Jens Christian Moesgaard
| Biografía | |
|---|---|
| Nacemento | 1963 |
| País de nacionalidade | Danesa |
| Educación |  Universidade de Copenhague. |
| Q89547790 | Estudos sobre achados monetarios. |
| Actividade | |
| Campo de traballo | Numismática. |
| Ocupación | escritor de non ficción, numismático, museólogo  |
| Premios | |
| 2014: Medalla Holger Hede. 2017: Jeton de Vermeil. 2020: Medalla Gunnar Holst. | |
Jens Christian Moesgaard, nado en 1963 en Aarhus, Xutlandia, é un numismático danés.[1][2]
Traxectoria
[editar | editar a fonte]Moesgaard estudou Historia na Universidade de Copenhague, onde se graduou en 1992 cunha tese acerca da política monetaria da Casa de Lancaster na Alta Normardía.[1][2][3]
Ese mesmo 1992 desprazouse a Francia para traballar nos Museos Departamentais de Seine-Maritime, en Ruán, onde se encargou das súas coleccións de moedas. En 1996 colaborou coa Asociación para as Escavacións Arqueolóxicas Nacionais (AFAN), na vila de Petit-Quevilly, próxima a Ruán, no ámbito da localización e a avaliación de achados monetarios.[1][2]
En xaneiro de 1997 foi contratado como investigador asociado polo Museo Fitzwilliam, en Cambridge, para o seu proxecto sobre achados monetarios Early Medieval Coin Finds, onde traballou xunto con Mark Blackburn; mais en maio dese mesmo ano deixou ese proxecto para entrar a formar parte do cadro científico do Museo Nacional de Copenhague, onde estivo como investigador ata 2009.[1] [2]
En marzo de 2015 foi profesor invitado na Escola Práctica de Altos Estudos de París[2], e no curso 2017-2018 acadou a bolsa de investigación Marie Sklodowska-Curie do Instituto de Estudos Avanzados do Val do Loira (Le Studium).[4]
En febreiro de 2020, Moesgaard ingresou no Instituto Numismático de Estocolmo, da Universidade de Estocolmo, onde exerce como profesor de Numismática e Historia Monetaria.[1][2]
Jens Christan Moesgaard forma parte do comité científico de diversas publicacións periódicas de carácter numismático, como Revue Numismatique ou Brussels Journal of Archaeological Numismatic, e é editor de Nordisk Numismatisk Unions Medlemsblad, da Unión Numismática Nórdica. Ademais, é membro correspondente da Sociedade Numismática Sueca desde 2007[5] e membro honorario da Association Numismatique du Centre, de Orleáns.[1]
Recoñecementos
[editar | editar a fonte]- 2014: Medalla Holger Hede, da Sociedade Numismática Danesa.[1]
- 2017: Jeton de Vermeil, da Société française de numismatique.[6][7]
- 2020: Medalla Gunnar Holst, da Gunnar Holst Stiftelse för Numismatik, de Gotemburgo.[8]
Publicacións
[editar | editar a fonte]Estas son as monografías máis salientables publicadas por Jens-Christian Moesgaard ao longo da súa carreira:[2][9][10][11][12]
- (1992). La politique monétaire des rois lancastriens en Haute-Normandie de 1417/19 à 1449/50 : une étude de la circulation monétaire. Institut d'histoire, Université de Copenhague.
- (2015). Les trésors monétaires médiévaux découverts en Haute-Normandie (754–1514). Moneta, Wetteren. ISBN 978-94-91384-51-6
- (2015). King Harold’s Cross Coinage. Christian Coins for the Merchants of Haithabu and the King’s Soldiers. University Press of Southern Denmark, Odense. ISBN 978-87-7602-323-2
- (2018): Denar til daler. Danmarks Mønthistorie indtl 1550 (con H. W. Horsnæs e M. Märcher). Nationalmuseet. ISBN 9788792933072
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 "Moesgaard, Jens Christian". En Coins Weekly. 19 de marzo de 2020.
- ↑ 2,0 2,1 2,2 2,3 2,4 2,5 2,6 "Jens Christian Moesgaard". Stockholms Universitet.
- ↑ Véxase "Publicacións" (1992).
- ↑ "Dr Jens-Christian Moesgaard". Le Studium Loire Valley Institute for Advanced Studies.
- ↑ "SNF:s korresponderande ledamöter". Svenska Numismatiska Föreningen.
- ↑ "Médaille et jeton de vermeil". Société Française de Numismatique (SFN).
- ↑ "Jeton de vermeil 2017 – M. Jens Christian Moesgaard". SFN.
- ↑ "Jens Christian Moesgaard tilldelades Gunnar Holst-medaljen 2020". Stockholms universitet.
- ↑ "Moesgaard, Jens Christian Arquivado 28 de xullo de 2021 en Wayback Machine.". Digital Library Numis.
- ↑ "Jens Christian Moesgaard". Academia.edu
- ↑ "Moesgaard, Jens Christian". WorldCat.
- ↑ "Moesgaard, Jens Christian". Persée.
