Lucien Bianchi

Lucien Bianchi

Biografía
Nacemento	10 de novembro de 1934 Milán, Italia
Morte	30 de marzo de 1969 (34 anos) Le Mans, Francia
Datos persoais
País de nacionalidade	Italia (1946–1969) Reino de Italia (1934–1946) Bélxica
Actividade
Ocupación	piloto de Fórmula Un , piloto de automobilismo , piloto de motociclismo , piloto de rally
Lingua	Lingua italiana
Deporte	Rally
Participou en
	24 Horas de Le Mans
Familia
Irmáns	Mauro Bianchi (en)

Luciano Bianchi, nado en Milán (Italia) o 10 de novembro de 1934 e finado en Le Mans o 30 de marzo de 1969, foi un piloto italo-belga, que competiu para os equipos Cooper, ENB, UDT Laystall e Scuderia Centro Sud, na Fórmula Un. participou nun total de 19 carreiras do Campionato do Mundo de Fórmula Un, anotando seis puntos e o seu mellor resultado foi o terceiro posto no Gran Premio de Mónaco de 1968.

Morreu nun choque preparando as 24 Horas de Le Mans de 1969.

Traxectoria

Trasladouse a Bélxica en 1946 cando aínda era un neno, co seu pai que traballaba como mecánico de carreiras, antes da segunda guerra mundial, no departamento de competición de Alfa Romeo. O seu sobriño neto, Jules Bianchi, que fixo o seu debut na Fórmula 1 co equipo Marussia na tempada 2013 competindo baixo a bandeira francesa, tamén morreu como resultado de lesións sufridas nun accidente de carreira.

Andaina nas carreiras

A primeira carreira de Lucien Bianchi foi o Alpine Rally en 1951. Gañou o Tour de France de 1957, 1958 e 1959, así como a carreira de coches deportivos París 1000 os seus últimos dous anos.

Comezou na Fórmula Un en 1959, aínda que só con aparicións esporádicas ao principio. Pilotou varios coches baixo a bandeira do equipo ENB, incluíndo un Cooper T51, un Lotus 18 e un Emeryson. Logo dun par de carreiras para o equipo UDT Laystall en 1961, pilotando outro Lotus, volveu a ENB para quen pilotou o seu ENB-Maserati. Finalmente conseguiu un paso máis regular na Fórmula Un en 1968, co equipo de Cooper-BRM, aínda que o éxito foi esquivo malia un comezo brillante. Bianchi logrou o seu mellor rendemento na Fórmula 1, terminando terceiro no Gran Premio de Mónaco de 1968, na súa primeira carreira con Cooper.

Bianchi tamén competiu en carreiras de coches de turismo, automóbiles deportivos e coches de rally, tendo exitoso en todas as disciplinas, a súa vitoria máis grande foi nas 24 Horas de Le Mans de 1968, ao volante dun Ford GT40 con Pedro Rodríguez e en Sebring en 1962 con Jo Bonnier. Tamén lideraba o London-Sydney Marathon cando oseu Citroën DS chocou cun coche que non competía.

Morreu cando o seu Alfa Romeo T33 trompeou e bateu contra un poste de telégrafo durante unhas probas no Circuíto de Le Mans en 1969.

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	Pos.	Pts.
1959	Equipe National Belge	Cooper T51 (F2)	Climax V8	MON NSC	500	NED	FRA	GBR	ALE	POR	ITA	USA				NC	0
1960	Equipe National Belge	Cooper T51	Climax 4 en liña	ARX	MON	500	NED	BEL 6								24º	1
	Fred Tuck Cars	Cooper T51	Climax 4 en liña						FRA Ret	GBR Ret	POR	ITA	USA
1961	Equipe National Belge	Emeryson 1001	Maserati 4 en liña	MON NSC	NED											NC	0
		Lotus 18	Climax 4 en liña			BEL Ret
	UDT Laystall Racing Team	Lotus 18/21	Climax 4 en liña				FRA Ret	GBR Ret	ALE	ITA	USA
1962	Equipe National Belge	Lotus 18/21	Climax 4 en liña	NED	MON	BEL 9	FRA	GBR								NC	0
		ENB	Maserati 4 en liña						ALE 16	ITA	USA	RSA
1963	Reg Parnell Racing	Lola Mk4	Climax V8	MON	BEL Ret	NED	FRA	GBR	ALE	ITA	USA	MEX	RSA			NC	0
1965	Scuderia Centro Sud	BRM P57	BRM V8	RSA	MON	BEL 12	FRA	GBR	NED	ALE	ITA	USA	MEX			NC	0
1968	Cooper Car Co.	Cooper T86B	BRM V12	RSA	ESP	MON 3	BEL 6	NED Ret	FRA	GBR	ALE Ret	ITA	CAN NC	USA NC	MEX Ret	17º	5

Véxase tamén

Ligazóns externas

• GrandPrix.com — Bianchi's entry at GrandPrix.com