Jürg Conzett
| Biografía | |
|---|---|
| Nacemento | 1959 |
| Datos persoais | |
| País de nacionalidade |  Suíza |
| Educación |  Universidade de Zürich. Universidade Stanford. |
| Coñecido por | Fundador do Museo do Diñeiro de Zürich. |
| Actividade | |
| Campo de traballo | Banca, investimentos e numismática |
| Premios | |
| 2003: Premio Otto Paul Wenger. | |
Jürg R. Conzett, nado en Zürich en 1947, é un banqueiro e numismático suízo, fundador e director do Museo do Diñeiro de Zürich.
Traxectoria[editar | editar a fonte]
É neto da sindicalista e activista polo voto feminino Verena Conzett-Knecht (1861-1947).
Formación[editar | editar a fonte]
Jürg Conzett estudou Historia e Psicoloxía na Universidade de Zürich, na que se doutorou en 1972. Posteriormewnte ingresou na Escola de Administración da Universidade Stanford, California, onde acadou o seu mestrado (MBA) en 1976.[1]
Carreira profesional[editar | editar a fonte]
Entre 1976 e 1980 traballou como analista financeiro do City Bank en Nova York e en Toquio, e de 1982 a 1986 formou parte da dirección da Dow Banking Corporation, de Zürich, ocupándose da política de xestión de investimentos deste banco. Posteriormente, no Banco Central de Zürich, filial da UBS, foi o director de análise financeira e de política de investimentos, entre 1986 e 1990. A partir deste último ano, Conzett pasou a traballar como independente na xestión de investimentos.[1][2]
Á parte do seu labor como financeiro, desde 1999 ocúpase tamén da editorial Conzett Verlag e da undación Sunflower, que alberga á súa vez o Museo do Diñeiro, constituído sobre a base da súa propia colección de moedas.[1][2]
Recoñecementos[editar | editar a fonte]
- (2003): Premio Otto Paul Wenger, da Asociación de Numismáticos Profesionais Suízos.[3]
Notas[editar | editar a fonte]
- ↑ 1,0 1,1 1,2 "Jürg R. Conzett, Dr. phil., Founder and president". MoneyMuseum.com
- ↑ 2,0 2,1 "Conzett, Jürg". En Coins Weekly. 7 de xaneiro de 2016.
- ↑ "Otto Paul Wenger-Preis". Numis Post (www.numis-online-ch).
Véxase tamén[editar | editar a fonte]
Bibliografía[editar | editar a fonte]
- Celdran, C. (2021). "Jürg Conzett: Money is always changing". En Coingeek.com
- "Conzett, Jürg". En Coins Weekly. 7 de xaneiro de 2016.