Provincia de Málaga

Provincia de Málaga

Localización
36°43′N 4°25′O
Estado	España
Comunidade autónoma	Andalucía
Capital	Málaga
Poboación
Poboación	1.695.651 (2021) (232,03 hab./km²)
Xeografía
Superficie	7.308 km²
Bañado por	Mar Mediterráneo
Punto máis alto	La Maroma (en) (2.065 m)
Punto máis baixo	Nivel medio do mar (0 m)
Comparte fronteira con	Provincia de Córdoba Provincia de Cádiz Provincia de Granada Provincia de Sevilla
Organización política
Órgano executivo	Provincial Deputation of Málaga (en)
• Q42409076	Elías Bendodo Benasayag (2011–)
Identificador descritivo
Código postal	29
Fuso horario	UTC+01:00
ISO 3166-2	ES-MA
Código NUTS	ES617
Código INE	29
Páxina web	malaga.es

A provincia de Málaga está situada na parte oriental da Andalucía, sobre a costa mediterránea desa comunidade. Linda coas provincias de Cádiz e de Granada, polo Oeste e Leste, respectivamente; polo Norte coas provincias de Sevilla e de Córdoba. Ten unha superficie de 7.306 km² e unha poboación de 1.453.409 habitants (2005), distribuídos en 100 municipios; a densidade media demográfica é de cerca de 200 hab/km². A capital é a cidade homónima de Málaga, estando o goberno e a administración dos intereses provinciais encomendados á Deputación Provincial de Málaga.

Ata 1995 a provincia incluía Melilla.

Xeografía

Boa parte do seu territorio está comprendido dentro das serras do Sistema Penibético separadas pola Depresión Intrapenibética, nesta provincia coñecida como a Foxa de Antequera. No Oeste sitúase a comarca da Serranía de Ronda e polo Leste os maiores accidentes orográficos son a serra de Almijara, Tejeda e Alhama. Ao Sur, paralela á Serranía de Ronda érguese a Serra Bermeja. Ao pé da Serranía de Ronda sitúase Foxa de Málaga.

A vexetación espontánea normalmente inclúe matogueira, sendo o palmito (Chamaerops humilis) a planta representativa. Tamén aparecen fragas de piñeiros e pinsapos (comúns na Serra de Grazalema). No interior dominan os bosques de aciñeiras e sobreiras.

Comarcas

A división comarcal da provincia está regulamentada pola Deputación de Málaga, e actuamente son as seguintes:

• Comarca de Antequera,
• Axarquía - Costa do Sol Oriental
• Costa do Sol Occidental
• Guadalteba
• Málaga - Costa do Sol
• Comarca Nororiental (Nororma)
• Serranía de Ronda
• Sierra de las Nieves
• Val do Guadalhorce

Espazos protexidos

Son cinco os parques naturais que existen na provincia:

• Parque natural da Sierra de las Nieves.
• Parque natural dos Montes de Málaga.
• Parque natural dos Alcornocales.
• Parque natural da serra de Grazalema.
• Parque natural das serras de Tejeda, Almijara e Alhama.

Son seis as paraxes naturais:

• Cantís de Maro.
• Desembocadura do Río Guadalhorce.
• Desfiladeiro dos Gaitanes.
• Los Reales de Sierra Bermeja
• Los Reales de Sierra Crestellina.
• Torcal de Antequera.

Parques Periurbanos:

• Devesa de El Mercadillo.
• Piñeiral de El Hacho.
• Serra de Gracia.

Monumentos Naturais:

• Tornillo del Torcal.
• Pinsapos de Las Escaleretas.
• Falla da Serra del Camorro.
• Canón de Las Buitreras.
• Dunas de Artola ou Cabopino.

Reservas Naturais:

• Reserva Natural Lagoa de Fuente de Piedra.
• Lagoa de la Ratosa.
• Lagoas de Archidona.
• Lagoas de Campillos.

Véxase tamén

• Lista de concellos de Málaga
• Andalucía