Juan Ramos Camarero

Juan Ramos Camarero
	Juan Ramos Camarero
; Secretario Xeral do PCPE
	1988 – 2002
Precedido por	Ignacio Gallego
Sucedido por	Carmelo Suárez
; Deputado nas Cortes Xerais por Córdoba e Málaga;
	26 de xullo de 1977 – 31 de xaneiro de 1980
Datos persoais
Nacemento	1944; Íllora, Barcelona
Falecemento	14 de outubro de 2011; Barcelona
Partido	Partido Socialista Unificado de Cataluña; Partit dels i les Comunistes de Catalunya; Partido Comunista de los Pueblos de España
Profesión	político

Juan Ramos Camarero, nado en Íllora, Granada en 1944 e finado en Barcelona o 14 de outubro de 2011, foi un político comunista español.

Traxectoria[editar | editar a fonte]

Aos 13 anos estableceuse en Cornellá de Llobregat, onde traballou na empresa Siemens. Durante os anos 1960 ingresou en Comisións Obreiras (CCOO) e formou parte dos xurados de empresa no Sindicato Vertical. Tamén militaba no Partido Socialista Unificado de Cataluña (PSUC), do que foi membro do comité executivo. Así mesmo foi secretario da Confederación do Metal de CCOO de Cataluña.

Foi elixido deputado ao Congreso pola circunscrición electoral de Barcelona nas eleccións xerais de 1977 e 1979. Dimitiu do seu escano para presentarse ás eleccións ao Parlamento de Cataluña de 1980, nas que foi elixido. Membro do chamado sector pro-soviético do PSUC, en decembro de 1981 foi expulsado e en 1982 fundou, con Pere Ardiaca e outros escindidos, o Partido dos Comunistas de Cataluña (PCC).

En 1984, participou co PCC e outros partidos na fundación do Partido Comunista dos Pobos de España (PCPE), do que Ignacio Gallego foi elixido primeiro secretario xeral e Juan Ramos Camarero membro do Comité Central.^[1] En 1988 substituíu como secretario xeral ao destituído Gallego e encabezou o sector contrario a continuar en Izquierda Unida, o que motivou a ruptura do PCC co PCPE. En 2002 foi relevado do seu cargo como secretario xeral do PCPE polo sindicalista canario Carmelo Suárez.