Tenerife CB

	Tenerife Baloncesto
Información xeral
Fundación	19 de xuño de 1996
Desaparición	2013
Cores	Azul, laranxa, branco
Presidente	José Miguel Martín (último)
Localización
Cidade	La Laguna, España
Pavillón	Santiago Martín
Capacidade	5 100
Inauguración	1999
Campionatos
Copa Príncipe	1 (2003)

Para o actual equipo da Liga ACB, véxase CB Canarias.

O Tenerife Club de Baloncesto foi un equipo de baloncesto das cidades de Santa Cruz de Tenerife e San Cristóbal de La Laguna, nas Illas Canarias (España). Xogaba os seus partidos como local no Pabellón Santiago Martín, recinto con capacidade para 5 100 espectadores. O club desapareceu no ano 2013.

Historia

O Tenerife Baloncesto fundouse en 1996 pola fusión de varios equipos de Tenerife. Na temporada 1996−97 foi un dos equipo fundadores da Liga LEB, unha nova categoría creada como segunda divisón do baloncesto español. Nesta primeira temporada disputou os seus partidos como local no pavillón Rios Tejera da cidade de San Cristóbal de la Laguna. Na súa segunda tempada o club mudouse ao Pavillón Municipal da capital tinerfeña. Nesta temporada disputou o play-off de ascenso contra, xogando as semifinais ante o Murcia Airtel. Con todo, o equipo tinerfeño perde por 3 xogos a 0. En 1999 o equipo volveu disputar un play-off de ascenso, caendo nesta ocasión fronte ao Gijón Baloncesto. Esta temporada tamén coincidiu co traslado do equipo ao Pabellón Insular Santiago Martín. Na temporada 2002−03 proclamouse campión da Copa do Príncipe, e ao final desa mesma tempada ascendeu á Liga ACB.

Na súa primeira temporada na máxima categoría, o club conseguiu acabar en décimo lugar, con dezaseis vitorias, as mesmas que conseguiu o oitavo clasificado que disputou os play-off. Porén, na seguinte temporada o equipo descende á Liga LEB após ocupar o último lugar con tan só oito vitorias. Nas seguintes cinco temporadas o club xoga na Liga LEB. Nos dous primeiros anos o club ocupa postos baixos na táboa clasficatoria, mais na na temporada 2007−08 quedou a un partido de volver á ACB despois de perder o último partido da final a 4 disputada en Cáceres contra o Bruesa GBC. Na seguinte tempada tamén loitou polo ascenso, caendo en semifinais contra o Melilla Baloncesto. Na tempada 2009-10 o equipo finalizou a liga na metade da táboa. En xuño de 2010 o club renuncia a súa praza na Liga LEB para unificarse co Club Cantera Base 1939 Canarias, acordando que fose este o que ocupase a peaza na LEB Ouro e que o Tenerife servise como equipo filial e de canteira. A tempada 2012−13 foi a derradeira na historia do club por mor de problemas económicos.

Patrocinios

Alén de Tenerife Baloncesto, o club tivo diversos nomes ao longo da súa historia por motivos de patrocinio:

Tenerife Canarias (1996–1999)
Tenerife Atún (1999–2000)
Unelco Tenerife (2002–2005)
Tenerife Rural (2005–2010)

Xogadores

Destacados

Adestradores

Os seguintes son os adestradores do Tenerife desde a temporada 2000−01.

Jou Costa (2000−2001)
Pedro Martínez (2001−2002)
Paco García (2002−2004)
Iván Déniz (2004)
Gustavo Aranzana (2004−2005)
Ángel Jareño (2005−2006)
Rafa Sanz (2006−2009)
Iván Déniz (2009−2010)
Jou Costa (2010−2012)
Ruymán Delgado (2012−2013)

Palmarés

Copa Príncipe

Campión (1): 2003
Subcampión (2): 2000, 2002

Historial

Ano	Nivel	Liga	Pos.	V–D	Outras copas		Competicións europeas
1996–97	2	LEB	13º	10–20
1997–98	2	LEB	4º	15–19
1998–99	2	LEB	6º	18–12	Copa Príncipe	SF
1999–00	2	LEB	6º	24–16	Copa Príncipe	2º
2000–01	2	LEB	11º	12–18
2001–02	2	LEB	4º	25–15	Copa Príncipe	2º
2002–03	2	LEB	2º	30–9	Copa Príncipe	1º	4 FIBA Champions' Cup	FG	12–4
2003–04	1	ACB	10º	16–18
2004–05	1	ACB	17º	8–26
2005–06	2	LEB	13º	15–19
2006–07	2	LEB	14º	14–20
2007–08	2	LEB Ouro	3º	22–17
2008–09	2	LEB Ouro	4º	23–14
2009–10	2	LEB Ouro	11º	16–18
2010–11	4	EBA	1º	23–9
2011–12	3	LEB Prata	12º	7–17
2012–13	5	1ª División	2º	14–2

Véxase tamén

Ligazóns externas