José Iglesias Fernández

Na Galipedia, a Wikipedia en galego.
Joseíto
Información persoal
Nome completo José Iglesias Fernández
Nacemento 23 de decembro de 1926
Lugar Zamora, España
Falecemento 12 de xullo de 2007 (80 anos)
Lugar Granada, España
Posición Dianteiro
Carreira sénior
Anos Equipos Aprs (Gls)
1943–1944 Atlético Zamora
1944–1947 Valladolid
1947–1949 Salamanca
1949–1951 Racing de Santander 10 (3)
1951–1959 Real Madrid 124 (51)
1959–1960 Levante
1960–1961 Rayo Vallecano
Selección nacional
1952–1953 España 1 (0)
Adestrador
1963–1965 Celta de Vigo
1965–1966 Tenerife
1968–1969 Valencia
1970–1975 Granada
1976 Murcia
1976–1978 Alavés
1980 Deportivo da Coruña
1981–1982 Tenerife
* Partidos e goles só en liga doméstica.
† Aparicións (Goles)

José "Joseíto" Iglesias Fernández, nado en Zamora o 23 de decembro de 1926 e finado en Granada o 12 de xullo de 2007, foi un futbolista e adestrador de fútbol español. Xogaba de dianteiro e foi internacional coa selección española.

Traxectoria[editar | editar a fonte]

Como futbolista[editar | editar a fonte]

A súa carreira comeza no equipo da súa cidade natal, xogando despois no Real Valladolid, Racing de Santander, Real Madrid, Levante UD e Rayo Vallecano.

Destaca as súas oito tempadas no Real Madrid dos anos cincuenta entre os anos 1951 e 1959, no que disputou 123 encontros gañou catro ligas e catro copas de Europa, formou parte do once inicial co que o equipo madrileño conquistou a primeira copa de Europa ante o Stade de Reims por 4-3. Neste período tamén foi convocado coa selección española ante Alemaña Federal, encontro que rematou en 2-2.

Como adestrador[editar | editar a fonte]

O primeiro equipo ás súas ordes foi o Celta de Vigo, que tentaba conseguir o ascenso a Primeira División. Tras dúas tempadas e ao non conseguir os obxectivos o técnico deixa o equipo no ano 1965.

Posteriormente Joseíto adestrou a Valencia CF, Deportivo da Coruña, Córdoba CF, Real Murcia, CD Tenerife, Deportivo Alavés e Granada CF. Nesta cidade estableceuse tras retirarse do fútbol.

Véxase tamén[editar | editar a fonte]

Ligazóns externas[editar | editar a fonte]