Rúa Daniel de la Sota (Pontevedra)
Coordenadas: 42°25′48″N 8°38′36″O / 42.430111111111, -8.6432777777778
| Rúa Daniel de la Sota | |
|---|---|
 A rúa Daniel de la Sota en 2023 | |
| Tipoloxía | rúa |
| Dimensións | |
| Lonxitude | 0,13 km |
| Formato | peonil (tramo sur) dúas beirarrúas e un carril (tramo norte) |
| Localización | |
| Inicio | Rúa Benito Corbal |
| Fin | Rúa García Camba, Rúa Peregrina, Rúa Andrés Muruais |
A Rúa Daniel de la Sota é unha rúa céntrica da cidade de Pontevedra situada no primeiro ensanche da cidade. É unha das rúas máis coñecidas de Pontevedra.
Orixe do nome[editar | editar a fonte]
O nome da rúa fai referencia ao enxeñeiro militar e político Daniel de la Sota Valdecilla en recoñecemento ao seu labor na cidade. Impulsou as obras do cuartel de San Fernando, foi presidente da Deputación Provincial de Pontevedra, promoveu a instalación en Pontevedra da Misión Biolóxica de Galicia, colaborou na creación do Museo de Pontevedra e foi o primeiro presidente da Caixa de Aforros Provincial de Pontevedra.[1]
Historia[editar | editar a fonte]
A rúa concibiuse como eixo directo para poder atravesar unha zona céntrica da cidade e unir as rúas de Benito Corbal na parte norte e Peregrina, García Camba e Andrés Muruais na parte sur. En setembro de 1955 a apertura da entón chamada rúa de prolongación de Cobián Roffignac achábase pendente do Consello do Banco de Crédito Local de España.[2] A finais de 1956 empezaron as obras da rúa.
Tras o falecemento de Daniel de la Sota o 11 de febreiro de 1958, a corporación municipal de Pontevedra acordou o 28 de febreiro dese ano darlle o seu nome á rúa.[3] A rúa foi inaugurada na tarde do domingo 7 de decembro de 1958 coa asistencia de numeroso público e representacións diversas, así como as autoridades.[4]
A partir da súa apertura en 1958 a rúa converteuse nun punto neurálxico da cidade e nela instaláronse coñecidos comercios así como un destacado hotel e unha popular cafetería e discoteca. Xa en 1844 estableceuse na esquina da que sería un século despois a nova rúa Daniel de la Sota coa rúa Peregrina a imprenta Viñas, da que foron clientes Castelao e Gonzalo Torrente Ballester.[5][6] Nos anos 1950 o local remodelouse e ampliouse para albergar unha librería e unha papelería. A librería Viñas pechou en outubro de 2004.[7]
En 1965 inaugurouse na rúa Daniel de la Sota na esquina coa rúa Castelao o emblemático Hotel Rías Bajas, o máis antigo da cidade despois do Parador Nacional de Turismo Casa del Barón, aberto en 1955.[8]
En 1969 abriu na rúa a popular xoguetería e tenda de artigos deportivos Chacón, que se trasladou desde a rúa Cobián Roffignac onde abrira as súas portas en 1961. A tenda trasladouse á rúa Frei Xoán de Navarrete en xaneiro de 2023.[9]
En 1972 inaugurouse na esquina coa rúa de Benito Corbal a emblemática Cafetería Daniel. Era un gran local de dúas plantas e foi a máis moderna e popular dos anos 1970, 80 e 90 en Pontevedra. Pechou en febreiro de 1997.[10] En 1981 abriu nun local anexo á cafetería a Discoteca Daniel, o club de lecer nocturno con máis soleira da cidade, que frecuentou o actual rei Filipe VI, cando era alumno da Escola Naval Militar. Despois da pandemia de COVID-19, a discoteca reabriu as súas portas co nome de Lelé de Noite.[11]
Ao longo da súa historia a rúa foi un punto destacado do tráfico rodado da cidade ata que a metade sur foi peonalizada en 2001.[12] En 2023 presentouse un proxecto para dotar á metade norte da rúa de plataforma única e reforzar así a súa prioridade peonil.[13][14]
Descrición[editar | editar a fonte]
É unha rúa peonil de 138 metros de lonxitude, recta e chaira, en pleno centro da cidade, que conecta a rúa de Benito Corbal coa rúa García Camba, a rúa Peregrina e a rúa Andrés Muruais. A súa anchura media é de 12 metros. Trátase dunha rúa céntrica do ensanche da cidade case no límite co centro histórico de Pontevedra.
