Lee Ranaldo

Na Galipedia, a Wikipedia en galego.
Lee Ranaldo
Rock en Seine 2007, Lee Ranaldo (Sonic Youth).jpg
Lee Ranaldo no Rock en Seine 2007
Naceu 3 de febreiro de 1956 (60 anos)
Orixe Glen Cove, Nova York Flag of the United States.svg
Instrumento(s) guitarra, voz
Relacionado con Sonic Youth, The Cribs, Text Of Light
Tempo en activo 1980 - actualidade
Na rede
http://www.leeranaldo.com/
Ranaldo's Moonlander,Yuri Landman, 2007

Lee M. Ranaldo, nado on 3 de febreiro de 1956 en Glen Cove, New York, é un músico, escritor, produtor e artista visual estadounidense coñecido por ser vocalista, guitarrista, compositor e cofundador da banda de rock alternativo Sonic Youth. No ano 2004 a revista Rolling Stone elixiu a Ranaldo e ao seu compañeiro Thurston Moore o 33 e 34 mellores guitarristas de todos os tempos respectivamente.[1] No mes de maio de 2012 a revista Spin publicou unha lista dos 100 mellores guitarristas, e Ranaldo e Moore quedaron situados no número 1.[2]

Ranaldo ten tres fillos, Cody Linn Ranaldo, Sage Ranaldo e Frey Ranaldo, e está casado coa artista experimental Leah Singer, coa cal ten feito moitas performances en directo con música improvisada.

Biografía[editar | editar a fonte]

Ranaldo naceu en Glen Cove, Long Island, Nova York. Medrou escoitando discos dos Rolling Stones, Kinks, Cream, Led Zeppelin, Talking Heads e Television, e graduouse na Binghamton University.

Mentres estaba na universidade tocou nunha banda experimental de punk rock chamada Fluks. En 1979 trasladouse a Brooklyn onde intentou revivir Fliks e onde se uníu a diversos proxectos como Rhys Chatham e Plus Instruments. A través de Chatham coñecería ao compositor Glenn Branca e uníuse á súa orquestra de guitarras eléctricas.[3] Un ano máis tarde Thurston Moore oganizou o Noise Festval na galería de arte White Columns e convidouno a formar parte do seu grupo, no que tamén estaba a súa moza Kim Gordon, nacendo así Sonic Youth. Ao pouco tempo uniríaselles o batería Richard Edson.

Ademais da súa actividade con Sonic Youth, Ranaldo ven sendo unha figura moi activa na escena musical de Nova York, gravando e colaborando con numerosos artistas, producindo discos, e publicando varios libros.[3]

Entre as gravacións en solitario de Ranaldo atópanse Dirty Windows, unha colección de textos falados con música; Amarillo Ramp (For Robert Smithson), pezas para guitarra; e Scriptures of the Golden Eternity. Escribiu tamén libros, moitos dos cales inclúen imaxes e fotografías da súa muller, como Bookstore, Road Movies e Jrnls80s.

Discografía en solitario[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.