Dieter Raab
| Biografía | |
|---|---|
| Nacemento | 11 de decembro de 1938 |
| Morte | 20 de decembro de 2015 |
| País de nacionalidade |  Alemán |
| Actividade | |
| Campo de traballo | Comercio numismático |
| Premios | |
| 2014: Premio Otto Paul Wenger. | |
Dieter Raab, nado en Steinhöring o 11 de decembro de 1938 e finado o 20 de decembro de 2015, foi un numismático alemán.
Traxectoria
[editar | editar a fonte]Dieter Raab naceu en Steinhöring, preto de Múnic, o 11 de decembro de 1938, aínda que se criou en Stuttgart, onde o seu pai era propietario dun club de jazz. Xa na súa infancia, despertouse a súa afección polo coleccionismo de moedas.[1][2][3][4]
Durante os seus estudos de Administración de Empresas fixo algún traballo estival na compañía de comercio numismático Münzen und Medaillen AG en Basilea,[1][4] e posteriormente logrou un posto na empresa como axudante de Erich B. Cahn.[2][3]
En asociación con Peter Shulten, en 1967 fíxose cargo da casa de poxas numismáticas Dr. Busso Peus & Co., en Frankfurt, que mantivo o seu nome dado o seu prestixio. En 1973 Shulten pasou a ser o seu propietario único e en 2007 transferiulle a xestión da empresa ao seu fillo Cristoph Raab.[1][2][3][4][5]
No ámbito asociativo e institucional, Raab foi representante do comercio numismático na Comisión Numismática dos Estados da República Federal de Alemaña desde 1972 ata 2006.[4][6] Tamén forma parte da Sociedade Numismática Alemá,[1] da Asociación de Comerciantes de Moedas de Alemaña e da Asociación Internacional de Numismáticos Profesionais.[2]
Dieter Raab finou o 20 de abril de 2015 aos 77 anos.[3]
Recoñecementos
[editar | editar a fonte]- (2014): Premio Otto Paul Wenger, da Asociación de Numismáticos Profesionais Suízos.[7][8]
Publicacións
[editar | editar a fonte]- "Raab, Dieter". En Coins Weekly. 23 de decembro de 2015.
- Kampmann, U. (2014). "Dieter Raab's 75th birthday". En Coins Weekly. 9 de xaneiro de 2014.
- Kampmann, U. (2015)."Dieter Raab (1938-2015)". En Coins Weekly. 22 de decembro.
Notas
[editar | editar a fonte]- ↑ 1,0 1,1 1,2 1,3 Albert, R. (2014). "Personalia: Dieter Raab zum 75. Geburtstag". En Numismatisches Nachrichtenblatt. 2/2014.
- ↑ 2,0 2,1 2,2 2,3 "Raab, Dieter". En Coins Weekly. 23 de decembro de 2015.
- ↑ 3,0 3,1 3,2 3,3 Kampmann, U. (2015).
- ↑ 4,0 4,1 4,2 4,3 "21.12.2015 - Death of Dieter RAAB – Décès de Dieter RAAB (20.12.2015) Arquivado 04 de febreiro de 2023 en Wayback Machine.". International Association of Proffesional Numismatists (IAPN-AINP).
- ↑ "50 years of Dr. Busso Peus Nachf. - 10 years with Christoph Raab as manager". En Coins Weekly. 23 de agosto de 2017.
- ↑ Kluge, B. (2015). "Dieter Raab (1938-2015)". Numismatische Kommission der Länder. 21 de decembro.
- ↑ "Otto Paul Wenger-Preis". Numis Post (www.numis-online-ch).
- ↑ "Dieter Raab mit Otto Paul Enger Preis geehrt". En Münzen Woche. 10 de xullo de 2014.
| Control de autoridades |
|
|---|
