Gabinete Numismático de Oslo

Na Galipedia, a Wikipedia en galego.
Saltar ata a navegación Saltar á procura
Para outros artigos de entidades numismáticas coa palabra "gabinete", véxanse as páxinas de homónimos Gabinete, e Gabinete de Medallas e Gabinete numismático.
Gabinete Numismático de Oslo
Myntkabinettet
Historisk museum oslo.jpg
Museo de Historia Cultural
sede do
Gabinete Numismático de Oslo


Coordenadas59°55′01″N 10°44′09″L / 59.91694, -10.73583
PaísNoruega Noruega
CidadeOslo komm.svg Oslo
Inauguración1817
editar datos en Wikidata ]

O Gabinete Numismático de Oslo (en noruegués: Myntkabinettet), tamén coñecido como Gabinete Numismático da Universidade de Oslo (Universitetets Myntkabinett) é unha colección pública de moedas e unha institución museística establecida en Oslo, Noruega, en 1817.[1][2]

En 1999 o Myntkabinettet pasou a formar parte da rede de museos de historia cultural da Universidade de Oslo e en 2004 integrouse no Museo de Historia Cultural.[1][2]

Historia[editar | editar a fonte]

O Gabinete Numismático da Universidade de Oslo fundouse en 1817, a partir da adquisición de 6.000 moedas antigas procedentes da colección real de Copenhague, por iniciativa de Georg Sverdrup, profesor de grego, bibliotecario da universidade e un dos asinantes da constitución norueguesa.[3][4]

Entre 1830 e 1876, coincidindo co período de C. A. Holmboe como segundo director do Gabinete, os fondos da colección aumentaron desde as 9.000 pezas ata superar as 43.000, grazas, en parte, á adquisición de varios dos maiores tesouros de moedas norueguesas da época viquinga, entre os que destacan os coñecidos como tesouro Dæli e tesouro Årstad.[3]

Foto antiga do interior do Gabinete Numismático de Oslo

A partir da década de 1920 a colección seguiu incrementándose a través de novos achados monetarios, adquisicións e diversas doazóns. Unhas das adquisicións máis importantes deste períoro foron a de Fridtjof Nansen e Roald Amundsen, constituída por medallas e condecoracións, e a de Frederik Schjöth, de moedas chinesas.[3]

Xunto coa colección de antigüidades, o gabinete numismático ocupou diversas instalacións universitarias e, cando en 1952 se inaugurou a nova sede da Universidade de Oslo no centro da cidade, este foi instalado na Domus Academica, coñecida como o "Edificio do Reloxo".[4] Ao inaugurarase en 1904 o novo edificio do Museo de Historia Cultural, o Gabinete Numismático pasou a instalarse nel.

A colección[editar | editar a fonte]

A colección actual consta de arredor de 250.000 obxectos relacionados coa moeda, procedentes de todo o mundo e representativos de todas as etapas históricas, e o Gabinete conta cunha biblioteca especializada de 8.000 volumes.[1][3]

As moedas da Antiga Roma e da Antiga Grecia acadan a cantidade de 20.000 pezas. A moeda viquinga está representada por uns 5.000 exemplares de diversos territorios europeos e arredor de 20.000 norueguesas, a maior parte delas procedentes de diversos achados.[3] Cómpre, a este respecto, ter en conta que o Estado noruegués ten a propiedade de todas as moedas anteriores a 1650 atopadas en achados monetarios, en virtude da Lei do patrimonio cultural do 9 de xuño de 1978.[5]

O Myntkabinettet alberga tamén diversas coleccións de moedas norueguesas e europeas de épocas máis recentes, así como outras moedas, medallas, billetes e condecoracións de todo o mundo.[3]

Notas[editar | editar a fonte]

  1. 1,0 1,1 1,2 "Myntkabinettet" Oslo Byleksikon.
  2. 2,0 2,1 "Universitetets Myntkabinett". Store Norske Leksikon.
  3. 3,0 3,1 3,2 3,3 3,4 3,5 "The Coin Cabinet". Museum of Cultural History.
  4. 4,0 4,1 Løvhaug, J. W. (2012).
  5. "Myntkabinettet". Kulturhistorisk museum.

Véxase tamén[editar | editar a fonte]

Outros artigos[editar | editar a fonte]

Bibliografía[editar | editar a fonte]

Ligazóns externas[editar | editar a fonte]