Crater

Para outras páxinas con títulos homónimos véxase: Cráter.

Crater
Nome Latino	Cráter
Abreviatura	Crt
Xenitivo	Crateris
Simboloxía	A Vasilla ou Cunca,
Ascensión Recta	11 h
Declinación	−15°
Área	282 graos cadrados Rango 53º
Número de estrelas (magnitude < 3)	Non
Estrela máis brillante	δ Crt (magnitude ap. 3,57)
Choiva de meteoros	Eta Crateridas
Constelacións lindeiras	Leo Sextans Hydra Corvus Virgo
Visible en latitudes entre +65° e −90° Mellor visibilidade ás 21:00 (9 p.m.) durante o mes de Abril

Crater (vasilla en Latín) é unha das 88 constelacións e tamén foi unha das 48 listadas por Ptolomeo. Dise que representa a copa de Apolo. Non ten estrelas cun brillo maior á cuarta magnitude.

Estrelas principais

γ Crateris é unha binaria pechada , cunha magnitude de 4,06 , un ángulo de posición de 96° e unha separación de 52". A súa compañeira é de 9,6. Este sistema está localizado a 84 anos luz do Sol.

R Crateris é unha semiregular variable do tipo SRb e unha clasificación espectral de M7. Ten unha magnitude de 9,8 a 11,2 e un período óptico de 160 días.

SZ Crateris é de magnitude 8,1 e é unha estrela variable. É un sistema estelar localizado bastante preto de nós, a uns 44 anos luz. Tamén é identificada co nome de Gliese 425, e no pasado foi coñecida coma a estrela de Abt.

Estrelas con nome propio:

• (7/α Crt) 4,08 Alkes

  الكاس\الكأس alkās/alka’s A vasilla ou Cunca

• (11/β Crt) 4,46 Al Sharasif

  < ? As costelas (da Hydra)

• (12/δ Crt) 3,56 Labrum ou Santo Grial

Estrelas con designación de Bayer:

15/γ Crt 4,06; 14/ε Crt 4,81; 27/ζ Crt 4,71; 21/θ Crt 4,70; 30/η Crt 5,17; 24/ι Crt 5,48; 16/κ Crt 5,93; 13/λ Crt 5,08; ψ Crt 6,11

Estrelas con designación de Flamsteed:

17 Crt (binaria) 4.93, 5,64; 31 Crt 5,28

Outras estrelas notables:

• BD-10°3166 10,0 (ten un planeta extrasolar).
• HD 98800, sistema estelar cun disco de po.
• LHS 2397a, sistema binario de baixa masa, composto por unha feble anana vermella e unha anana marrón.

Obxectos Notables do espazo profundo

NGC 3511 é unha galaxia en espiral cunha barra difuminada preto do borde,do tipo SBbc. É un membro do cúmulo de galaxias Abell 1060. Esta galaxia e dunha magnitude de 12, e dun tamaño de 4' x 1'.

NGC 3887 é unha galaxia de espiral barrada do tipo SBc, de magnitude 11, cun diámetro de 3,5'.

NGC 3981 é unha galaxia espiral con dous brazos ben separados, do tipo SBbc. A súa magnitude e 12 cun diámetro de 3'. Esta galaxia foi descuberta por William Herschel no 1785.

Mitoloxía

Na mitoloxía grega, un corvo servía a Apolo, e foi enviado a traer auga, pero este quedouse a esperar cuns figos duns figueira madurasen para poder comelos, despois de varios días de espera, e de finalmente obte-la auga na fonte, regresou levando ademais do cráter onde levaba a auga, unha serpe de auga (chamada tamén hidra), e coma escusa pola súa tardanza explicou que esta serpe bebíase cada día a auga da fonte (noutros relatos o corvo dicía que a serpe o tiña atacado). De acordo co mito, Apolo descubriu o engano, e furioso mandou ó corvo, o cráter e a serpe ó ceo. A orixe desta fábula é debido á proximidade desta constelación coas do Corvus, e da Hydra, na área do firmamento coñecida coma Mar.

Véxase tamén

Outros artigos

• Corvus
• Hydra

Ligazóns externas

• The Deep Photographic Guide to the Constellations: Crater (en inglés)
• Star Tales – Corvus and Crater (en inglés)