Jimena Fernández de la Vega

Na Galipedia, a Wikipedia en galego.
Saltar ata a navegación Saltar á procura
Jimena Fernández de la Vega
Jimena Fernández de la Vega (MUNCYT, Eulogia Merle)-cropped.png
Nome completoJimena Fernández de la Vega
Nacemento1895
 A Veiga
Falecemento1984
 Santiago de Compostela
NacionalidadeEspaña
Alma máterUniversidade de Santiago de Compostela
Ocupaciónacadémica, médica e xenetista
PaiWenceslao Fernández de la Vega Pasarín
IrmánsElisa Fernández de la Vega, Wenceslao Fernández de la Vega Lombán e Virgilio Fernández de la Vega Lombán
editar datos en Wikidata ]

Jimena María Francisca Emilia Fernández de la Vega Lombán,[1] nada na Veiga (Asturias) o 30 de maio de 1895 e finada en Santiago de Compostela en 1984, foi unha médica vencellada a Galiza, pioneira e promotora da xenética en España[2].

Traxectoria[editar | editar a fonte]

Filla de Dolores Lombán Cotarelo e Wenceslao Fernández de la Vega Pasarín, médico liberal de Castroverde, membro da Institución Libre de Enseñanza,[3] fundador e primeiro director do Balneario de Guitiriz.

Xunto á súa irmá xemelga Elisa foron as primeiras mulleres en estudar nunha universidade galega. Foron admitidas na facultade de Medicina da Universidade de Santiago de Compostela. Remataron xuntas a carreira, e a Jimena concedéuselle o Premio Extraordinario (só se concede un por ano).

Xenetista, foi discípula de Nóvoa Santos, Gregorio Marañón e Gustavo Pittaluga.[4] En 1922 presentou a súa tese Estudio de la vagotonía infantil por medio del examen hematológico.[3]Concedéronlle unha pensión para estudar a herdanza mendeleiana en Alemaña. Foi profesora na Cátedra de Patoloxía Xeral da Universidade Central de Madrid (a predecesora da actual Universidad Complutense de Madrid).

Durante a guerra civil exerceu como médico militar en Santiago de Compostela no hospital instalado no seminario de San Martiño Pinario. Fíxose cargo dos fillos de Elisa á morte desta e tras o exilio do seu pai á Arxentina. [3]

Cando rematou a guerra volveu a Madrid, deu clases na Facultade e traballou no hospital de San Carlos, en Atocha. A finais dos anos 40, sacou as oposicións a médico de balneario e fíxose cargo do de Guitiriz. Tras a morte da súa nai foi directora de distintos balnearios como Montemayor (provincia de Salamanca) ou Cestona (Guipúscoa) e finalmente trasladouse ao balneario de Lanjarón (provincia de Granada), onde permaneceu ata a xubilación. [3] Morreu nun sanatorio de Santiago dunha enfermidade cerebrovascular.

Unha sobriña súa, María Teresa Fernández de la Vega, foi vicepresidenta primeira do goberno de José Luis Rodríguez Zapatero.

Obras[editar | editar a fonte]

  • “Estado actual de la Biología y Patología Gemelar en su relación con los problemas hereditarios”. Hamburgo (1926)
  • “Drosophila y Mendelismus”. Hamburgo (1927)
  • Sobre los procesos de difusión e intercambio entre la sangre y los tejidos. Método de la fluoriscina. Wiener Klinische Wochenschrift. 1927; 25
  • “Experimentos de Genética en Drosophila, efectuados en el Instituto Anatómico de Hamburgo”. Boletín de la RSEHN, 1928
  • Consideraciones sobre las hemodistrofias a propósito de un caso clínico. Anales del servicio de Patología Médica del Hospital General de Madrid, 1928-29: 224-231
  • Consideraciones etiológicas y patogénicas sobre un caso de hemofilia. Archivos de Cardiología y Hematología 1929 ( 10) :228-231
  • Tradución do alemán da obra de Julius Bauer Herencia y constitución (1930)
  • Herencia de los caracteres psicológicos. Archivos de Neurobiología. 1933; 13:405-417
  • La herencia biológica en el hombre. I. Herencia de los caracteres psicológicos. II. Selección y contraselección. En: Noguera, E. y Huerta, L. (eds). Genética, Eugenesia y Pedagogía Sexual. Libro de las Primeras Jornadas Eugénicas Españolas. Madrid: Morata; 1934, pp. 159–181
  • Constitución. En: Nóvoa Santos, R. Manual de Patología General. Santiago, 1934. Tomo primero, pp. 375–404
  • Coeficientes de correlación entre algunas medidas del hábitus. Anales de Medicina Interna. 1934; 3:341-349
  • "Vererbungsfragen der Blutkörperchen" (“Preguntas sobre la herencia de los eritrocitos”). 1934
  • “La herencia fisiopatológica en la especie humana”1935
  • Hidrología y materia biológica. Lecciones adaptadas al programa de las oposiciones a médicos hidrólogos (1943)[5]
  • Teoría de la herencia y herencia molecular (1963)[3]

Recoñecementos[editar | editar a fonte]

En 2006 inaugurouse a Vicerreitoría de estudantes da Universidade de Santiago de Compostela baixo o nome de Casa Jimena e Elisa Fernández de la Vega.[6]

Notas[editar | editar a fonte]

  1. Nome completo: Jimena María Francisca Emilia Fernández de la Vega Lombán
  2. Xoel Fernández de la Vega Gorgoso (9/8/2008). "Jimena Fernández de la Vega". Consultado o 19/7/2017. 
  3. 3,0 3,1 3,2 3,3 3,4 Rey, Manuel (08/3/2018). "Jimena e Elisa Fernández de la Vega, as xemelgas pioneiras na Medicina". GCiencia. Consultado o 12/2/2019. 
  4. Delgado Echeverría, Isabel (2007). El descubrimiento de los cromosomas sexuales (PDF). Madrid: CSIC. pp. 350–360. 
  5. Romero de Pablos, Ana; Santesmases, Mª Jesús (2008). Cien años de política científica en España. Madrid: Fundación BBVA. p. 163. ISBN 978-84-96515-62-8. 
  6. "Homenaje a Jimena y Elisa Fernández de la Vega, tías de María Teresa y pioneras en la universidad gallega". elcorreogallego.es. 3/12/2006. Consultado o 13/3/2018. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]