Claudio Barragán

Claudio
Información persoal
Nome	Claudio Barragán Escobar
Nacemento	10 de abril de 1964 (58 anos)
Lugar de nacemento	Manises
Altura	1,77 m.
Posición	Dianteiro
Carreira sénior
Anos	Equipos	Aprs	(Gls)
1980–1982	Levante	33	(0)
1982–1983	Ceuta	0	(0)
1983–1984	Levante	0	(0)
1984–1989	Elche	123	(24)
1989–1991	Mallorca	56	(11)
1991–1995	Deportivo da Coruña	112	(32)
1995–1996	Salamanca	42	(11)
1996–2000	Elche	56	(12)
2002–2004	Alone de Guardamar
Total		494	(111)
Selección nacional
1992	España	6	(0)
Adestrador
2008–2009	Elche
2011–2014	Ponferradina
2014–2016	Cádiz
2016–2017	Mirandés
2017–2018	Hércules
Na rede
Partidos e goles só en liga doméstica. [ editar datos en Wikidata ]

Claudio Barragán Escobar, nado en Manises (València) o 10 de abril de 1964, é un ex-futbolista e actual adestrador de fútbol español. Xogaba de dianteiro e foi internacional coa selección española.

Traxectoria

Como xogador

A fama tardou en chegarlle por problemas físicos no seu xeonllo que lle impediron facer unha mellor progresión. Típico dianteiro centro, remataba coas dúas pernas aínda que era destro e tiña un moi bo remate de cabeza.

Pertenceu ao RCD Mallorca, que en 1992 xogou a final da Copa do Rei onde destacou xunto con xogadores como Miguel Ángel Nadal, Álvaro Cervera Díaz, ou Marcos Martín e o porteiro Ezaki Badu.

No Deportivo da Coruña viviu os seus mellores anos deportivos, facendo xunto a Bebeto a gran dianteira do denominado "Superdépor", coa aliñación formada en numerosas ocasións por Liaño, Albístegui, Nando, Ribera, Miroslav Đukić, López Rekarte, Mauro Silva, Adolfo Aldana, el mesmo, Fran e Bebeto. Gañou unha Copa do Rei na tempada 1994-95.

Na tempada 1995–96 fichou polo acabado de ascender UD Salamanca, xogando 38 partidos e anotando 11 goles. O equipo non puido evitar o descenso como último clasificado.

Na campaña 1996–97 firmou polo Elche CF, en Segunda División B. Esa tempada lograron o ascenso a Segunda División, logo de quedar segundos e pasar a eliminatoria. Na tempada 1997–98 o equipo non puido evitar o descenso á categoría de bronce, logrando novamente volver a Segunda División tras a campaña 1998–99. Na tempada 1999–00 lograron a permanencia, ano no que Claudio rescindiu o seu contrato, con 35 anos.

Entre 2002 e 2004, Claudio xogou no Alone de Guardamar.

Selección nacional

En 1992 Claudio xogou 6 partidos coa selección española, onde non conseguiu ningún gol.

Como adestrador

Na tempada 2008–09 fíxose cargo do Elche. Foi destituído o 4 de outubro de 2009 debido ao mal inicio da tempada e despois de perder co Hércules CF, máximo rival, (3–0).

De cara a tempada 2014–15 non renovou coa Ponferradina, sendo substituído por José Manuel Díaz.

O 7 de decembro de 2016 anunciouse a súa contratación polo CD Mirandés até o remate da tempada 2016–17, de Segunda División, en substitución de Carlos Terrazas.

Palmarés

Deportivo

• Copa do Rei: 1994–95

Véxase tamén

Ligazóns externas

• Datos do xogador en bdfutbol.com (en castelán)
• Datos do adestrador en bdfutbol.com (en castelán)