Club Ourense Baloncesto

Na Galipedia, a Wikipedia en galego.
Club Ourense Baloncesto
Competición Liga LEB Ouro
Fundado 1979
Cidade Galicia Ourense
Pavillón Pazo Paco Paz (5.500)
Cores                Azul, amarelo e branco
Historia Club Ourense Baloncesto
(dende 1979)
Presidente Galicia Antonio Gavilanes
Adestrador EspañaGonzalo García de Vitoria
Príncipe 1 (2000)
Copa Galicia 5 (1992, 1994, 1995, 1997, 1999, 2001, 2006)
Sitio Web Sitio web oficial

O Club Ourense Baloncesto é un club de baloncesto galego da cidade de Ourense. En xuño de 2015 acadou o ascenso á liga ACB despois de 14 anos, logo de vencer a eliminatoria fronte ao Club Baloncesto Breogán.

Historia[editar | editar a fonte]

Pazo Provincial dos Deportes Paco Paz.

O COB foi fundado en 1979. Durante os seus primeiros anos militou nas Divisións Masculinas, ata que na tempada 1989-90 chegou o ascenso á liga ACB. Co nome de Caixa Ourense iniciou o 6 de setembro de 1987 a súa primeira andaina como Club Ourense Baloncesto pola 1ª División B, a segunda división española de baloncesto, na cancha do Santa Coloma. Atrás quedaba a época na que, configurado como Club Bosco-Salesianos, lograra dun xeito meteórico a súa chegada á elite do baloncesto español dende a súa fundación no ano 1979. O 6 de xuño de 1987 estableceuse a fusión entre Salesianos e COB.

Unha vez disputadas as dez primeiras xornadas da competición, a directiva cesa como primeiro adestrador a Manuel Fernández Rey pasando a levar a dirección técnica do equipo o ata aquela xogador Ángel Navarro.

Caixa Ourense conclúe a primeira fase da liga cun balance de 26 encontros disputados, 11 vitorias e 15 derrotas, totalizando 2239 puntos a favor (86,1 de media) e 2277 (87,5 de media) en contra, números que lle levan a disputar a B-2, e onde as cousas non marcharían moito mellor, finalizando con 14 encontros disputados, 3 vitorias e 11 derrotas con 1267 puntos a favor e 1344 en contra. Todo isto levouno directamente a xogar o seu primeiro play-off por evitar o descenso de categoría.

Nesta primeira e nova experiencia o rival foi o Lliria, club dunha pequena localidade valenciana, mais moi emerxente no panorama baloncestístico español daquela. O Caixa Ourense vence a eliminatoria en maio de 1988 por 3-1, logrando manter a categoría e asegurándose un ano máis entre os mellores equipos do baloncesto español na segunda división.

Os xogadores estranxeiros que reforzaron ao Caixa Ourense durante esa tempada foron inicialmente Howard Wood e Yomi Sangodeyi. Este último sufriu en xaneiro de 1988 aos sete minutos do encontro que disputaba ante o Badaxoz unha importante rotura no tendón de Aquiles que lle deixou fóra da competición para todo o que restaba de tempada. No seu lugar chegou Douglas Arnold.

Wood chegou con 28 anos a Ourense logo de ter concluído a súa formación universitaria na Universidade de Tennessee en 1981 e ser elixido ese mesmo ano na segunda rolda do Draft da NBA por Utah Jazz co número 27. Tras xogar algúns partidos con Utah pasou enseguida á CBA e posteriormente desembarcou en España no Cacaolat Granollers, para xogar tamén no Tizona Burgos e Pamesa Valencia.

Yomi Sangodeyi era un destacado membro real dunha tribo nixeriana. Alcumado "O Príncipe" este pivote de 28 anos chegou a Ourense tras pasar pola SAM Houston State University ata 1984 ano no que foi seleccionado por New Jersey Nets no Draft de la NBA en terceira rolda co número 63. O seu pasado antes de chegar a Galiza presentaba un paso por Florencia na A-2 italiana, Tenerife e Navarra.

