Tito Vilanova

Na Galipedia, a Wikipedia en galego.
Tito Vilanova
Tito Vilanova (2012).jpg
Tito Vilanova
Información persoal
Nome completo Francesc Vilanova i Bayó
Nacemento 17 de setembro de 1968
Lugar Bellcaire d'Empordà, España
Falecemento 25 de abril de 2014
Lugar Barcelona, España
Altura 1,78 m
Posición Centrocampista
Carreira xuvenil
1984–1988 Barcelona
Carreira sénior
Anos Equipos Aprs (Gls)
1988–1990 Barcelona B 52 (6)
1990–1992 Figueres 72 (6)
1992–1995 Celta de Vigo 26 (1)
1995–1996 Badajoz 33 (2)
1996–1997 Mallorca 10 (0)
1997–1998 Lleida 21 (3)
1998–2000 Elche 29 (1)
2000–2002 Gramenet
Adestrador
Palafrugell
Figueres
Terrassa
2007–2008 Barcelona B (asistente)
2008–2012 Barcelona (asistente)
2012–2013 Barcelona
* Partidos e goles só en liga doméstica.
† Aparicións (Goles)

Francesc "Tito" Vilanova i Bayo, nado en Bellcaire d'Empordà (Xirona) o 17 de setembro de 1968 e finado en Barcelona o 25 de abril de 2014[1], foi un futbolista e adestrador de fútbol español. Como futbolista, a súa posición foi a de centrocampista e xogou tres tempadas en Primeira no Celta de Vigo. Como adestrador, foi o segundo de Pep Guardiola na mellor etapa da historia do FC Barcelona e como primeiro adestrador gañou o título de Liga acadando os 100 puntos.

Traxectoria[editar | editar a fonte]

Tito, á dereita, sentado no banco do Barça B detrás de Guardiola.

Como xogador[editar | editar a fonte]

Como futbolista formouse nas categorías infantís do Barça entre 1984 e 1990. Nesa época foi cando coñeceu a Guardiola, sendo amigos desde entón.

A súa carreira como xogador profesional comezou na UE Figueres, coa que xogou a promoción de ascenso a primeira división contra o Cádiz CF a tempada 1991/1992. Continuou no Real Club Celta tres anos en primeira división, no CD Badajoz, no Real Mallorca, na UE Lleida e no Elche CF. Retirouse na UDA Gramenet.

Como adestrador[editar | editar a fonte]

Comezou a adestrar no FC Palafrugell, e seguiu no Figueres e no Terrassa FC antes de regresar ao Barça. Comezou a tempada 2007-08 como segundo adestrador de Pep Guardiola no FC Barcelona B, acadando o ascenso á 2ª B logo de quedar en primeira posición do grupo V da 3ª división. A tempada seguinte (2008-09) Guardiola pasou a adestrar o primeiro equipo do Barça, e Tito Vilanova tamén foi o segundo adestrador até o remate da tempada 2011-2012.

No partido de volta da Supercopa de España de Fútbol de 2011 foi un dos protagonistas da liorta que houbo ao remate do partido, na que José Mourinho lle meteu un dedo no ollo.

En novembro de 2011 foi operado no hospital do Vall d'Hebron de Barcelona, intervíndolle a glándula parótide[2]. O 27 de abril de 2012, na rolda de prensa de despedida de Pep Guardiola, foi anunciado como próximo adestrador do primeiro equipo do FC Barcelona.

O seu debut como primeiro adestrador do Barça en competición oficial foi o 19 de agosto de 2012 nun partido de liga contra a Real Sociedad que acabou cun resultado de 5-1 favorable aos blaugrana.[3] Malia que perdeu a Supercopa de España contra o Real Madrid pola regra do gol en campo contrario, conseguiu gañar os seus seis primeiros partidos de Liga, marca que só conseguiran antes catro técnicos do Barcelona;[4] e os tres primeiros de Liga de Campións, éxito que só conseguira Carles Rexach.[5] Posteriormente, pasou á historia por firmar o mellor comezo na historia do Barcelona[6] e o mellor de tota a historia da Liga.[7][8]

