Milorad Pavić

Milorad Pavić
	;
Biografía
Nacemento	11 de novembro de 1921 ; Valjevo (pt)
Morte	16 de agosto de 2005 (83 anos); Valjevo (pt)
Datos persoais
País de nacionalidade	Iugoslavia
Actividade
Ocupación	futbolista , adestrador de fútbol
Deporte	fútbol
Traxectoria

Milorad Pavić (Милорад Павић / Prounciado: /'mîlɔ̝raːd 'pǎːv̞it͡ɕ'), nado o 21 de novembro de 1921 en Valjevo e finado na mesma cidade o 16 de agosto de 2005, foi un futbolista e adestrador de fútbol serbio.

Traxectoria[editar | editar a fonte]

Gran parte da súa carreira deportiva desenvolveuna no Estrela Vermella de Belgrado, traballando primeiro cas categorías inferiores entre os anos 1952 e 1957 e pasando despois ao primeiro equipo. Baixo a súa dirección gañou a Liga nas tempadas 1958-59, 1959-60 e 1963-64 e a Copa nos anos 1958, 1959 e 1964. Combinou este labor co de seleccionador nacional de Iugoslavia no ano 1958.

Entre os anos 1966 e 1972 recalou no fútbol Belga, adestrando primeiro ao Standard de Liexa, co que gaña a copa no 1966 e 1967, e ao Bruxas repetindo o triunfo na Copa nos anos 1968 e 1970.

Na tempada 1972-73 ficha polo Athletic de Bilbao, onde militaría dúas tempadas e gañaría unha Copa do Xeneralísimo e queda quinto na Liga.

No ano 1974 dirixe ao Benfica de Liboa co que gaña a Liga Portuguesa.

Regresa á Liga Española para ascender ao Málaga CF a Primeira División pero a que á tempada seguinte foi destituído polos malos resultados.

Despois de grises experiencias en Iugoslavia e Portugal á fronte do Vojvodina de Novi Sad e o Sporting de Lisboa, no ano 1980 ficha polo Celta de Vigo, por aquel entón en Segunda División B.

No primeiro ano de Pavić en Vigo o Celta proclamouse campión da Segunda División B ascendendo rapidamente, ao ano seguinte repetiu a boa actuación na Segunda División conseguindo o ascenso á máxima categoría a falta de tres partidos para o final da tempada.

Xa en Primeira División unha serie de problemas económicos e deportivos fixeron que o Celta volvese descender ao ano seguinte, o que fixo que tras tres tempadas no Celta o adestrador balcánico deixase o club e fichase polo Reial Club Deportiu Espanyol.

Mirolad Pavic faleceu en agosto do ano 2005.

Palmarés[editar | editar a fonte]

Liga de Iugoslavia co Estrela Vermella de Belgrado: 58-59, 59-60 e 63-64
Copa de Iugoslavia co Estrela Vermella de Belgrado: 1958, 1959 e 1964
Copa de Bélxica co Standard de Liexa: 1966 e 1967
Copa de Bélxica co Bruxas: 1968 e 1970
Copa do Xeneralísimo de España co Athletic de Bilbao: 1973
Liga de Portugal co Benfica: 1974