Francisco Javier Pérez Villarroya

Villarroya
Información persoal
Nome	Francisco Javier Pérez Villarroya
Nacemento	6 de agosto de 1966 (57 anos)
Lugar de nacemento	Zaragoza
Altura	1.80 metros
Posición	Centrocampista
Carreira xuvenil
	Zaragoza
Carreira sénior
Anos	Equipos	Aprs	(Gls)
1984–1990	Zaragoza	100	(6)
1990–1994	Real Madrid	83	(1)
1994–1996	Deportivo da Coruña	42	(0)
1996–1998	Sporting de Gijón	51	(2)
1998–1999	Badajoz	19	(1)
Total		295	(10)
Selección nacional
1988–1992	España	14	(0)
Na rede
Partidos e goles só en liga doméstica. [ editar datos en Wikidata ]

Francisco Javier Pérez Villarroya, nado en Zaragoza o 6 de agosto de 1966, é un exfutbolista español. Xogaba de centrocampista e foi internacional coa selección española.

Traxectoria

Nado en Zaragoza o 6 de agosto de 1966, foi un centrocampista formado nas instalacións da Cidade Deportiva do Real Zaragoza, debutando no primeiro equipo na tempada 1984–85, aínda que non foi até 1987 cando se estableceu definitivamente na elite, con Manolo Villanova como adestrador do conxunto aragonés. Villarroya fíxose coa titularidade de maneira case indiscutible durante tres tempadas, nas que xogou 115 encontros oficiais co Real Zaragoza, marcou seis goles e estreou a internacionalidade coa selección española.

Villarroya acudiu ao Mundial de Italia, en 1990, como a flamante fichaxe do Real Madrid CF. Titular durante dúas tempadas seguidas, co Radomir Antić e Leo Beenhakker, na campaña 1992–93 comezou o seu declive ao perder a confianza do novo técnico, Benito Floro. En 1994 puxo rumbo á Coruña para xogar no Deportivo, até que en 1996 é contratado polo Sporting de Xixón e, en 1998, polo CD Badajoz, no que puxo fin á súa carreira como futbolista de elite tras disputar 14 encontros coa selección e 276 en Primeira División.

Persoal

• É tío dos tamén futbolistas Ignacio e Ángel Lafita.

Véxase tamén

Ligazóns externas

• Datos do xogador en sportec.es (en castelán)