Museo Numismático da China

Museo Numismático da China; –中国钱币博物馆–; –Zhongguó Qiánbì Bówùguan–;
	Moeda-aixada e circulares do; Museo Numismático da China; ;
Coordenadas	39°54′07.38″N 116°23′41.81″L / 39.9020500, -116.3949472
País	China
Cidade	Pequín
Inauguración	1992
	[ editar datos en Wikidata ]
	v; c; e;

O Museo Numismático da China (en chinés: 中国钱币博物馆; en pinyin: Zhongguó Qiánbì Bówùguan) é unha institución museística chinesa situada en Pequín, centrada na historia da moeda e a circulación monetaria, principalmente nese país.

A institución

O Museo Numismático da China está baixo a xestión do Banco Popular da China. Fundouse en 1992 e ten a súa sede na Praza Tian'anmen, en Pequín. As súas instalacións abranguen uns mil metros cadrados e distribúense en dous edificios, que anteriormente pertenceron, respectivamente, ao Banco de Garantía Comercial da China e á delegación en Pequín do Banco Central da China.^[1]^[2]

O Museo é membro do Consello Internacional de Numismática. Tamén forma parte do consello do Comité Internacional para os Museos Monetarios e Bancarios (ICOMON),^[3] de cuxa novena conferencia anual, celebrada en Pequín en 2002, formou parte do comité organizador.^[4]

O Museo Numismático da China é ademais a sede do secretariado da Sociedade Numismática Chinesa, unha organización non gobernamental de carácter académico fundada en 1982 e rexistrada no Ministerio de Asuntos Civís.^[1]^[5]

A colección

A súa misión consiste en recoller, expor e investigar as moedas e outros obxectos antigos, modernos e contemporáneos relacionados coa historia bancaria.^[1] Os seus fondos superan os 300.000 obxectos numismáticos.^[6]

A súa exposición principal céntrase na historia da moeda chinesa e divídese en cinco seccións e, dentro de cada unha, séguense criterios cronolóxicos e subdivisións temáticas. As seccións son as seguintes:^[2]

Unificación da moeda.
Moedas redondas cun burato cadrado.
Moedas de ouro e de prata.
Papel moeda e bancos.
Presente e futuro.

Ademais da súa exposición principal organiza outras de carácter temporal, entre as que destacan "Tecnoloxía de fundición de moedas antigas chinesas", "Diñeiro contra a falsificación" ou "Moedas do Réxime Vermello".^[1]

中国钱币 – China Numismatics

É unha publicación periódica de carácter bimensual coeditada desde 1983 pola Sociedade Numismática Chinesa e o Museo Numismático da China. Trátase da única publicación de carácter académico centrada na numismática e na historia monetaria chinesas, aínda que en ocasións estende o seu obxecto de interese á moeda doutros países.^[7]

A revista conta con seccións fixas, como "Foro numismático", "Investigación de historia monetaria", "Moeda bancaria e papel moeda", "Achados e tesouros" ou "Tendencias no coleccionismo de moedas".^[7]

Galería

Moedas-cuncha (tóng bèi) de bronce, da dinastía Shang.
Moedas-coitelo de bronce.
Moedas-placa, de ouro e de bronce.
Moedas de Sichuan con valor en rupias.

Notas

↑ ^1,0 ^1,1 ^1,2 ^1,3 "Introduction Arquivado 18 de febreiro de 2020 en Wayback Machine.". China Numismatic Museum.
↑ ^2,0 ^2,1 Shuomin, Y. (1997). "The designed thinking of the China Numismatic Museum Arquivado 15 de maio de 2019 en Wayback Machine.". En Proceedings of the ICOMON meetings held in: Stavanger, Norway, 1995, Vienna, Austria, 1996. Museo Casa de la Moneda, Madrid. Páxinas 66-68. ISBN 84-88298-03-X
↑ "Chinese Committee of Money and Banking Museums Arquivado 18 de febreiro de 2020 en Wayback Machine.". China Numismatic Museum.
↑ "9^th ICOMON Annual Conference. 2002: Beijing, China". International Committee for Money and Banking Museums.
↑ "China Numismatic Society Arquivado 11 de xaneiro de 2019 en Wayback Machine.". China Numismatic Museum.
↑ "Collections Arquivado 18 de febreiro de 2020 en Wayback Machine.". China Numismatic Museum.
↑ ^7,0 ^7,1 "China Numismatics Arquivado 17 de xaneiro de 2021 en Wayback Machine.". Sitio web do Museo Numismático da China.

