Musca

Para outras páxinas con títulos homónimos véxase: Mosca (homónimos).

Musca
Nome Latino	Musca
Abreviatura	Mus
Xenitivo	Muscae
Simboloxía	A Mosca
Ascensión Recta	12h 27m 36s h
Declinación	−70° 20' 24"°
Área	138 graos cadrados Rango 77°
Número de estrelas (magnitude < 3)	1
Estrela máis brillante	α Mus (magnitude ap. 2.69)
Choiva de meteoros	Ningunha
Constelacións lindeiras	Apus Carina Centaurus Chamaeleon Circinus Crux
Visible en latitudes entre +10° e −90° Mellor visibilidade ás 21:00 (9 p.m.) durante o mes de Maio

Musca é unha das constelacións menores do Sur. A constelación foi unha das doce creadas por Pieter Dirkszoon Keyser e Frederick de Houtman entre o 1595 e o 1597, e a súa primeira aparición foi na Uranometria de Johann Bayer de 1603.

Obxectos notables

A transitoria suave de raios-X Nova Muscae 1991 (ou Nova de Raios-X) é un obxecto binario consistente nunha estrela e nun burato negro. Durante o 1991 tivo un arranque de actividade que permitiu descóbrela, a radiación foi producida a través dun proceso de aniquilación positrónica. Musca tamén contén unha inusual nebulosa planetaria NGC 5189, localizada a máis de 3,000 anos luz da Terra. É unha estrutura complexa única que se asómella en miniatura á nebulosa do cangrexo. Tamén dentro da constelación está a Nebulosa do Reloxo de Area (MyCn 18) a unha distancia de 8,000 anos luz. O comparativamente vello cúmulo globular NGC 4833 preto de Delta Muscae está a 21,200 anos luz de distancia e un tanto escurecido por nubes de po preto do plano galáctico. O cúmulo globular NGC 4372 preto de Gamma Muscae é debilitado e parcialmente escurecido por po, pero estendese máis minutos de arco.

Estrelas con Nomes propios

Estrela	Nome da Estrela	Orixe do Nome	Significado do Nome
μ	Butain	Árabe	pequeno ventre
35	Krittika	Sánscrito	Pleiades

Historia

Musca, no seu nome orixinal Apis – A Abella, foi introducida no século XVII para recha-los espazos sen catalogar ó redor do polo sur. Coma consecuencia do descoñecemento polas culturas antigas desta constelación non hai mitoloxía referente a mesma. En 1752, Nicolas Louis de Lacaille cambiarialle-lo nome a Musca Australis coma contrapartida da tamén desaparecida constelación de Musca Borealis (constelación que tamén foi coñecida coma Apes ou Vespa) que existía no hemisferio norte celeste. Na actualidade o seu nome é simplemente Musca.

Véxase tamén

Citas

• Shane Horvatin. "Obsolete Constellations: Apis" (en inglés). http://www.pa.msu.edu/people/horvatin/Astronomy_Facts/obsolete_pages/apis.htm. Consultado o 9/11/2007. 

Notas

• Ian Ridpath and Wil Tirion (2007). Stars and Planets Guide, Collins, London. ISBN 978-0007251209. Princeton University Press, Princeton. ISBN 978-0691135564. (en inglés)
• Thomas Wm. Hamilton, Useful Star Names, Holbrook, NY, Viewlex, 1968. (en inglés)

Ligazóns Externas

• The Deep Photographic Guide to the Constellations: Musca (en inglés)
• Starry Night Photography: Musca (en inglés)
• Star Tales – Musca (en inglés)
• 
  Commons ten máis contidos multimedia sobre:Musca

Imaxe da constelación de Apis e Crux.