O último en chegar foi Douglas Arnold en xaneiro de 1988 para substituír por lesión a Sangodeyi. Cando chegou este ala-pivote de 2,03 tiña 26 anos. Formado en Texas Christian University saíu en 1983 elixido en cuarta rolda do Draft da NBA por Utah Jazz no posto 76. Anteriormente xogara durante tres tempadas no Racing Paris da liga francesa e ata Ourense chegou sendo cortado en decembro na liga belga.

Na tempada 1997-98 o equipo descende á LEB, na que permanece durante dous anos, ata que na tempada 1999-00 acada novamente o ascenso á ACB ademais de conseguir o seu primeiro título oficial a nivel estatal logo de gañar a Copa do Príncipe en Granada ante o Tenerife, mais o soño de permanecer entre os mellores remata esa mesma tempada, na que descende novamente á LEB, dende a tempada 2000-01, o COB non xogou máis na ACB.

Logo de catro anos na categoría de prata do baloncesto español, o COB descende á LEB 2 na tempada 2004-05, permanecendo nesa categoría (ben baixo a denominación de LEB 2 ou de LEB Prata) ata a tempada 2008-09, na que acada novamente o ascenso a LEB Ouro.

Traxectoria[editar | editar a fonte]

Tempada Categoría Posto
1983/84 Campionato autonómico
1984/85 Segunda División
1985/86 Segunda División
1986/87 Primeira División
1987/88 Primeira División
1988/89 Primeira División
1989/90 Liga ACB
1990/91 Liga ACB 14º
Tempada Categoría Posto
1991/92 Liga ACB
1992/93 Liga ACB
1993/94 Liga ACB
1994/95 Liga ACB
1995/96 Liga ACB
1996/97 Liga ACB
1997/98 Liga ACB
1998/99 Liga LEB
Tempada Categoría Posto
1999/2000 Liga LEB
2000/01 Liga ACB 18º
2001/02 Liga LEB
2002/03 Liga LEB
2003/04 Liga LEB 17º
2004/05 Liga LEB 17º
2005/06 LEB 2
2006/07 LEB 2
Tempada Categoría Posto
2007/08 LEB Prata 14º
2008/09 LEB Prata 10º
2009/10 LEB Ouro 15º
2010/11 LEB Ouro 18º
2011/12 LEB Prata
2012/13 LEB Ouro 13º
2013/14 LEB Ouro 12º
2014/15 LEB Ouro

Palmarés[editar | editar a fonte]

Xogadores[editar | editar a fonte]

Cadro actual[editar | editar a fonte]

Club Ourense Baloncesto 2014-2015 (LEB Ouro)
Xogadores Adestradores
Pos. # Nac. Nome Altura Peso
A 1 Flag of the United States.svg Brothers, Darien 1.91 m (6 ft 3 in)
A 3 España Iglesias, Cristian 1.99 m (6 ft 6.5 in)
B 7 España Díaz, Christian 1.84 m (6 ft 0.5 in)
A 9 España Arco, Salva 1.96 m (6 ft 5 in)
B 11 España Rodríguez, Martín 1.83 m (6 ft 0 in)
P 12 Flag of the United Kingdom.svg Geramipoor, Aaron 2.13 m (7 ft 0 in)
B 14 España Rivero, Pedro 1.85 m (6 ft 1 in)
A 15 España Martínez, Eduardo 2.02 m (6 ft 7.5 in)
AP 16 España Rejón, Guillermo 2.06 m (6 ft 9 in)
A 18 España Suka-Umu, Marcos 1.91 m (6 ft 3 in)
AP 20 Flag of the United States.svg Fieler, Chase 2.03 m (6 ft 8 in)
P 33 Flag of Lithuania.svg Busma, Deividas 2.11 m (6 ft 11 in)
Adestrador




Lenda
  • (C) Capitán
  • (E) Xoga só na Euroliga
  • (PE) Pasaporte europeo
  • (ca) Procede da canteira
  • Lesionado Lesionado

Cadro
Actualizado: 03-06-2015

Véxase tamén[editar | editar a fonte]

Ligazóns externas[editar | editar a fonte]