Elche Club de Fútbol

Elche

Nome	Elche Club de Fútbol, S.A.D.
Alcume(s)	Franjiverdes Ilicitanos
Fundación	1922
Estadio	Martínez Valero, Elx, España
Inauguración	1976
Capacidade	39.750
Propietario
Presidente	José Sepulcre Coves
Adestrador	César Ferrando
Liga	Segunda División
2011–12	11º
Vestimenta
Patrocinador
Web oficial
Na casa Fóra

O Elche Club de Fútbol é un club de fútbol de España, constituído como SAD, con sede social na cidade de Elx (Alacant).

Fundouse en 1922, coa unión de varios clubs da cidade, entre eles o Illice, o Sporting e o Gimnástica de Elche. Na tempada 1958-59 logra o seu primeiro ascenso a 1ª División, manténdose nesta categoría durante doce tempadas consecutivas. O seu maior éxito conségueo na tempada 1968-69 cando accede á final da Copa do Xeneralísimo, (actual Copa do Rei), proclamándose subcampión contra o Athletic Club.

Actualmente o club sitúase na vixésima primeira posición da Clasificación histórica de Primeira División, sendo o segundo mellor clasificado da Comunidade Valenciana por detrás do Valencia CF. Compite na Segunda División.

Uniforme

• Primeiro equipamento: Camiseta branca cunha franxa horizontal verde, pantalón branco e medias brancas.
• Segundo equipamento: Camiseta negra, pantalón negro e medias negras.

Estadio

Artigo principal: Estadio Martínez Valero.

O Estadio Martínez Valero, foi inaugurado o 8 de setembro de 1976, substituíndo ao antigo campo de Altabix (1926). Obra do arquitecto Juan Boix Matarredona, é na actualidade o maior recinto deportivo da provincia de Alacant. Conta cun aforamento de 41.000 localidades, divididas en dúas gradarías. Ten unha altura de 18 metros e un peso de 100 millóns de quilos. O terreo de xogo ten unhas dimensións de 108 metros de longo por 70 de ancho, e o aparcadoiro pode albergar 2.184 vehículos. O Martínez Valero dispón dun sistema de vixilancia por cámaras, unha rede de altofalantes e dous videomarcadores, situados nos aneis norte e sur do estadio.

Estadio Martínez Valero en Elx.

O partido inaugural foi Elche C.F. - Selección de México, onde empataron a tres. Os goles do Elche C.F nese partido conseguíronos Finarolli, Orellana e Gómez Voglino. Ademais, nel xogouse a final da Copa do Rei da tempada 2002/03. Formou parte dos estadios onde levaron a cabo os partidos da Copa Mundial de Fútbol de 1982.

O Elche Club de Fútbol dispuxo doutros estadios, como o El Clot, El Cementerio, Stadium de Elche (Campo de Don Jeremías) e do Altabix.

Datos do club

Visión do Martínez Valero nun partido do trofeo Festa d'Elx entre o Elche CF e o FC Barcelona en 2003.

• Tempadas en 1ª: 19
  • Mellor posto: 5º (tempada 63-64)

• Tempadas en 2ª: 34
  • Mellor posto: 1º (tempada 58-59)

• Tempadas en 2ªB: 7
  • Mellor posto: 2º (tempada 96-97)

• Tempadas en 3ª: 19
  • Mellor posto: 1º (tempada 57-58)

• Posto na Clasificación histórica de Primeira división: 23º

Denominacións

• Elche Football Club (1923-1939).
• Elche Club de Fútbol (1939-1997).
• Elche Club de Fútbol Sociedad Anónima Deportiva (Desde 1997).

Xogadores

Cadro 2011/12

Nº Posto País Xogador 1 POR Leandro 2 DEF Javier Carpio 4 DEF Etxeita 6 MED Luismi Loro 7 MED Perico 8 MED Mantecón 9 DEL Ángel 10 MED Kike Mateo 11 MED Palanca 12 DEF Grégory Béranger 14 DEL Nicki Bille 15 MED Acciari 16 MED Rúper

Nº Posto País Xogador 17 MED Xumetra 18 DEF Pelegrín 19 DEL Linares 20 MED Generelo 21 DEF Edu Albácar 22 DEF Javier Flaño 23 MED Jorge Luque 24 DEF Hector Verdés 25 POR Juan Carlos 26 MED Javi Paños 27 DEF Alexis Egea 28 DEF Obele

Palmarés

Torneos nacionais

• Segunda División (1): 1958−59
• Terceira División (7): 1940−41, 1943−44, 1944−45, 1947−48, 1954−55, 1956−57, 1957−58
• Subcampión da Copa do Xeneralísimo (1): 1968−69
• Subcampión da Copa RFEF (1): 1999−00
• Subcampión da Segunda División (2): 1972−73, 1987−88
• Subcampión da Segunda División B (1): 1996−97
• Subcampión da Terceira División (6): 1929−30, 1932−33, 1933−34, 1945−46, 1946−47, 1948−49

Torneos amigables

• Trofeo Festa d'Elx (25): 1961, 1962, 1963, 1965, 1968, 1972, 1973, 1976, 1977, 1978, 1980, 1981, 1982, 1987, 1988, 1992, 1993, 1994, 1996, 1997, 2005, 2006, 2009
• Trofeo Carabela de Plata (2): 1999, 2007
• Trofeo Ciudad de Alcoy (1): 2008
• Trofeo Puma (1): 2009
• Trofeo Concepción Arenal (1): 1978

Distincións especiais

• Trofeo Antuerpen (1): 1966-67

Filial

Artigo principal: Elche Club de Fútbol Ilicitano.

O Elche Ilicitano é o equipo filial do Elche Club de Fútbol, chamado nas súas orixes Club Deportivo Ilicitano. Fundouse en 1932 coa intención de servir como canteira para o primeiro equipo. Actualmente milita no grupo IV da Rexional Preferente da Comunidade Valenciana. Na década de 1960 chegou a xogar en 2ª división.

Véxase tamén

Ligazóns externas

• Sitio web oficial do Elche
• Fundación do Elche
• Web do fútbol base de Elche