A lotaría[1] ou lotería é un xogo de azar que consiste en acertar os números dun billete previamente comprado cos números extraídos dunha tómbola ou un recipiente que garanta que sexan extraídos ao chou. Os números do devandito billete poden xa estar preimprimidos ou ben ser elixidos polas propias persoas. O número de acertos poden ser todos ou parte dos número do billete. Ao gañador ou gañadores entrégaselles un premio en diñeiro ou especies. Polo xeral se non hai gañadores para un sorteo o premio acumúlase para o seguinte.