Véxase tamén

Outros artigos

Ligazóns externas

Sitio web do Museo Numismático da China Arquivado 15 de abril de 2021 en Wayback Machine.
"Museum Special: China Numismatic Museum" (CCTV)

[:2-1] 1,0 ^1,1 ^1,2 ^1,3 "Introduction Arquivado 18 de febreiro de 2020 en Wayback Machine.". China Numismatic Museum.

[:3-2] 2,0 ^2,1 Shuomin, Y. (1997). "The designed thinking of the China Numismatic Museum Arquivado 15 de maio de 2019 en Wayback Machine.". En Proceedings of the ICOMON meetings held in: Stavanger, Norway, 1995, Vienna, Austria, 1996. Museo Casa de la Moneda, Madrid. Páxinas 66-68. ISBN 84-88298-03-X

[3] "Chinese Committee of Money and Banking Museums Arquivado 18 de febreiro de 2020 en Wayback Machine.". China Numismatic Museum.

[4] "9^th ICOMON Annual Conference. 2002: Beijing, China". International Committee for Money and Banking Museums.

[:0-5] "China Numismatic Society Arquivado 11 de xaneiro de 2019 en Wayback Machine.". China Numismatic Museum.

[6] "Collections Arquivado 18 de febreiro de 2020 en Wayback Machine.". China Numismatic Museum.

[:1-7] 7,0 ^7,1 "China Numismatics Arquivado 17 de xaneiro de 2021 en Wayback Machine.". Sitio web do Museo Numismático da China.

[1]

[2]

[3]

[4]

[5]

[6]

[7]

v c e Museos numismáticos
Europa	Colección Real de Moedas e Medallas de Dinamarca Departamento de Moedas e Medallas do Museo Británico Gabinet Numismàtic de Catalunya Gabinete de Medallas da Biblioteca Nacional de Francia Gabinete de Medallas da Biblioteca Real de Bélxica Gabinete de Medallas do Museo de Belas Artes de Lión Gabinete de Moeda Oriental de Jena Gabinete Numismático da Casa da Moeda de Polonia Gabinete Numismático da Universidade de Uppsala Gabinete Numismático de Berlín Gabinete Numismático de Dresden Gabinete Numismático de Oslo Gabinete Numismático do Porto Museo Arqueolóxico Nacional de España Museo Ashmolean Museo Casa de la Moneda (Madrid) Museo da Ceca de Roma Museo da Monnaie de Paris Museo de Moedas e Medallas de Xoán Paulo II Museo de Moedas e Medallas Joseph Puig Museo da Real Casa da Moeda de Segovia Museo da Sociedade Portuguesa de Numismática Museo de Papel Moeda do Banco Xónico Museo de Selos e Moedas de Mónaco Museo do Banco Nacional de Bélxica Museo do Diñeiro de Feodosia Museo do Diñeiro de Zürich Museo do Diñeiro do Banco Central de Montenegro Museo Filatélico e Numismático da Cidade do Vaticano Museo Fitzwilliam Museo Monetario Cantonal de Lausana Museo Numismático de Atenas Museo Numismático de Lobios Gabinete Numismático de Viena Museo de Pontevedra
América	Chase Manhattan Money Museum Colección Numismática Nacional dos EEUU Museo da American Numismatic Association Museo da American Numismatic Society Museo da Casa da Moeda da República Arxentina Museo da Sociedade Numismática Brasileira Museo das Finanzas dos Estados Unidos Museo do Banco do Canadá Museo Histórico e Numismático Héctor Carlos Janson Museo Historico e Numismatico Jose Evaristo Uriburu Museo Numismático de Aruba (pechado) Museo Numismático do Banco Central de Chile Museo Numismático do Banco Central de Ecuador Museo Numismático do Banco Central de Honduras Museo Numismático Rigoberto Borjas
Asia	Museo da Moeda do Banco do Xapón Museo Monetario do Banco da Reserva da India Museo Numismático da China
Véxase tamén	Asociacións numismáticas Casas de moeda Coleccionismo de moedas