En decembro de 2012 recaeu dun cancro na glándula parótide que xa tratara o ano anterior. A recaída obligouno a suspender temporalmente a súa labor como adestrador do FC Barcelona, ocupando o seu cargo o seu asistente Jordi Roura.[9][10]

O 19 de xullo de 2013 o presidente do Barça, Sandro Rossell, e o director da Área de Fútbol, Andoni Zubizarreta, convocaron unha rolda de prensa na Cidade Deportiva do Barça[11] para anunciar que Tito Vilanova sufrira unha nova recaída na súa enfermidade e que abandoaba o Barça.[12]

O 24 de abril de 2014 foi operado na Clínica Quirón de Barcelona logo de sufrir uns problemas gástricos[13] que agravaron a súa xa delicada situación, e morreu o día seguinte.[14]

Palmarés[editar | editar a fonte]

Como adestrador[editar | editar a fonte]

Como segundo adestrador do Barça conseguíu:

Como primeiro adestrador do Barça conseguíu:

Notas[editar | editar a fonte]

  1. "Muere Tito Vilanova tras luchar dos años y medio contra el cáncer", artigo en La Vanguardia, 25 de abril de 2014 (en castelán).
  2. "Tito Vilanova rep l'alta hospitalària i ja és a casa", artigo no Diari Ara 362, 29 de novembro de 2011 (en catalán).
  3. "... Y Villa hizo que la fiesta fuese completa". Sport. 19 de agosto de 2012. http://www.sport.es/es/noticias/barca/villa-hizo-que-fiesta-fuese-completa-2187709.
  4. "Tito iguala el mejor inicio en Liga". FC Barcelona. 30 de setembro de 2012. http://www.fcbarcelona.es/futbol/primer-equipo/detalle/noticia/tito-iguala-el-mejor-inicio-en-liga.
  5. "Vilanova iguala a Rexach ganando los tres partidos" (PDF). Marca. 24 de outubro de 2012. http://ipressreview.kantarmedia2.es/ficheroExterno/home3/news/data/201210/20121024/071612/62997109.pdf.
  6. "Tito Vilanova firma el mejor arranque del Barça en la Liga". FC Barcelona. 3 de novembro de 2012. http://www.fcbarcelona.es/futbol/primer-equipo/detalle/noticia/tito-vilanova-firma-la-millor-arrencada-del-barca-a-la-lliga.
  7. "El Barça logra el mejor arranque de la historia de la Liga". FC Barcelona. 1 de decembro de 2012. http://www.fcbarcelona.es/futbol/primer-equipo/detalle/noticia/el-barca-logra-el-mejor-arranque-de-la-historia-de-la-liga.
  8. "Tito ya es leyenda". Marca. 2 de decembro de 2012. http://www.marca.com/2012/12/02/futbol/equipos/barcelona/1354464942.html.
  9. "Tito Vilanova recau en la malaltia". Diari Ara. 19 de decembro de 2012. http://www.ara.cat/esports/barca/Tito-Vilanova-recau-seva-malaltia_0_831516952.html.
  10. "Vilanova recae de su enfermedad". El País. 19 de decembro de 2012. http://deportes.elpais.com/deportes/2012/12/19/actualidad/1355917768_701978.html.
  11. "Roda de premsa de Rosell i Zubizarreta aquest divendres a les 20.30 hores". fcbarcelona.cat. 19 de xullo de 2013. http://www.fcbarcelona.cat/club/detall/noticia/roda-de-premsa-de-rosell-i-zubizarreta-aquest-divendres.
  12. "Tito Vilanova deja el banquillo del Barça al recaer en su enfermedad". Cadena SER. 19 de xullo de 2013. http://www.cadenaser.com/deportes/articulo/tito-vilanova-deja-banquillo-barca-recaer-enfermedad/csrcsrpor/20130719csrcsrdep_24/Tes.
  13. "Tito Vilanova, operat a la Clínica Quirón de Barcelona". Diari Ara. 25 de abril de 2014. http://www.ara.cat/esports/Tito_Vilanova-operat-Quiron-Barca_0_1126087676.html.
  14. "Mor Tito Vilanova". Marca. 25 de abril de 2014. http://www.marca.com/2014/04/25/futbol/equipos/barcelona/1398442769.html.

Véxase tamén[editar | editar a fonte]

Ligazóns externas[editar | editar a fonte]