Manuel II de Portugal

Na Galipedia, a Wikipedia en galego.
Manuel II de Portugal.

Manuel II de Portugal, alcumado o Patriota ou o rei perdido, nado en Lisboa o 19 de marzo de 1889 e finado en Twickenham (Inglaterra) o 2 de xullo de 1932, foi un nobre da casa de Bragança, último rei de Portugal entre 1908 e 1910.

Traxectoria[editar | editar a fonte]

O seu reinado iniciouse en 1908, ano no que radicais republicanos asasinaron ao seu pai, o rei Carlos e ao seu irmán maior, Luís Felipe, Príncipe Real.

O novo rei tivo que salvar a posición da Casa de Bragança forzando á dimisión do primeiro ministro João Franco e de todo o gabinete en 1908. Declaráronse eleccións libres nas que os republicanos e os socialistas tiveron cerca de 14 %. A revolución iniciouse o 4 de outubro de 1910 e Manuel fuxiu a Xibraltar con toda a familia real.

35- Rei D. Manuel II - O Patriota.jpg

Viviu no exilio no Reino Unido. O 4 de setembro de 1913 casou coa princesa Augusta Vitoria de Hohenzollern-Sigmaringen. O rei morreu novo polo que os movementos realistas que querían restaurar a dinastía de Bragança fracasaron. Ao non deixar descendencia, os pretendentes ao trono de Portugal foron diversos, sen que se determinase quen era o lexítimo herdeiro ao trono.

Manuel II escribiu unha importante guía sobre a literatura portuguesa medieval e do renacemento.



Predecesor:
Carlos I
Rei de Portugal
1908-1910
Sucesor:
declárase a República

Ligazóns externas[editar | editar a fonte]

Commons
Commons ten máis contidos multimedia sobre: Manuel II de Portugal

Outros artigos[editar | editar a fonte]