Ramón Carnero
| Ramón Carnero | |||
|---|---|---|---|
| Información persoal | |||
| Nome | Ramón Carnero González | ||
| Nacemento | 8 de novembro de 1953 (70 anos) | ||
| Lugar de nacemento | Vigo | ||
| Posición | Defensa | ||
| Carreira sénior | |||
| Anos | Equipos | Aprs | (Gls) |
| Arousa | |||
| Logroñés | |||
| 1977–1979 | Alavés | 1 | (0) |
| Adestrador | |||
| 2004 | Celta de Vigo | ||
|
Partidos e goles só en liga doméstica. [ editar datos en Wikidata ] | |||
Ramón "Moncho" Carnero González, nado en Vigo o 8 de novembro de 1953, é un exfutbolista e adestrador de fútbol galego. Xogaba de defensa.
Traxectoria[editar | editar a fonte]
Como futbolista tras xogar en equipos como o Arosa SC ou o CD Logroñés chegou a xogar en Segunda División no Deportivo Alavés durante dúas tempadas, dende o ano 1977 ao 1979, aínda que só disputaría un encontro na primeira das dúas.
Como adestrador pasou a maior parte da súa carreira no equipo técnico do Celta de Vigo sendo o home de confianza e segundo adestrador de case todos os técnicos que pasaron polo banco do equipo na década dos noventa e comezos do século XXI -a excepción de Carlos Aimar-, dende Txetxu Rojo, Fernando Castro Santos e Javier Irureta ata Víctor Fernández, Miguel Ángel Lotina e Radomir Antić.
Na tempada 2003–04 ante a mala situación do Celta o adestrador Lotina foi substituído mediada a tempada polo técnico serbio Antic; aínda que Carnero xa dirixiu o equipo ata a toma de posesión do novo adestrador,[1] a grande oportunidade presentóuselle a oito partidos para o remate da tempada, cando tamén Antic foi destituído e se lle encargou a Carnero e a Rafa Sáez, ata o momento adestrador do Celta de Vigo B, salvar o equipo do descenso a Segunda División[2][3]. Pese a un moi bo final de tempada non conseguiron o obxectivo, consumándose o descenso na última xornada.
Ao final da mesma Carnero deixou o posto de adestrador e Rafa Sáez volveu ao filial.
Pasou a ser o adestrador do Celta de Vigo de Fútbol indoor[4], e na tempada 2013 conseguiu quedar campión da Liga Fertiberia de Fútbol Indoor, gañándolle a final ao Valladolid.
Notas[editar | editar a fonte]
- ↑ http://www.lavozdegalicia.es/hemeroteca/2004/01/27/2367513.shtml[Ligazón morta]
- ↑ http://www.as.com/actualidad/articulo/carnero-saez-tecnicos-elegidos/20040401dasdai_36/Tes
- ↑ http://www.eldia.es/2004-04-01/jornada/jornada12.htm
- ↑ Vigo, J. Conde- (2012-01-12). ""El fútbol indoor gusta porque es muy competitivo"". Faro de Vigo (en castelán). Consultado o 2023-01-27.
