Andrés Palop
 |
|||
| Información persoal | |||
|---|---|---|---|
| Nome completo | Andrés Palop Cervera | ||
| Nacemento | 22 de outubro de 1973 (39 anos) | ||
| Lugar | L'Alcúdia, España | ||
| Altura | 1,94 m. | ||
| Posición | Porteiro | ||
| Información de club | |||
| Club actual | Sevilla | ||
| Número | 1 | ||
| Carreira xuvenil | |||
| Valencia | |||
| Carreira sénior | |||
| Anos | Equipos | Aprs† | (Gls)† |
| 1993–1997 | Valencia B | 68 | (0) |
| 1997–2005 | Valencia | 43 | (0) |
| 1997–1999 | → Villarreal (cedido) | 74 | (0) |
| 2005– | Sevilla | 214 | (0) |
| * Partidos e goles só en liga doméstica. Actualizados a 24 de xaneiro de 2013. † Aparicións (Goles) |
|||
Andrés Palop Cervera, nado o 22 de outubro de 1973 en L'Alcúdia (Valencia) é un futbolista español. Xoga de porteiro e o seu equipo actual é o Sevilla FC da Primeira División Española.
Índice |
Traxectoria [editar]
Formado na canteira do Valencia CF, a tempada 1997/98 foi cedido ao Villarreal CF, que por entón xogaba na Segunda División Española. Co submarino amarelo fixo historia, ao lograr esa tempada o ascenso a Primeira división, por primeira vez na súa historia. Na máxima categoría Palop seguiu defendendo a portería do Villarreal con notables actuacións. Ao termo da tempada e consumado o descenso vilarrealense, o Valencia CF decidiu repescarlo.
En Valencia permaneceu seis tempadas nas que o club cultivou múltiples éxitos (dúas ligas, unha Copa da UEFA, unha Supercopa de Europa e dous subcampionatos da Liga de Campións da UEFA). Con todo, Palop sempre estivo á sombra de Santiago Cañizares, e en seis anos só foi aliñado en 43 partidos de liga.
O verán de 2005 abandonou Valencia para incorporar ao Sevilla FC, onde axiña se converteu nun dos alicerces do equipo. Na súa primeira tempada conquistou a Copa da UEFA, o primeiro trofeo europeo na historia do club. O título reeditouse a seguinte tempada e Palop xogou un papel destacado. O 15 de marzo de 2007, Palop converteuse no heroe da xornada para o seu equipo, xa que este perdía 2-1 co Shakhtar Donetsk de Ucraína nos oitavos de final da Copa da UEFA e no tempo de desconto fixo o gol do empate rematando de cabeza un saque de esquina.[1] Na final, xogada o 16 de maio de 2007 contra o RCD Espanyol, Palop converteuse unha vez máis no heroe do seu equipo ao parar tres lanzamentos durante a quenda de penaltis, na que o Sevilla FC se impuxo 3 penaltis a 1 tras concluír o tempo regulamentario co resultado de 1-1 e a prórroga con 2-2. Nese partido foi designado MVP do mesmo.[2]
A tempada 2006/07 tamén conquistou a Supercopa de Europa e a Copa do Rei, ademais de terminar a liga en terceira posición, logo de pelexar durante toda a tempada polo título.
O día 19 de Maio de 2010 conquista unha nova Copa do Rei co Sevilla FC tras imporse ao Atlético de Madrid no Camp Nou de Barcelona por 0-2. Como homenaxe a Antonio Puerta, decide porse a camiseta co número 16 para recoller a copa de mans do Príncipe Felipe.
Selección nacional [editar]
O 20 de agosto de 2007 foi convocado por primeira vez pola Selección de fútbol de España como recambio de urxencia do lesionado Iker Casillas, con vistas a un partido amigable contra Grecia,[3] aínda que non chegou a debutar.
Posteriormente foi incluído no combinado español que participou na Eurocopa 2008.[4] Tras a vitoria na final, Palop vestiu a camiseta de Luís Miguel Arconada para recibir o trofeo, como homenaxe ao ex porteiro internacional cuxo fallo na final da Eurocopa 1984 supuxo a derrota española ante Francia,[5] un xesto que emocionou a Arconada.[6] Curiosamente, é campión de Europa coa Selección Española sen debutar, polo que non conta como internacional.
Palmarés [editar]
Campionatos nacionais [editar]
Copas internacionais [editar]
Distincións individuais [editar]
| Título | Equipo (*) | País | Ano |
|---|---|---|---|
| Mellor xogador da final da Copa da UEFA | Sevilla FC | España | 2007 |
| Trofeo Arconada | Sevilla FC | España | 2009 |
Notas [editar]
- ↑ O porteiro Palop forza a prórroga cun gol de cabeza e o Sevilla entra en cuartos
- ↑ "Palmarés". http://www.sevillistasencatalunya.com/kb.php?mode=article&k=3&page_num=1&start=0&print=true. "Andrés Palop, MVP da Final da Copa da UEFA 2007, distinción outorgada pola UEFA. "
- ↑ Casillas non viaxará a Grecia e Luís chama a Palop
- ↑ "Palop: "Las especulaciones, cumplidas"". http://www.20minutos.es/noticia/379744/palop/portero/eurocopa/.
- ↑ Diario Marca. "Palop: "Arconada merecíase esta homenaxe"". http://www.marca.com/edicion/marca/futbol/eurocopa/espana/es/desarrollo/1140506.html. Consultado o 3 de xullo.
- ↑ Mundo Deportivo. "Arconada alucinou co xesto de Palop". http://www.elmundodeportivo.es/web/gen/20080702/noticia_53493140694.html. Consultado o 16 de xullo.
Véxase tamén [editar]
Ligazóns externas [editar]
|
|||||||
