Bilbao Basket

Surne Bilbao Basket
Información xeral
Liga	ACB
Alcume	Homes de negro
Fundación	7 de marzo de 2000
Cores	Negro, prata
Presidente	Isabel Iturbe
Adestrador	Álex Mumbrú
Localización
Cidade	Bilbao, España
Pavillón	Bilbao Arena
Capacidade	10 014
Inauguración	24 de setembro de 2010
Campionatos
Liga LEB	1 (2004)
bilbaobasket.biz

O Club Basket Bilbao Berri S.A.D., actualmente coñecido como Surne Bilbao Basket por motivos de patrocinio, é un equipo profesional de baloncesto español con sede na cidade de Bilbao, Biscaia. Foi fundado o 7 de marzo de 2000 co obxectivo de que a cidade volvese a contar cun equipo na elite após a desaparición do Caja Bilbao en 1994. O Bilbao Basket xoga actualmente na Liga ACB, competición da que foi subcampión na temporada 2010−11. O club xoga os seus partidos coma local no Bilbao Arena, recinto inaugurado en 2010 con capacidade para 10 014 espectadores.

Historia

Comezos

Xogadores e corpo técnico do Bilbao Basket en 2009.

O Basket Bilbao Berri foi fundado o 7 de marzo de 2000, sendo creado para substituír o vello equipo da cidade, o Caja Bilbao. Comezou a súa andaina na LEB 2, cun comezo regular xa que rematou loitando polos postos da parte baixa da liga, rematando finalmente décimo terceiros. A seguinte tempada, a súa segunda na categoría, creouse un proxecto máis ambicioso, coas vistas postas na ACB. Así, ese ano, o Bilbao Berri consegue disputar aos playoff de ascenso, acadando finalmente o ascenso á segunda máxima categoría do baloncesto estatal tras vencer ao Guadalajara e ao La Palma. Finalmente, na tempada 2003-04 o Bilbao Basket ascendeu á máxima categoría, a liga ACB.

Na súa estrea na categoría de prata durante a temporada 2002−03, o Bilbao convertese no equipo revelación e consegue acabar loitando polo ascenso á ACB, aínda que finalmente foi derrotado nos playoffs de ascenso ás primeiras de cambio polo León. Ao ano seguinte os rexistros durante a tempada regular melloraron, terminando coma líder da clasificación, o que lles permitía acceder ás eliminatorias polos ascenso como favoritos. Na primeira rolda venceron, aínda que con dificultade ao Huelva, e nas semifinais vingáronse do León, vencendo por 3 a 0, o que lles supuxo o ascenso á máxima categoría.

Ao chegar á Liga ACB, o Bilbao contou cun dos presupostos máis baixos da categoría durante os seus primeiros anos. Durante a temporada 2005−06, conseguiu derrotar por primeira vez ao seu máximo rival, o TAU Baskonia no Bizkaia Arena ante 12 500 espectadores. Así mesmo, derrotou no vello pavillón de "La Casilla" ao Winterthur F.C. Barcelona e ao Unicaja Málaga, campión da Liga Regular. Porén, foi no Bizkaia Arena onde o Bilbao Basket conseguiu o maior rexistro de asistencia a un partido da ACB naquela altura con 15 414 espectadores o 6 de xaneiro de 2007 ante o TAU Baskonia. O pavillón no que xogaba o Iurbentia era o "Pabellón de Deportes Municipal de La Casilla" ou "La Casilla Udal Pabilioia", con capacidade para 5.200 espectadores. Metro Bilbao, na súa Estación de Indautxu, e as estacións de tren de Autonomía (Renfe Cercanías) e Ametzola (Renfe Cercanías e Feve) daban servizo ao pavillón.

Subcampións da ACB

Durante o ano 2006 asinouse o acordo institucional para a construción dun novo pavillón en Miribilla para 10 014 espectadores, o cal foi inaugurado en setembro de 2010. Esa temporada 2010−11 comezou titubeante para o equipo, aínda que finalmente logra sen excesivos problemas o acceso á Copa do Rei, perdendo en cuartos de final contra o Baskonia nun axustado partido. Finalmente, lograría pechar a temporada regular na 6ª praza, repetindo a mellor clasificación da súa historia. Na primeira rolda dos play-off enfrontáronse ao Power Electronics Valencia, a priori un dos aspirantes ao título de liga.

En Valencia logran a súa primeira vitoria no play-off da súa historia, para pechar o seu pase a semifinais cun 2−0 en Bilbao. En semifinais, tamén co factor cancha en contra, vencerían ao Real Madrid 3−1, logrando disputar a Final da ACB. Finalmente caerían derrotados contra o Regal FC Barcelona por 3-0, supondo o primeiro subcampionato de liga do club. Este subcampionato permitiulles clasificarse para a seguinte edición da Euroliga. Na temporada 2011−12 da ACB o equipo mantivo un nivel discreto, perdéndose a Copa del Rei e caendo en cuartos de final. En Euroliga, o equipo consegue disputar tamén os cuartos de final, onde caen ate o CSKA Moscow.

