Tucana

Tucana
Nome Latino	Tucana
Abreviatura	Tuc
Xenitivo	Tucanae
Simboloxía	O Tucano
Ascensión Recta	0 h
Declinación	-65°
Área	295 graos cadrados Rango 48º
Número de estrelas (magnitude < 3)	1
Estrela máis brillante	Alfa (α) Tucanae (magnitude ap. 2,87)
Choiva de meteoros	Ningunha
Constelacións colindantes	Grus Indus Octans Hydrus Eridanus (esquina) Phoenix
Visible en latitudes entre +90° e −25° Mellor visibilidade ás 21:00 (9 p.m.) durante o mes de Novembro
{{{notas}}}

Tucana, o tucán, é unha constelación do hemisferio sur celeste. É unha das 88 constelacións aceptadas pola Unión Astronómica Internacional. Foi creada polos navegantes holandeses Pieter Dirkszoon Keyser e Frederick de Houtman entre 1595 e 1597, coma resultado das súas exploracións polos mares do hemisferio sur. Apareceu por primeira vez na obra Uranometria (1603), de Johann Bayer. Representa o tucano, unha especie de ave tropical oriúnda de Suramérica.

Mitoloxía

Tucana é unha constelación moderna inventada a finais do século XVI. Polo que non ten ningún elemento mitolóxico asociado.

Estrelas Notables

Nome	Mag.	α (J2000.0)	δ (J2000.0)	Distancia anos luz	Comentarios
Alfa (α) Tucanae	2,87	22h 18m 30,1s	−60° 15' 35"	199 ± 7	estrela binaria astrométrica.
Zeta (ζ) Tucanae	4,23	00h 20m 04,3s	−64° 52' 29"	28 ± 0,2	anana amarela semellante ó Sol.
Kappa (κ) Tucanae	4,25	01h 15m 46,1s	−68° 52' 34"	66,6	Grupo de catro estrelas: dúas estrelas binarias; κ Tuc A (mag. 5,1) e κ Tuc B (mag. 7,3), κ Tuc C (mag. 7,8) e κ Tuc D (mag. 8,2).
Beta (β) Tucanae	4,36 (β¹)	00h 31m 32,7s (β¹)	−62° 57' 29" (β¹)	140 (β¹)	sistema múltiple de seis estrelas: β¹ Tuc (mag. 4,36), β² Tuc (mag. 4,53), β³ Tuc A (mag. 5,8), β³ Tuc B (mag. 6,0) son as máis brillantes O sistema β³ Tuc é binario, algo separado de β¹ y β², pero aparentemente asociado a elas.
Nu (ν) Tucanae	4,91	22h 33m 00,1s	−61° 58' 56"	273 ± 4	estrela variable; variación: 4,75–4,97 cun período irregular
Theta (θ) Tucanae	6,11	00h 33m 23,3s	−71° 15' 58"	490 ± 38	estrela variable tipo δ Scuti; variación: 6,06-6,15 en períodos de 1,18 h a 1,45 h
Lambda (λ) Tucanae (λ Tuc / λ Tucanae)	6.67	00h 52m 24.3s	−69° 30' 16"	200 ± 19	Binaria óptica, as dúas estrelas son chamadas Lambda 1 e Lambda 2. Lambda 1 é un sistema binario (os datos amosados á esquerda pertencen a Lambda 1).
HD 221287	7,82	23h 31m 20,3s	−58° 12' 35"	173	estrela cun planeta extrasolar a 1,25 UA da estrela.

Mag. = Magnitude aparente | α = ascensión recta | δ = declinación
Fonte: The Bright Star Catalogue, 5ª ed. revisada., Catálogo de Hiparco, ESA SP-1200

Obxectos Notables do espazo profundo

Entre os obxectos máis destacables desta constelación, o máis destacado é a Pequena Nube de Magallanes, una das galaxias satélite da Vía Láctea; seguida moi de preto por 47 Tucanae ou 47 do Tucán (NGC 104), o segundo cúmulo globular máis brillante de todo ó firmamento. Éste atopase a 13.400 anos luz de nos. Semellante á pequena nube de Magallanes, pero moito máis apagada, está á Galaxia Anana do Tucano, descuberta no 1990.

Ligazóns externas

• The Deep Photographic Guide to the Constellations: Tucana (en inglés)
• Star Tales – Tucana (en inglés)