Partido Comunista de los Pueblos de España

Na Galipedia, a Wikipedia en galego.
Partido Comunista de los Pueblos de España (PCPE)
Partido político de España
Partido Comunista de los Pueblos de España (logo).jpg
Dirixentes e organización
Líder Astor García
Mocidades Colectivos de Jóvenes Comunistas
Filiación internacional Ningunha
Historia
Fundación 1984
Posicións políticas
Ideoloxía Marxismo-leninismo
Representación
Concelleiros
7 / 68.286
Outros datos
Sede Madrid
Publicación Unidad y Lucha
Páxina web www.pcepe.es

O Partido Comunista de los Pueblos de España (PCPE) é un partido político español marxista-leninista fundado en xaneiro 1984 nun Congreso de Unidade dos Comunistas no que participaron o Partido Comunista de España Unificado, Movimiento de Recuperación del PCE, Movimiento para la Recuperación y Unificación del PCE e Candidatura Comunista, formacións afíns á política oficial do PCUS e opostos a liña eurocomunista de Santiago Carrillo, que se escindiran do PCE nos anos 70 e 80, e formaron o Partido Comunista, recoñecido polo PCUS e que tiña por principal dirixente a Ignacio Gallego e que axuntaba arredor de 10.000 militantes. O PCE denunciou o nome do novo partido diante os tribunais e en xaneiro 1986 adoptou o nome de PCPE

En 1986 o PCPE participou, xunto ó PCE e outros partidos, na creación de Izquierda Unida pero apenas permaneceu un ano na coalición, ó mesmo tempo unha crise en Cataluña levou ó seu partido federado alí, o Partit dels Comunistes de Catalunya a converteuse nunha formación independente, separándose do PCPE.

En 1988 Ignacio Gallego xunto con 5.000 militantes e a maioría do Comité Central volveu ó seo do PCE; o que quedou do PCPE pasou a ser unha formación moi minoritaria.

No 2000 celebrouse en Madrid o Congreso de Unificación entre o PCPE e o Partido Comunista Obrero Español fundado por Enrique Líster (Aínda que este reingresara no PCE en 1986), que na práctica supuxo a integración do segundo no primeiro, aínda que ó pouco gran parte dos antigos militantes refundaron de novo o PCOE.

A marca galega deste partido foi o Partido Comunista do Pobo Galego ata 2008 e despois Comunistas da Galiza.

Eleccións[editar | editar a fonte]

Papeleta PCPE congr 2011 VLC.jpeg
Eleccións e data Votos  % Representantes
Parlamento Europeo, xuño de 1989 79.970 0,50 -
Congreso dos Deputados, outubro de 1989 62.664 0,31 -
Municipais, maio de 1991 6.488 0,03 17 concelleiros
Congreso dos Deputados, xuño de 1993 10.233 0,04 -
Parlamento europeo, xuño de 1994 29.692 0,16 -
Municipais, maio de 1995 4.633 0,02 7 concelleiros
Congreso dos Deputados, marzo de 1996 14.513 0,06 -
Parlamento Europeo, xuño de 1999 26.189 0,12 -
Congreso dos Deputados, marzo de 2000 12.898 0,06 -
Congreso dos Deputados, marzo de 2004 12.979 0,05 -
Parlamento Europeo, xuño de 2004 4.281 0,03 -
Municipais, maio de 2007 21.634 - 16 concelleiros
Congreso dos Deputados, marzo de 2008 20.030 0,08 -
Parlamento Europeo, xuño de 2009 15.221 0,10 -
Municipais, maio de 2011 - - 6 concelleiros
Congreso dos Deputados, novembro de 2011 [nota 1] 26.436[1] 0,10 -
Parlamento Europeo, maio de 2014 29.324[2] 0,18 -
Parlamento de Andalucía, marzo de 2015 3.490[3] 0,09 -
Municipais, maio de 2015 16.844 0,07 8 concelleiros
Autonómicas, maio de 2015 13.820 - -
Cabildos Insulares, maio de 2015 943[4] 0,25 -
Xuntas Xerais de Biscaia, maio de 2015 515[5] 0,09 -
Congreso dos Deputados, decembro de 2015 30.897[6] 0,12 -
Congreso dos Deputados, xuño de 2016 26.553 0,11 -
  1. Presentouse soamente en 28 provincias pola nova lei electoral, non admitíndose a candidatura en Barcelona (baixo as siglas do PCPC) alegando irregularidades nas firmas recolleitas para avalar as candidaturas.

Notas[editar | editar a fonte]

Véxase tamén[editar | editar a fonte]