Andre Drummond

Na Galipedia, a Wikipedia en galego.
Andre Drummond
Andre Drummond vs Wizards 2014.jpg
Detroit Pistons – No. 0
Pivote
Información persoal
Nacemento 10 de agosto de 1993 (20 anos)
Flag of New York.svg Mount Vernon, Nova York
Nacionalidade Flag of the United States.svg Estados Unidos
Altura 2,11 m (6 ft 11 in)
Peso 126 kg (278 lb)
Instituto St. Thomas More
Oakdale, Connecticut
Información da carreira
Universidade UConn (2011-2012)
NBA Draft 2012 / Rolda: 1 / Elección: 9

Escollido por Detroit Pistons

Carreira dende 2012
Historial de equipos
Detroit Pistons (2012-presente)
Información en nba.com

Andre Jamal Drummond, nado o 10 de agosto de 1993 en Mount Vernon, Nova York, é un xogador americano de baloncesto profesional que xoga nos Detroit Pistons da National Basketball Association (NBA).

Instituto[editar | editar a fonte]

Drummond comezou a súa carreira no Capital Preparatory Magnet School, en Hartford, Connecticut. Durante o seu primeiro ano acadou 12.7 puntos, 11.9 rebotes e 6.5 tapóns por partido. Mellorou eses números no segundo ano, facendo 20.2 puntos, 16.6 rebotes, 7.2 tapóns e 4.5 roubos de balón por partido. Tras dous grandes anos no Magnet School, trasladouse ó St. Thomas More en Oakdale, tamén en Connecticut. Alí convertiuse nun dos pivotes máis dominantes do baloncesto de instituto.[1] Pasou dous anos en St. Thomas More e liderou ó equipo ó campionato nacional en 2011. Graduouse na primavera dese mesmo ano.

No verán de 2010, Drummond formou parte da selección dos Estados Unidos que gañou a medalla de ouro no Campionato do Mundo da FIBA sub-17 de 2010.[2]

Traxectoria universitaria[editar | editar a fonte]

Drummond inicialmente declarou a súa intención de pasar un ano posgraduado na Wilbraham & Monson Academy en 2011-12.[3] Dúas semanas máis tarde, anunciou vía Twitter que a súa intención era ir á Universidade de Connecticut.[4]

Drummond declarouse elixible para o Draft da NBA de 2012 o 12 de abril dese mesmo ano.[5]

Traxectoria profesional[editar | editar a fonte]

O 28 de xuño de 2012, Drummond foi elixido na 9ª posición do Draft da NBA de 2012 polos Detroit Pistons.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]