sete estrelas coa forma de carro; catro delas formarían o que sería a parte fonda do carro e as outras tres serían o que sería o mastro do carro.

O elemento máis coñecido da Osa Menor é a estrela Polar, a cal atopase situada na prolongación do eixe da terra, de modo que está fixa no ceo e sinala o Polo Norte xeográfico, polo ten sido empregada polos navegantes coma punto de referencia na súas viaxes. Á parte da estrela Polar, a Osa Menor carece de elementos de interese para o afeccionado á astronomía.

Dada a súa situación, a Osa Menor só pode verse no hemisferio norte, pero a cambio, nese hemisferio pódese ver todo o ano. Xunto coa súa compañeira a Osa Maior, é un dos elementos máis característicos do firmamento do hemisferio norte.

Mitoloxía

Na mitoloxía grega, hai varias versións sobre a orixe da Osa Menor. Nunha delas sería Fénice, transformada en osa por Artemisa tras ser seducida por Zeus. Este relato é moi semellante ó de Calisto, que foi catasterizada na Osa Maior e é por esto algúns autores creen que orixinalmente debeu existir un relato con dous catasterismos dun mesmo personaxe (Zeus tería convertido a Calisto na Osa Maior e posteriormente Artemisa tería convertido a Calisto na Osa Menor).

Noutra versión dise que se trataba de Cinosura, ama de Zeus e ninfa do Monte Ida.

Estrelas principais

• α Ursae Minoris (Polaris, Estrela Polar ou Estrela do Norte), a estrela máis brillante da constelación, unha superxigante amarela e variable cefeida de magnitude 1,97.
• β Ursae Minoris (Kochab), de magnitude 2.07, unha estrela xigante laranxa que antigamente foi utilizada coma estrela polar.
• γ Ursae Minoris (Pherkad), de magnitude 3.00, estrela branca e variable do tipo Delta Scuti.
• δ Ursae Minoris (Yildun ou Pherkard), estrela branca da secuencia principal de magnitude 4,35.
• ε Ursae Minoris, binaria eclípsante e variable RS Canum Venaticorum de magnitude 4,21.
• ζ Ursae Minoris (Alifa al Farkadain), estrela branca de magnitude 4,32.
• η Ursae Minoris (Anwar al Farkadain), anana branco-amarela de magnitude 4,95.
• λ Ursae Minoris, xigante vermella de magnitude 6,38.
• RR Ursae Minoris, xigante vermella e variable semirregular; o seu brillo varía entre magnitude 4,53 e 4,73.
• Calvera, nome informal da que se pensa que pode se-la estrela de neutróns máis próxima á Terra.

Obxectos Notables do espazo profundo

• NGC 6217, galaxia espiral de brillo superficial 14 e tamaño aparente 3,6' x 3,6'.
• NGC 5832, galaxia espiral barrada máis cativa cá anterior.
• Galaxia Anana da Osa Menor, pertencente ó Grupo Local e localizada 4,5º ó sur de Pherkad (γ Ursae Minoris).

Véxase tamén

Outros artigos

• Osa Maior
• Setentrión
• Estrela Polar

Ligazóns externas

• The Deep Photographic Guide to the Constellations: Ursa Minor (en inglés)
• Star Tales – Ursa Minor (en inglés)