Caelum

Caelum
Nome Latino	Caelum
Abreviatura	Cae
Xenitivo	Caeli
Simboloxía	O cincel
Ascensión Recta	5 h
Declinación	−40°
Área	125 graos cadrados Rango 81º
Número de estrelas (magnitude < 3)	0
Estrela máis brillante	α Cae (magnitude ap. 4.45)
Choiva de meteoros	Ningunha
Constelacións lindeiras	Columba Lepus Eridanus Horologium Dorado Pictor
Visible en latitudes entre +40° e −90° Mellor visibilidade ás 21:00 (9 p.m.) durante o mes de Xaneiro

Caelum (o buril, cincel ou ceo, en latín) é unha constelación menor do hemisferio sur, introducida por Nicolas Louis de Lacaille que se atopa entre Columba e Eridanus. Representa un cincel, instrumento para traballar metais, pedra e outros materiais.

Caelum é unha constelación de pouca relevancia, sen ningunha estrela por riba da cuarta magnitude. É a oitava constelación máis pequena do firmamento, cunha área lixeiramente inferior á da Corona Australis. Ten pouco que ofrecer para o astrónomo afeccionado, pódese destacar γ Caeli, binaria óptica que se pode ver cun pequeno telescopio.

Estrelas principais

• α Caeli, a estrela máis brillante da constelación con magnitude 4,44 é unha estrela binaria formada por unha estrela branco-amarela e unha feble anana vermella de magnitude 12,5. Ambas compoñentes están separadas 6 segundos de arco.
• β Caeli, estrela branco-amarela de magnitude 5,04 de características moi similares á compoñente máis brillante de α Caeli.
• γ Caeli, denominación compartida por dúas estrelas distintas. γ¹ Caeli, de magnitude 4,55 e é a segunda estrela máis brillante da constelación, e tamén é unha xigante laranxa a 185 anos luz. γ² Caeli, tamén chamada X Caeli, é unha estrela variable Delta Scuti que se atopa a 334 anos luz.
• RV Caeli, xigante vermella e variable irregular cun brillo que oscila entre magnitude 6,44 e 6,56.

Obxectos Notables do espazo profundo

• NGC 1679. AR: 04h 50m 00.0s Dec: -31°59'00" (Época 2000). Galaxia espiral, dous graos ó sur de ζ Caeli.

Véxase tamén

Ligazóns externas

• http://usuarios.lycos.es/astro114/OBSERVACION-CAELUM.htm (en castelán)
• Starry Night Photography - Caelum Constellation (en inglés)
• Star Tales – Caelum (en inglés)
• 

  Commons ten máis contidos multimedia sobre: Caelum

Imaxe da constelación de Caelum.