Juana Capdevielle

Na Galipedia, a Wikipedia en galego.
Juana Capdevielle San Martín
Juana Capdevielle San Martín
Nacemento 12 de agosto de 1905
Lugar Madrid, España
Falecemento 18 de agosto de 1936 31 anos
Lugar Rábade, Galicia
Nacionalidade española
Ocupación Intelectual, pedagoga, arquiveira
Cónxuxe(s) Francisco Pérez Carballo

Juana Capdevielle San Martín, nada en Madrid o 12 de agosto de 1905 e finada en Rábade o 18 de agosto de 1936, foi unha intelectual, pedagoga e arquiveira española.[1]

Traxectoria[editar | editar a fonte]

Cursou os estudos secundarios en Pamplona para logo licenciarse en Filosofía e Letras na Universidade Central de Madrid, onde tivo como mestre a José Ortega y Gasset e a María Zambrano como compañeira. Ampliou os seus estudos en Alemaña, Bélxica, Francia e Suíza. Traballou na biblioteca universitaria da facultade onde estudara, así como na do Ateneo de Madrid. Na súa condición de pedagoga participou como conferenciante, xunto a personalidades como Roberto Nóvoa Santos, Pío Baroja ou Ramón J. Sender nas primeiras xornadas organizadas en España sobre pedagoxía sexual en 1934.

En marzo de 1936 casou co avogado e político, Francisco Pérez Carballo. Trala vitoria do Frente Popular, o seu marido foi designado Gobernador Civil da Coruña. Co golpe de Estado en xullo que deu lugar á Guerra Civil, mentres ela se refuxiou en casa do boticario López Abente, o seu marido foi aprehendido e executado o día 24 de xullo. Ao chamar ao Goberno Civil para ter novas do seu esposo, comunicóuselle que sería recollida -estaba embarazada- para acompañala xunto a el. Porén, foi detida e encarcerada. Liberada poucos días despois refuxiouse en Vilaboa (Culleredo), na casa do deputado Victorino Veiga. Na noite do 18 de agosto foi detida de novo por membros da Garda Civil, atopándose o seu corpo ao día seguinte nas proximidades de Rábade, provincia de Lugo.

Na Universidade da Coruña un edificio, destinado ao uso como aula de estudo, leva o seu nome.

Notas[editar | editar a fonte]

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Juana Capdevielle Modificar a ligazón no Wikidata

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]