Problemas económicos

A finais de 2013, Gorka Arrinda, conselleiro delegado do equipo, anuncia que se non conseguen 1,5 millóns de euros non poderán pagar a nómina dos seus xogadoresnin aos provedores. Arrinda afirma que están en "unha situación límite de tesouraría" e dáse un prazo de dous meses para tomar unha decisión sobre o futuro do equipo. O 17 de xullo anúnciase que o equipo non competirá na próxima Liga ACB pola súa situación económica, feito que se confirmou un día despois.

O 8 de agosto de 2014 o Tribunal Administrativo do Deporte (TAD), dependente do Consello Superior de Deportes (CSD), estimou o recurso interposto polo consello de administración do club e obrigou á ACB a readmitir ao conxunto vasco. Unha vez cumpridos os requisitos necesarios para a inscrición, como a reposición do Fondo Especial de Garantía e unha redución na débeda contraída con xogadores e técnicos por baixo do 15% foi readmitido na liga Endesa como membro de pleno dereito. O calendario, establecido antes da de reinscripción do club, estaba formado por 17 equipos nos que aquel que descansaba cada xornada será quen se enfronte ao Bilbao Basket sen alterar, deste xeito, a orde do calendario preestablecido. Nese momento, o equipo conta cun patrocinador principal, a empresa suíza WISeKey, que xunto a outros patrocinadores minoritarios e ao Consello de Administración do equipo, tratarían de reducir a débeda neta do club. Unha débeda, que tras quitas do 50% atopábase en 3,6 millóns de Euros.

Despois da difícil situación económica, despois de varios anos en ACB, o club descende para a temporada 2018−19 á Liga LEB. O descenso achega ao club o fondo de ascensos e descensos, o cal alivia economicamente ao club. Grazas a iso, o Bilbao pode contratar un elenco de xogadores competitivo con vistas ao regreso á liga ACB. O equipo renóvase ao completo, sendo Javi Salgado o único xogador que continúa do ano anterior e contratando a xogadores como Ben Lammers, Kevin Larsen, Leonardo Demétrio, Jaylon Brown ou Thomas Schreiner. Porén, o equipo non consegue o ascenso directo, tendo que disputar os play-offs por unha praza na máxima categoría. A eliminatroria de cuartos de final deparoulle unha contra Palencia que se decidiu en cinco partidos. Xa na Final Four, disputada en Bilbao a partido único, o equipo vence en semifinais ao Melilla e na final ao Palma, regresando así á Liga ACB.

Patrocinios

Por motivo de patrocinio, o club tivo diversos nomes ao longo da súa historia:

• Lagun Aro Bilbao Basket (2004–2007)
• Iurbentia Bilbao Basket (2007–2009)
• Bizkaia Bilbao Basket (2009–2011)
• Gescrap Bizkaia Bilbao Basket (2011–2012)
• Uxúe Bilbao Basket (2012–2013)
• Dominion Bilbao Basket (2015–2016)
• RETAbet Bilbao Basket (2016–2021)
• Surne Bilbao Basket (2021–presente)

Xogadores

Cadro actual

Surne Bilbao Basket 2021−2022
Xogadores	Adestradores
Pos. # Nac. Nome Altura Peso Procedencia 2.0 !E 0 ! Goudelock, Andrew 1,91 m (6 ft 3 in) 92 kg (203 lb) Rytas Vilnius (2021) 5.0 !P 1 ! Withey, Jeff 2,13 m (7 ft 0 in) 104 kg (229 lb) Goyang Orion Orions (2021) 1.0 !B 2 ! Rousselle, Jonathan 1,93 m (6 ft 4 in) 77 kg (170 lb) Limoges CSP (2019) 1.0 !B 5 ! Luz, Rafa 1,88 m (6 ft 2 in) 94 kg (207 lb) Nevėžis Kėdainiai (2021) 2.0 !E 7 ! Rigo, Tomeu 1,89 m (6 ft 2 in) 87 kg (192 lb) Real Betis (2018) 3.0 !A 8 ! Reyes, Álex 2,02 m (6 ft 8 in) 85 kg (187 lb) Oviedo (2020) 3.0 !A 10 ! Bigote, Valentin 1,96 m (6 ft 5 in) 86 kg (190 lb) Le Mans Sarthe Basket (2021) 1.0 !B 12 ! Håkanson, Ludvig 1,93 m (6 ft 4 in) 88 kg (194 lb) Zielona Góra (2020) 5.0 !P 18 ! Miniotas, Regimantas 2,06 m (6 ft 9 in) 100 kg (220 lb) Prienai (2020) 4.0 !AP 21 ! Masiulis, Gytis 2,07 m (6 ft 9 in) 99 kg (218 lb) Lietkabelis Panevežys (2021) 5.0 !P 31 ! Delgado, Ángel 2,08 m (6 ft 10 in) 111 kg (245 lb) Estudiantes (2021) 4.0 !AP 57 ! Galán, Alejandro 2,07 m (6 ft 9 in) 100 kg (220 lb) Lucentum Alicante (2021)	Adestrador Álex Mumbrú Asistente(s) Lolo Encinas Javi Salgado Preparador(es) físico(s) Roberto Molina Lenda (C) Capitán Lesionado Cadro Actualizado: 18−09−2021

Dorsais retirados

Javi Salgado.