É unha das rúas máis comerciais de Pontevedra. Na rúa atópase unha vintena de comercios, un hotel referente na cidade, unha sucursal bancaria e unha discoteca.[15]
O pavimento de lastra da parte peonil da rúa é de tons rosados-avermellados delimitado por unha banda central de granito.[16] No entroncamento coa rúa Benito Corbal o pavimento é puído de mosaicos e está disposto cun deseño de praza circular.[17]
No tramo peonil da rúa atópanse diferentes árbores: 12 pereiras de Callery, 1 pereira común e 8 ameixeiras comúns.[18][19]
Galería de imaxes[editar | editar a fonte]
-
O Hotel Rías Bajas no centro da rúa -
Rúa Daniel de la Sota
Notas[editar | editar a fonte]
- ↑ Juega Puig 2000, p. 75.
- ↑ "Próxima realidad la prolongación de la calle de Cobián Roffignac". El Pueblo Gallego (en castelán). 21 de setembro de 1955.
- ↑ Juega Puig 2000, p. 74.
- ↑ "Acto de apertura oficial de la nueva calle de Daniel de la Sota". El Pueblo Gallego (en castelán). 9 de decembro de 1958.
- ↑ "«Pontevedra siempre tuvo un ingenio especial para disfrazarse»". La Voz de Galicia (en castelán). 1 de febreiro de 2013.
- ↑ "Más de un siglo dedicado a la encuadernación". La Voz de Galicia (en castelán). 23 de xuño de 2001.
- ↑ "Despedida de Viñas". La Voz de Galicia (en castelán). 1 de novembro de 2004.
- ↑ "El sector hotelero pierde a su representante más firme y emblemático". La Voz de Galicia (en castelán). 7 de abril de 2018.
- ↑ "La histórica juguetería Chacón deja su local tras 53 años y ocupará el antiguo de Zara Home". Pontevedra Viva (en castelán). 1 de decembro de 2022.
- ↑ "Cierra la cafetería Daniel tras veinticinco años de historia". La Voz de Galicia (en castelán). 28 de febreiro de 2017.
- ↑ "Larga vida a la discoteca Daniel de Pontevedra que tardó solo un mes en hallar relevo a 40 años de historia". La Voz de Galicia (en castelán). 2 de setembro de 2021.
- ↑ "Un oasis en medio del asfalto". La Voz de Galicia (en castelán). 20 de xuño de 2001.
- ↑ "Castelao y Daniel de la Sota tendrán plataforma única para reforzar su prioridad peatonal". Pontevedra Viva (en castelán). 9 de marzo de 2023.
- ↑ "La peatonalización llegará a Castelao y al último tramo de Daniel de la Sota". Diario de Pontevedra (en castelán). 9 de marzo de 2023.
- ↑ "La gran familia 'de la Sota'". Diario de Pontevedra (en castelán). 12 de abril de 2023.
- ↑ "Daniel de la Sota luce nueva imagen". Pontevedra Viva (en castelán). 21 de xullo de 2016.
- ↑ "El cruce peatonal de Benito Corbal luce nuevo acabado con un pavimento pulido de mosaicos". Diario de Pontevedra (en castelán). 16 de maio de 2021.
- ↑ Blanco Dios & Castro González 2010, p. 165; 177-178.
- ↑ "Mantenimiento de los jardines". La Voz de Galicia (en castelán). 13 de febreiro de 2002.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Rúa Daniel de la Sota  |
Bibliografía[editar | editar a fonte]
- Blanco Dios, Jaime Bernardo; Castro González, Amancio (2010). As árbores da cidade de Pontevedra. Pontevedra: Concello de Pontevedra. p. 165; 177-178. ISBN 978-84-606-5147-5.
- Juega Puig, Juan (2000). As rúas de Pontevedra. Pontevedra: Deputación de Pontevedra. p. 74-75. ISBN 84-8457-044-4.
