Corona Australis

Corona Australis
Nome Latino	Corona Austral
Abreviatura	CrA
Xenitivo	Coronae Australis / Coronae Austrinae
Simboloxía	A Coroa Austral
Ascensión Recta	19 h
Declinación	−40°
Área	128 graos cadrados Rango 80º
Número de estrelas (magnitude < 3)	0
Estrela máis brillante	α CrA (magnitude ap. 4.1)
Choiva de meteoros	Beta Corona Australidas
Constelacións lindeiras	Sagittarius Scorpius Ara Telescopium
Visible en latitudes entre +40° e −90° Mellor visibilidade ás 21:00 (9 p.m.) durante o mes de Agosto

Corona Australis ou Corona Austrina (do latín Coroa do Sur) é unha das 48 constelacións nomeadas por Ptolomeo no século II, e tamén unha das 88 constelacións modernas.

É unha constelación pequena característica dos ceos do sur que está practicamente integrada a Sagittarius, bordeándoa polo norte e oeste. No leste e sur ten as constelacións de Scorpius e Telescopium respectivamente. Debaixo do arqueiro vese un pequeno semicírculo de estrelas de magnitude 4 e 5, a Coroa Austral.

Estrelas principais

• α Coronae Australis (Alfecca Meridiana), estrela branca de magnitude 4,10 é algo menos brillante que β Coronae Australis.
• β Coronae Australis, estrela amarelo-alaranxada de magnitude 4,10.
• γ Coronae Australis, estrela dobre de magnitude 4,23.
• ε Coronae Australis, con magnitude 4,83 é a binaria de contacto máis brillante do hemisferio sur.
• κ Coronae Australis, binaria óptica formada por dúas estrelas branco-azuladas.
• R Coronae Australis, estrela moi noviña do tipo Herbig Ae/Be que aínda non acadou a secuencia principal.
• RX J1856.5-3754, estrela de neutróns illada a uns 400-450 anos luz de distancia e posible candidata para ser unha estrela de quarks.

Obxectos Notables do espazo profundo

• NGC 6541. Cúmulo globular a 15.000 anos luz do Sol que, visto cun telescopio pequeno, presenta un pequeno disco nebuloso. AR: 01h 44m 06.0s Dec: +61°53'00" (Época 2000).
• NGC 6729. Parte dunha rexión nebular que contén estrelas variables como R CrA e TY CrA. AR: 19h 01m 54.0s Dec: -36°57'00" (Época 2000).

Mitoloxía

Representa a coroa de loureiro que pertenceu a Quirón o centauro e algunhas veces é chamada Corona Sagittarii.

Véxase tamén

Outros artigos

• Corona Borealis

Ligazóns externas

• Información sobre esta constelación (en castelán)
• The Deep Photographic Guide to the Constellations: Corona Australis (en inglés)
• Corona Australis photo - [1]
• Star Tales – Corona Australis (en inglés)

Corona Australis.