Dorsais retirados polo Bilbao Basket
N°	Xogador	Posición	Etapa
14	Javi Salgado	Base	2001–2010, 2016–2019

Destacados

• Quino Colom
• Germán Gabriel
• Roger Grimau
• Eduardo Hernández-Sonseca
• Raül López
• Álex Mumbrú
• Javi Salgado
• Paco Vázquez
• Fran Vázquez
• Axel Hervelle
• Marcelinho Huertas
• Tiago Splitter
• Marko Banić
• Damir Markota
• Ondřej Balvín
• Jérôme Moïso
• Frédéric Weis
• D'or Fischer
• Lamont Hamilton
• Aaron Jackson
• John Jenkins
• Quincy Lewis
• Dairis Bertāns
• Jānis Blūms
• Antanas Kavaliauskas
• Renaldas Seibutis
• Predrag Savović
• Marko Todorović
• Kostas Vasileiadis
• Nikos Zisis

Galardóns individuais

Primeiro quinteto da ACB

• Marcelinho Huertas – 2008
• Marko Todorović – 2015
• Álex Mumbrú – 2016

MVP da ULEB Eurocup

• Marko Banić – 2010

Primeiro quinteto da Eurocup

• Marko Banić – 2009, 2010
• Kostas Vasileiadis – 2009, 2013

Segundo quinteto da Eurocup

• Lamont Hamilton – 2013

Adestradores

A seguinte é unha lista dos adestradores do Bilbao Basket desde a súa fundación.

• Txutxo Sanz (2000–2001)
• Pedro Zorrozua (2001)
• Txus Vidorreta (2001–2010)
• Rafa Pueyo (2010)
• Fotis Katsikaris (2010–2013)
• Rafa Pueyo (2013–2014)
• Sito Alonso (2014–2016)
• Carles Duran (2016–2017)
• Veljko Mršić (2017–2018)
• Jaka Lakovič (2018)
• Álex Mumbrú (2018–presente)

Palmarés

LEB Oro

• Campións (1): 2004

Historial

Ano	Nivel	Liga	Pos.	V–D	Copa do Rei	Outras copas		Competicións europeas
2000–01	3	LEB 2	13º	13–20
2001–02	3	LEB 2	1º	31–8		Copa LEB 2	1º
2002–03	2	LEB	6º	21–14		Copa Príncipe	2º
2003–04	2	LEB	1º	29–14		Copa Príncipe	SF
2004–05	1	ACB	14º	12–22
2005–06	1	ACB	15º	13–21
2006–07	1	ACB	10º	15–19
2007–08	1	ACB	7º	21–15	Semifinais	Supercopa	2º
2008–09	1	ACB	8º	15–19				2 Eurocup	SF	11–3
2009–10	1	ACB	9º	16–18	Cuartos de final			2 Eurocup	3º	13–5
2010–11	1	ACB	2º	26–17	Cuartos de final
2011–12	1	ACB	6º	19–17		Supercopa	SF	1 Euroliga	CF	10–10
2012–13	1	ACB	7º	20–17	Cuartos de final			2 Eurocup	2º	13–4
2013–14	1	ACB	14º	12–22		Supercopa	SF	2 Eurocup	L32	8–8
2014–15	1	ACB	5º	21–18	Cuartos de final
2015–16	1	ACB	10º	16–18	Semifinais			2 Eurocup	L32	11–5
2016–17	1	ACB	10º	14–18				2 EuroCup	FG	3–5
2017–18	1	ACB	17º	8–26				2 EuroCup	FG	2–8
2018–19	2	LEB Ouro	2º	29–12		Copa Princesa	2º
2019–20	1	ACB	8º	15–13	Cuartos de final
2020–21	1	ACB	17º	10–26				3 Champions League	FG	2–4

Seareiros

O club conta na actualidade con sete agrupacións de seareiros. A pioneira foi Hirukoa, á que seguiron a "Peña Vidorreta" e a "Peña Javi Salgado". Despois chegarían a "Peña 2.18", adicada a Frédéric Weis, e a "Peña Marko Banić". Algo máis tarde se fundou a "Peña La Casa" e, finalmente, a "Peña Bilbao Basket de Erandio".

Véxase tamén

Ligazóns externas

• Páxina web oficial do Bilbao Basket
• Perfil do Bilbao Basket en acb.com