Petra

Na Galipedia, a Wikipedia en galego.
Patrimonio da Humanidade - UNESCO
Petra
Petra Jordan BW 22.JPG
El Khazneh - A Cámara do Tesouro
Flag of UNESCO.svg Información Flag of UNESCO.svg
Inscrición: 1985
País: Xordania
Localización: 30º19'50"N 35º26'36"E
Rexión: Non dispoñible
Tipo: Non dispoñible
Criterios: C (i) (iii) (iv)
Descrición UNESCO: fr en

Petra (de "petra", pedra en grego; árabe: البتراء, al-Bitrā) é un sitio arqueolóxico situado en Xordania, localizado entre as montañas que forman as estribacións orientais de Wadi Araba, nun gran val que vai desde o Mar Morto ata o Golfo de Aqaba. Este lugar é famoso por ter moitas estruturas de pedra escavadas dentro das rochas.

Historia[editar | editar a fonte]

As descricións de Estrabón, Plinio o vello e outros escritores identifican Petra como a capital dos nabateos e o centro das súas caravanas de comercio. Rodeada por rochas de moita altura e permanentemente abastecida de auga por correntes permanentes, Petra non só tiña as vantaxes dunha fortaleza senón que tamén controlaba as principais rutas comerciais que pasaban ao través dela en dirección a Gaza no oeste, a Bosra e Damasco no norte, a Aqaba no Mar Vermello, e cruzando o deserto ao Golfo Pérsico.

Escavacións recentes demostraron as habilidades dos nabateos no control da auga que permitiron a construción da cidade no deserto, creando na práctica un oasis artificial. A zona sofre inundacións ocasionais e os restos arqueolóxicos evidencian que os nabateos controlaban estas inundacións mediante o uso de presas, cisternas e condutos de auga. Deste xeito, almacenaban a auga que despois podía ser utilizada nos longos períodos de seca permitindo que a cidade prosperara.

Aínda que nas súas orixes se podía acceder a Petra chegando polo sur (vía Wadi Araba), ou posiblemente desde as elevadas mesetas no norte, a maior parte dos visitantes modernos achéganse ao lugar dende o leste. A impresionante entrada leste leva a un acceso en baixada que atravesa unha estreita e escura corga entre paredes de pedra, de só 3-4 metros de ancho nalgúns lugares. Ao final da gorxa atópase a ruína máis elaborada de Petra, a Tesourería, escavada directamente na pedra.

Período romano[editar | editar a fonte]

No 106, cando Cornelius Palma era gobernador de Siria, a parte de Arabia baixo o mando de Petra foi incluída dentro do Imperio Romano, e a dinastía nativa terminou. Porén, a cidade continuou coas súas actividades comerciais. Un século máis tarde, cando a cidade chegou ao seu máximo esplendor, o avance chegou ao seu fin, e non se construíron máis edificios; isto debeuse aparentemente a algunha catástrofe repentina como a invasión do novo poder persa baixo o poder da dinastía sasánida.

Ao mesmo tempo Palmira en Siria creceu en importancia como vía de comercio alternativa a Petra.

Petra hoxe[editar | editar a fonte]

  • O 6 de decembro de 1985 Petra foi recoñecida como cidade Patrimonio da Humanidade pola UNESCO.
  • En 2004 o estudoso de arquitectura Edward Cullinan, con sede en Londres, deseña unha nova entrada a Petra para mellorar o acceso dos visitantes. O inicio da construción está previsto para comezos de 2006.

Imaxes de Petra[editar | editar a fonte]