CB Granada

Na Galipedia, a Wikipedia en galego.
Club Baloncesto Granada
Información xeral
Fundación 1994
Desaparición 2012
Historia C.A.B. Granada (1994-1996)
Cores           Granate, verde
Localización
Cidade España Granada, España
Pavillón Palacio de Deportes
Capacidade 7.358
Inauguración 1991
cbgranada.com

O Club Baloncesto Granada SAD foi un equipo de baloncesto da cidade de Granada, Andalucía (España).

Traxectoria[editar | editar a fonte]

O CB Granada SAD sucedeu ao anterior club da cidade, o Club Deportivo Oximesa, desaparecido por problemas económicos. O Club Asociación Baloncesto Granada (C.A.B. Granada) constituíuse o 28 de xuño de 1994 so a fórmula de Asociación Deportiva procedendo do desaparecido C.A.B. Loja.

Tras participar dous anos na Liga EBA (na tempada 1995-96 ficou campión tras resultar invicto en tódolos partidos da fase final), o 14 de xuño de 1996 o CAB Granada adquiriu os dereitos para participar na Liga ACB ao Club Baloncesto Salamanca. O 11 de xullo o Club constitúese en Sociedade Anónima Deportiva.

Na tempada 1998-99 descende á liga LEB, para lograr de novo o ascenso e o retorno á ACB na tempada 2000-01. Na tempada 2002-03 volve perder a categoría, mais retorna na campaña 2003-04 tras só unha tempada na LEB.

A andaina deste club partiu en Salamanca, en 1993, onde competiu 3 anos como Club Baloncesto Salamanca, chegando a clasificarse para a Copa Korac no seu último ano de existencia, e en 1996 a sociedade cambiou o domicilio e o nome cara a terras granadinas, tomando o nome de Club Baloncesto Granada que iniciara a súa andaina en 1994. Participou na Liga ACB, mais tamén na división inferior do baloncesto español, a Liga LEB. A súa mellor actuación ata o momento foi na tempada 2006-07, 2008-09 cando terminaron na 11ª posición da Liga ACB. Na tempada 2010-11 descendeu á LEB Ouro.

Na tempada 2011-12, descendeu á LEB Prata tras pasar por un grande número de problemas económicos e institucionais. Días máis tarde, o club anunciou, a través da súa páxina web oficial, a liquidación da entidade e a súa desaparición.

Cada ano dende 2004 organizaba un torneo amigable, o Memorial Antonio Rodríguez Franco.

Denominacións[editar | editar a fonte]

  • C.A.B Spar Granada: 1995-1996
  • Covirán Sierra Nevada e Covirán Cervezas Alhambra: 1996-1999
  • Club Baloncesto Granada: 2000-2012.

Véxase tamén[editar | editar a fonte]

Ligazóns externas[editar | editar a fonte]