Souto de Rozavales
- Véxase tamén: Castiñeiro de Pumbariños.
| ||||
| Tipo | Bosque primario Monumento natural Árbores senlleiras de Galicia  | |||
|---|---|---|---|---|
| Localización | ||||
| División administrativa | San Martiño de Manzaneda, España | |||
| ||||
| Características | ||||
| Superficie | 1,8 ha | |||
O Souto de Rozavales, tamén nomeado Souto de Rozabales[1], é un souto de castiñeiros que se atopa na parroquia de San Martiño de Manzaneda (Manzaneda). Neste souto destaca o castiñeiro de Pumbariños, declarado árbore senlleira, que é a súa árbore máis singular xa que ten un perímetro basal de 13 metros e unha base de 1,90 metros. Este souto adevesado e en xeral enxertado empregouse para obter madeira e castañas e pode ter preto de 1.000 anos.[2][3]
Foi declarado monumento natural polo Decreto 78/2000, do 25 de febreiro e incluído no catálogo de árbores senlleiras en 2007.[2][3]
Características
[editar | editar a fonte]O souto ten unha extensión aproximada de 1,8 ha. Os exemplares do souto son enxertados e durante séculos foron aproveitados para a recollida de castañas. O souto está dentro da ruta turística ruta Ourense Oriental da Xunta de Galicia.
Castiñeiro de Pumbariños
[editar | editar a fonte]O castiñeiro de Pumbariños é un castiñeiro da especie Castanea sativa Mill. O castiñeiro é de máis de 13 metros de perímetro e cunha base, da base ata as pólas, de 1.90 metros. Ten un perímetro medio de 12,15 m (entre 13 e 15 en función da altura do toro)[4] As súas polas principais son de entre 6 e 8 metros e a súa copa abrangue un diámetro de 20 metros. Calcúlaselle unha idade de 500 anos, polo que sería unha das árbores galegas coñecidas máis vella.[3][5]
Notas
[editar | editar a fonte]- ↑ O nome oficial segundo o Nomenclátor da Xunta de Galicia é Souto de Rozavales; no DOG e en varias páxinas de información sobre o souto, tamén da Xunta de Galicia, aparece co nome de Souto de Rozabales.
- ↑ 2,0 2,1 Consellería de Medio Ambiente (Mércores, 12 de abril de 2000). Xunta de Galicia, eds. "DECRETO 78/2000, do 25 de febreiro, polo que se declara monumento natural o Souto de Rozabales, no concello de Manzaneda (provincia de Ourense).". DOG (Núm. 72): páx. 5.144.
- ↑ 3,0 3,1 3,2 Consellería de Medio Ambiente, Territorio e Vivenda. Xunta de Galicia, eds. "Monumentos Naturais".
- ↑ La Voz de Galicia, eds. (25/08/2015). "Un castaño al que abrazar".
- ↑ Juanjo Eireos (11/05/2017). El Correo Gallego, eds. "Árbores Senlleiras: as testemuñas vivas da historia de Galicia". Santiago de Compostela. Arquivado dende o orixinal o 20/01/2018. Consultado o 28/07/2020.