Santiago Cazorla

Na Galipedia, a Wikipedia en galego.
Santi Cazorla
Santi Cazorla, 2012-08-18.jpg
Cazorla xogando co Arsenal en 2012
Información persoal
Nome completo Santiago Cazorla González
Nacemento 13 de decembro de 1984 (29 anos)
Lugar Llanera, España
Altura 1,68 m.
Posición Centrocampista
Información de club
Club actual Arsenal
Número 19
Carreira xuvenil
Covadonga
1998–2002 Oviedo
Carreira sénior
Anos Equipos Aprs (Gls)
2002–2004 Villarreal B 40 (4)
2003–2006 Villarreal 54 (2)
2006–2007 Recreativo 34 (5)
2007–2011 Villarreal 127 (23)
2011–2012 Málaga 38 (9)
2012– Arsenal 54 (15)
Selección nacional
2004–2006 España sub-21 7 (0)
2008– España 61 (11)
* Partidos e goles só en liga doméstica. Actualizados a 18 de xaneiro de 2014.
† Aparicións (Goles)
‡ Actualizado a 17 de novembro de 2013.

Santiago Cazorla González, nado en Lugo de Llanera (Asturias) o 13 de decembro de 1984, é un futbolista español. Xoga de centrocampista e o seu actual club é o Arsenal.

Tamén xoga na selección de fútbol de España, coa que gañou as Eurocopas de 2008 e 2012, dous dos tres títulos do triplete conseguido pola selección entre 2008 e 2012, inédito na historia do fútbol.[1] Cazorla perdeuse o Mundial de 2010 por unha lesión.

Traxectoria[editar | editar a fonte]

Santi Cazorla iniciou a súa carreira nas categorías inferiores do Club Deportivo Covadonga e pasou logo nove anos no Real Oviedo e un ano cedido ao Astur Club de Fútbol. En 2003, logo do descenso do Real Oviedo, Cazorla ficha polo Villarreal. Pasou as seguintes tres tempadas no equipo. Marcou 4 goles na Copa da UEFA e xogou 2 partidos da Liga de Campións.

No verán de 2006 é traspasado ao Recreativo de Huelva con opción de recompra por parte do Villarreal. O 17 de xullo de 2006 é presentado no seu novo equipo, no que xogaría unha tempada. Na tempada 2007/08 Cazorla ficha novamente polo Villarreal.

No verán de 2008, varios clubs europeos interésanse polo xogador asturiano, como o AS Roma ou o Real Madrid, pero finalmente Cazorla opta por renovar o seu contrato por catro anos co Villarreal.

No verán de 2011 víñase especulando coa súa posible fichaxe polo Málaga CF, feito que se materializou definitivamente entre ambos os clubs o 26 de xullo. O prezo da fichaxe foi de ao redor de 20 millóns de euros.[2]

Selección nacional[editar | editar a fonte]

Foi internacional coa Selección española sub-21. O 17 de maio de 2008, é convocado por primeira vez por Luis Aragonés coa Selección absoluta para a Eurocopa 2008 de Austria e Suíza. Debutou o 31 de maio de 2008 en Huelva nun amigábel contra Perú, e o 10 de xuño debutou en partido oficial en Innsbruck contra Rusia. O xogador marcou nos penaltis do partido de cuartos de final e tamén disputou a final da Eurocopa na que España gañouna Alemaña con gol de Fernando Torres.

Unha lesión impediu que fora convocado para o Mundial de Suráfrica de 2010, pero foi novamente convocado para o amigábel contra México do 5 de agosto de 2010.

Tamén foi seleccionado para xogar a Eurocopa 2012 de Polonia e Ucraína, na que España volveu conquistar o título de campioa de Europa.

Palmarés[editar | editar a fonte]

Campionatos internacionais[editar | editar a fonte]

Título Equipo País Ano
Copa Intertoto Villarreal CF España 2004
Eurocopa Selección nacional España 2008
Eurocopa Selección nacional España 2012

Distincións individuais[editar | editar a fonte]

Distinción Ano
Premio Don Balón ao mellor xogador de Primeira División 2007

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]