Campolongo, Pontevedra

Na Galipedia, a Wikipedia en galego.

Coordenadas: 42°25′37″N 08°38′37″W / 42.42694°N 8.64361°W / 42.42694; -8.64361

Campolongo
Campolongo.jpg
Igrexa parroquial.
Concello Pontevedra
Entidades de poboación 3

San Xosé de Campolongo é unha parroquia urbana do concello de Pontevedra. Consta de tres barrios: Mollavao, Campolongo e San Brais.

Campolongo atópase no sur-sudoeste do casco urbano de Pontevedra. Está limitado ao norte pola avenida de Augusto García Sánchez e polo río dos Gafos. Ao sur pola autovía PO-10. Ao leste pola rúa do Alcalde Hevia. E ao oeste pola Avenida de Marín.

Historia[editar | editar a fonte]

Albergaba ata a década de 1950 o Pazo de Campolongo, situado onde hoxe se atopa a rúa Iglesias Vilarelle, tiña grandes campos e alí xogaban os nenos ao fútbol. Entón Francisco Franco mandou trasladalo pedra a pedra cara á Casa de Campo (Madrid)

Ata a década de 1950 o barrio albergaba a estación de ferrocarril da cidade onde hoxe está a Praza de Galicia. Ó mudarse esta, e coa construción do Complexo Militar de Pontevedra neste barrio, impulsouse a construción do Polígono de Campolongo cun parque central, a igrexa de San Xosé e o CEIP Campolongo. Hoxe, o sur da parroquia está ocupada por urbanizacións de vivendas unifamiliares. O antigo Cuartel demoleuse, e no seu lugar está o Complexo Administrativo de Campolongo, que alberga a delegación da Xunta, a Axencia Tributaria e varios edificios residenciais.

O barrio de San Brais, cunha capela adicada a este santo, foi e segue sendo unha aldea grande. A capela do mesmo nome foi construída cara os séculos XVIII-XIX. Nos anos 90, San Brais cambiou de aspecto mercede á urbanización de chalets na súa parte baixa, e á construción dun hipermercado na parte alta.

Mollabao era o barrio mariñeiro da parroquia, á beira dos ríos Lérez e Gafos. A partir dos anos 50 a súa fachada marítima mudou coa construción da autovía Marín-Pontevedra pola costa. Cara os anos 70 as casas mariñeiras demoléronse, e construíronse altos edificios. Na década de 1980 o barrio viuse partido pola construción da AP-9.

Galería de imaxes[editar | editar a fonte]

Lugares e parroquias[editar | editar a fonte]

Lugares de Campolongo[editar | editar a fonte]

Lugares da parroquia de Campolongo no concello de Pontevedra

Mollavao | A Ruibal | San Brais

Parroquias de Pontevedra[editar | editar a fonte]

Galicia | Provincia de Pontevedra | Parroquias de Pontevedra

Alba (Santa María) | Bora (Santa Mariña) | O Burgo (Santiago Peregrino) | Campañó (San Pedro) | Campolongo (San Xosé) | A Canicouva (Santo Estevo) | Cerponzóns (San Vicente) | Lérez (San Salvador) | Lourizán (Santo André) | Marcón (San Miguel) | Mourente (Santa María) | Ponte Sampaio (Santa María) | Pontevedra | Salcedo (San Martiño) | Santa María de Xeve (Santa María) | Tomeza (San Pedro) | Verducido (San Martiño) | A Virxe do Camiño de Pontevedra | Xeve (Santo André)


Véxase tamén[editar | editar a fonte]

Outros artigos[editar | editar a fonte]