Museo Casa de la Moneda (Madrid)
| Museo Casa de la Moneda | |||||||||
|---|---|---|---|---|---|---|---|---|---|
 Madrid  | |||||||||
| |||||||||
| |||||||||
| |||||||||
| |||||||||
| |||||||||
| |||||||||
| Wikidata C:Commons | |||||||||
O Museo Casa de la Moneda (galego: "Museo Casa da Moeda) é unha colección e exposición permanente de numismática da Real Casa de la Moneda - FNMT, en Madrid. O museo contén a maior colección numismática de España e unha das máis completas de Europa.
Está situado no edificio da FNMT, na rúa Doctor Esquerdo, en Madrid, e o seu director é Rafael Feria y Pérez desde 1988.[1][2]
En 1995, o Museo Casa de la Moneda recibiu o premio Excelente ao Mérito Numismático, outorgado pola Asociación Numismática Española.[3]
Historia
[editar | editar a fonte]As orixes do museo remóntanse ao século XVIII e están estreitamente vinculadas á figura de Tomás Francisco Prieto, gravador xeral das casas de moeda do rei Carlos III. Prieto foi director de gravado na Real Academia de Belas Artes de San Fernando e fundador, en 1771, dunha escola de gravado na que se formaban os artistas que posteriormente traballarían nas reais casas de moeda de España e das súas colonias.[4]
O núcleo inicial do museo foi unha colección de debuxos, gravados, libros antigos, moedas e medallas feitas por Prieto para axudar no ensino ao seu alumnado. Este xermolo da colección foi adquirido por Carlos III, quen o ampliou con novas compras e doazóns.[4]
En 1867, durante o reinado de Isabel II, espúxose por vez primeira ao público a colección orixinal do Museo da Casa da Moeda, no antigo edificio de ceca madrileña na praza de Colón. A exposición acadou a condición de permanente e mantívose alí ata 1964, cando se trasladou á localización actual na rúa Doctor Esquerdo.[4]
A Fábrica Nacional de Moeda e Timbre foi fundada en 1893 logo da fusión de dúas entidades: a Casa da Moeda e a Fábrica de Selos. Desde 1861, ambas as institucións compartiran o mesmo edificio na praza de Colón, malia seren independentes e teren administracións separadas.[4][5]
Colección e exposicións
[editar | editar a fonte]
A colección numismática do Museo Casa de la Moneda parte desde as orixes da moeda, pasando polas cuñaxes da antiga Grecia, da antiga Roma e da antiga Iberia, da Idade Media, dos Reis Católicos, da Casa de Austria e da Casa de Borbón. Inclúense tamén dúas dalas con moedas desde o século XIX ata o século XXI.[6][7]
Así mesmo, o museo dispón de salas dedicadas á medalla, ás artes gráficas, ao papel selado, á lotaría e á filatelia, e algúns exemplos de maquinaria de cuñaxe e de verificación da autenticidade de billetes.[6][7]
En paralelo á exposición permanente, o museo ofrece tamén exposicións temáticas de carácter temporal.[8]
Notas
[editar | editar a fonte]- ↑ "Información al visitante". Museocasadelamoneda.es
- ↑ Martínez Gallego, J. M. "Rafael Feria, director del Museo Casa de la Moneda: “Es el museo monetario más grande del mundo entre los dependientes de una casa de moneda o banco central” Arquivado 24 de xuño de 2021 en Wayback Machine.". Crónica Numismática.
- ↑ "Relación de concesiones medalla premio "Excelente al Mérito Numismático". Asociación Numismática Española (Numisane.org).
- 1 2 3 4 "Historia del Museo". Museocasadelamoneda.es
- ↑ "Información Institucional: Mirada histórica". Fnmt.es
- 1 2 "Exposición permanente". Museocasadelamoneda.es
- 1 2 "Museo". Museocasadelamoneda.es
- ↑ "Exposiciones temporales". Museocasadelamoneda.es
Véxase tamén
[editar | editar a fonte] |
Wikimedia Commons ten máis contidos multimedia na categoría: Museo Casa de la Moneda |