Lois I de Portugal
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2017.) |
Lois I de Portugal,[1] alcumado o Popular, nado en Lisboa o 31 de outubro de 1838 e finado en Cascais o 19 de outubro de 1889, foi rei de Portugal entre 1861 e 1889. Era ou segundo fillo da raíña María e do rei consorte Fernando, e foi Duque do Porto.
Traxectoria
[editar | editar a fonte]Lois era un home culto, afeccionado a escribir poesía. Con todo, non posuía capacidades políticas, xa que se viu coroado trala morte dos seus dous irmáns Pedro e Fernando en 1861 como consecuencia dunha epidemia de cólera. O reinado de Lois caracterizouse por unha serie de cambios de goberno, formados en diversas ocasións polos liberais e outras polos conservadores. Durante o seu goberno, Portugal devaluouse en relación con outros países europeos en termos de educación, política, estabilidade, progreso tecnolóxico e estabilidade económica. En temas coloniais, a baía de Delagoa confirmouse como posesión portuguesa en 1875 mentres que as actividades belgas no Congo negaban a Portugal un terreo entre Angola e Mozambique.
A pesar dunha filtración coa sucesión española antes da Guerra franco-prusiana de 1870-1871, Lois foi sobre todo un home de ciencia, cunha especial paixón pola oceanografía. Investiu gran parte da súa fortuna en financiar barcos de investigación dedicados a recoller espécimes nos océanos do mundo. Foi o responsable da creación dun dos primeiros acuario do mundo, o Vasco da Gama en Lisboa, que segue aínda aberto ao público, incluíndo unha lura de 10 metros de longo. O seu amor polas ciencias e cousas novas foi pasado aos seus dous fillos.
O matrimonio de Lois e os seus descendentes
[editar | editar a fonte]Lois I contraeu matrimonio o 6 de outubro de 1862 con María Pía de Savoia (16 de outubro de 1847 - 5 de xullo de 1911), filla de Vítor Manuel II de Italia e María Adelaida de Habsburgo. Eles tiveron dous fillos.
| Nome | Nacemento | Morte | Notas |
|---|---|---|---|
| O Príncipe Carlos | 28 de setembro de 1863 | 1 de febreiro de 1908 | Sucedeuno como Carlos I, o 33º (ou segundo algúns historiadores 34º) Rei de Portugal, asasinado en 1908 polos republicanos. |
| Afonso de Bragança, infante de Portugal | 31 de xullo de 1865 | 21 de febreiro de 1920 | Duque do Porto. |
| Predecesor: Pedro V |
Rei de Portugal 1861 - 1889 |
Sucesor: Carlos I |
Enfermidade e morte
[editar | editar a fonte]Durante toda a súa vida, Lois foi un mullereiro. Mentres era solteiro e oficial naval frecuentaba as prostitutas e, tras ascender ao trono, tivo varias relacións extramatrimoniais, a máis famosa delas coa actriz Rosa Damasceno.[2]
Nalgún momento da súa vida contraeu sífilis, que nese tempo era incurable e non tiña un tratamento eficaz. En 1887, a enfermidade manifestouse e finalmente evolucionou cara á neuro-sífilis, que o matou tras un prolongado e atroz sufrimento, o 19 de outubro de 1889, antes dos 51 anos, na cidadela de Cascais.[3]
Notas
[editar | editar a fonte]- ↑ "Guía de nomes galegos". Real Academia Galega. Consultado o 2023-12-07.
- ↑ Saraiva, José António (2024). O Homem que Mandou Matar o Rei D. Carlos. Lisboa: Gradiva. pp. 74–75. ISBN 978-989-785-265-7.
- ↑ Martins, Rocha (1926). D. Carlos: Historia do seu reinado. Lisboa: autor. pp. 149–156.
Véxase tamén
[editar | editar a fonte] |
Wikimedia Commons ten máis contidos multimedia na categoría: Lois I de Portugal  |
Outros artigos
[editar | editar a fonte]| Casa de Borgoña (1139–1383) | _-_Lesser.png) | |
|---|---|---|
| Casa de Avis (1385–1580) | ||
| Casa de Habsburgo (1581–1640) | ||
| Casa de Braganza (1640–1910) | ||
