Kris Joseph

Na Galipedia, a Wikipedia en galego.
Kris Joseph
KrisJoseph.JPG
Axente libre
Aleiro
Información persoal
Nacemento 17 de decembro de 1988 (25 anos)
Flag of Quebec.svg Montreal, Quebec
Nacionalidade Flag of Canada.svg Canadá
Altura 2,02 m (6 ft 7.5 in)
Peso 102 kg (225 lb)
Instituto Archbishop Carroll
Washington, D.C.
Información da carreira
Universidade Syracuse (2008–2012)
NBA Draft 2012 / Rolda: 2 / Elección: 51

Escollido por Boston Celtics

Carreira dende 2012
Historial de equipos
Boston Celtics (2012–2013)
Maine Red Claws (2012–2013)
Maine Red Claws (2013)
Springfield Armor (2013)
Brooklyn Nets (2013)
Información en nba.com

Kristopher Joseph, nado o 17 de decembro de 1988 en Montreal, Quebec, é un xogador canadiano de baloncesto profesional que actualmente é axente libre.

Instituto[editar | editar a fonte]

Joseph tivo problemas ó comezar a competir, xa que o botaron do seu equipo cando tiña 14 anos. Traballou o seu xogo, medrou, e convertiuse nunha estrela no Sun Youth, un equipo da Liga de Baloncesto de Montreal.[1] En recomendación do adestrador Henry Wong, a nai de Joseph aceptou que o seu fillo deixara Montreal en 2006, para completar os dous anos que lle quedaban no Archbishop Carroll, en Washington, D.C..[2]

Coma senior, Joseph liderou ó Archbishop Carroll a unha marca de 26-11. Esa tempada, Joseph conseguiu entrar no segundo equipo de 2008, elixido polo Washington Post.[3]

Traxectoria universitaria[editar | editar a fonte]

Joseph comezou a ter minutos xa moi cedo, e xogou o seu primeiro partido de titular o 2 de xaneiro de 2009 contra Florida do Sur, anotando sete puntos e capturando tres rebotes.[4] Na súa segunda tempada, convertiuse nun importante reserva para Syracuse, rematou a tempada con 11.0 puntos e 5.4 rebotes por partido, e foi nomeado Sexto Home do Ano da Big East Conference.[5]

No seu ano coma junior, mellorou de novo os seus rexistros, e liderou a Syracuse en anotación con 14.3 puntos por partido, sendo ademais o segundo máximo reboteador do equipo, con 5.2 rebotes por encontro; números que melloraría tamén no seu derradeiro ano universitario.

Traxectoria profesional[editar | editar a fonte]

Boston Celtics[editar | editar a fonte]

O 28 de xuño de 2012, Joseph foi elixido na 51ª posición do Draft da NBA de 2012 polos Boston Celtics. O 3 de xullo de 2012, Joseph asinou un contrato cos Celtics.[6]

Durante a súa estancia nos Celtics, foi asignado varias veces ó seu afiliado na NBA D-League, os Maine Red Claws.[7] O 6 de xaneiro de 2013, Joseph foi cortado polos Celtics.[8]

Brooklyn Nets[editar | editar a fonte]

O 6 de febreiro de 2013, Joseph fichou polos Maine Red Claws.[9] Cinco días máis tarde, o 11 de febreiro, foi traspasado ós Springfield Armor a cambio de James Mays.[10] O 2 de abril de 2013, asinou un contrato de 10 días cos Brooklyn Nets.[11] O 12 de abril de 2013, asinou para o resto da tempada.[12]

Joseph foi traspasado ós Boston Celtics o 12 de xullo de 2013, nun gran traspaso que mandou ás estrelas dos Celtics Kevin Garnett e Paul Pierce ós Nets.[13] O 15 de xullo de 2013, foi cortado polos Celtics.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]