Museo Filatélico e Numismático da Cidade do Vaticano
| Museo Filatélico e Numismático da Cidade do Vaticano | |||||
|---|---|---|---|---|---|
 Cidade do Vaticano  | |||||
| |||||
| |||||
| |||||
| |||||
| |||||
| Wikidata C:Commons | |||||
O Museo Filatélico e Numismático da Cidade do Vaticano é a denominación dunha das coleccións dos Museos Vaticanos, constituída coa súa configuración actual en 2007. O museo recolle todas as moedas e os selos emitidos pola Cidade do Vaticano desde o momento da súa fundación como Estado en 1929, ademais doutras pezas correspondente aos anteriores Estados Pontificios.[1][2][3]
Historia
[editar | editar a fonte]O Museo Filatélico e Numismático comezou na década de 1930 como unha das coleccións dos Museos Vaticanos, nunhas salas próximas á carecterística escaleira helicoidal. Aquela exposición inicial foi inaugurada o 22 de outubro de 1936 e alí permaneceu ata o 1 de outubro de 1987, cando se mudou a unhas instalacións moito máis amplas na Torre Borgia, compostas por catro salas cunha superficie total de 250 metros cadrados.[2][3]
En 1990, o Museo Filatélico e Numismático trasladouse novamente, esta vez a unha única sala, de 540 m2, no edificio da estación de ferrocarril do Vaticano.[3]
O 25 de setembro de 2007, a colección filatélica e numismática retornou á súa localización orixinal nos Museos Vaticanos, o que facilita moito a súa visita, ao compartir a sede co resto das coleccións.[2][4] De feito, o día da súa inauguración os visitantes do Museo Filatélico e Numismático chegaron a 21.000.[3]
Seccións
[editar | editar a fonte].jpg)
.jpg)
Sección de Filatelia
[editar | editar a fonte]Esta sección abrangue todas as emisións de selos postais organizadas segundo o período de pontificado, desde Pío XII ata o papa Francisco. Ademais, expóñense outros obxectos como tarxetas postais e aerogramas, e numerosos exemplares das emisións filatélicas do Estado Pontificio (1852-1870), con selos novos, anulados e franqueados.[2][5]
Forman parte tamén desta sección outros obxectos como cilindros, placas e outros materiais tipográficos utilizados para a impresión dos selos, así como esbozos e proxectos dalgúns dos selos expostos nas vitrinas do museo.[2]
Sección de Numismática
[editar | editar a fonte]As vitrinas e os expositores albergan as emisións numismáticas vaticanas desde 1929 (en liras vaticanas ata 2001 e en euros a partir desa data), tanto as conmemorativas como as de curso legal, así como medallas e moedas anteriores correspondentes ao Estado Pontificio.[2]
Notas
[editar | editar a fonte]- ↑ "Poste e francobolli: i MV, crocevia del mondo! Arquivado 08 de xaneiro de 2020 en Wayback Machine.". Musei Vaticani.
- 1 2 3 4 5 6 "Il nuevo Museo Filatelico e Numismatico". Stato della Città del Vaticano. 20 de setembro de 2007.
- 1 2 3 4 Vigani, D. "Il Museo Filatelico e Numismatico del Vaticano". Il Postalista.
- ↑ "Museo filatelico vaticano: l’inaugurazione il 25 settembre". En Vaccari News. 12 de xullo de 2007.
- ↑ Serra, A. "Il Museo Filatelico e Numismatico del Vaticano: una raccolta mondiale molto riservata di francobolli". Il Postalista.
Véxase tamén
[editar | editar a fonte] |
Wikimedia Commons ten máis contidos multimedia na categoría: Museo Filatélico e Numismático da Cidade do Vaticano |
Outros artigos
[editar | editar a fonte]Bibliografía
[editar | editar a fonte]- Guida ai Musei e alla Città del Vaticano. Edizioni Musei Vaticani. 2009. ISBN 9788882710064