Lingua norueguesa

Lingua norueguesa
norsk
Instancia de lingua macrolingua lingua viva
Estudado por estudos escandinavos
Historia historia da lingua norueguesa
Composto por bokmål riksmål nynorsk Høgnorsk
Propiedades
Número de falantes 5200000 (2015)
Alfabeto alfabeto latino
Institución de normalización Norwegian Language Council (en) Norwegian Academy (en) Ivar Aasen-sambandet (en)
Tipoloxía lingüística suxeito verbo obxecto lingua sintética adxectivo-substantivo acento prosódico lingua flexiva lingua nominativo-acusativa lingua acentuada lingua V2 acento tonal
Caso gramatical nominativo xenitivo acusativo dativo
Tempo gramatical presente pasado futuro de indicativo
Xénero gramatical masculino neutro feminino común
Estado de lingua da UNESCO segura
Clasificación lingüística
linguaxe humana ↳ linguas indoeuropeas ↳ linguas xermánicas ↳ linguas nórdicas
Xeografía
País Noruega
Orixinario de pobo noruegués
Identificadores
ISO 639-1 no ISO 639-2 nor ISO 639-3 nor ISO 639-5 nor IETF no
Fontes e ligazóns
Descrito pola fonte Pequeno Dicionario Enciclopédico de Brockhaus e Efron Q24795986 The American Cyclopædia The American Cyclopædia (1879)/Norway, Language and Literature of (en) Dicionario Enciclopédico Brockhaus e Efron Q24470515 Novo Dicionario Enciclopédico, 1911-1916 Q35222639 New International Encyclopedia The New International Encyclopædia/Norwegian Language (en)
Wikidata C:Commons

O noruegués é unha lingua escandinava e oficial na Noruega. É falada por 5 millóns de persoas en Noruega.

Existen, por lei, dúas formas oficiais de noruegués escrito, o bokmål ("lingua dos libros") e o nynorsk ("noruegués novo").

Non hai un estándar oficial para o noruegués falado, aínda que o sociolecto das clases media e alta de Noruega Oriental, no cal está baseado fundamentalmente o noruegués bokmål, é a forma que se ensina aos estudantes estranxeiros.

Desde o século XVI ata o século XIX, os danés foi a lingua estándar de escritura en Noruega; como resultado, o desenvolvemento do noruegués escrito moderno foi obxecto dunha forte controversia relacionada co nacionalismo, co discurso rural fronte urbano. Historicamente, o bokmål é a forma norueguesizada do danés, mentres que o nynorsk é a forma baseada nos dialectos noruegueses e representa a oposición purista ao danés. Houbo unha política oficial, xa abandonada, de fusionar ambos nun estándar común chamado samnorsk, dándose unha serie de reformas e de variedades de ambos o bokmål e o nynorsk. A forma non oficial riksmål está considerada como máis conservadora do que o bokmål, e a tamén non oficial høgnorsk máis conservadora que o nynorsk.

Os noruegueses edúcanse en ambos o bokmål e o nynorsk. No 2005 un 86.3% afirmaba usar principalmente bokmål como a forma de escritura, un 5.5% bokmål e nynorsk, e un 7.5% basicamente nynorsk. Dun xeito aproximado, pódese dicir que o bokmål e riksmål danse máis nas áreas urbanas e suburbanas, fronte ao nynorsk nas rurais, particularmente na parte occidental de Noruega.

A corporación norueguesa de radiodifusión (NRK) emite tanto en bokmål como en nynorsk, e todas as axencias do goberno deben permitir ambos. O bokmål úsase nun 92% de todas as publicacións.

Como exemplo, móstranse algunhas frases onde se aprecian as diferenzas entre bokmål, nynorsk, riksmål e høgnorsk:

Galego	Bokmål	Riksmål	Nynorsk	Høgnorsk
Veño de Noruega	Jeg kommer fra Norge (exactamente igual que en danés)	Jeg kommer fra Norge (exactamente igual que en danés)	Eg kjem frå Noreg
Como se chama?	Hva heter han?	Hva heter han?	Kva heiter han?	Kva heiter han?
Ese é un cabalo	Dette er en hest	Dette er en hest	Dette er ein hest	Dette er ein hest
O arco da vella ten moitas cores	Regnbuen har mange farger	Regnbuen har mange farver	Regnbogen har mange fargar	Regnbogen hev mange fargar

Véxase tamén

Outros artigos

• Wikipedia en noruegués

---

Este artigo sobre lingüística é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---