Bull in the Heather

Bull in the Heather
Sonic Youth
Instancia de sinxelo
Características  Xénero artístico rock alternativo
Implicados  Interpretado por Sonic Youth  Selo discográfico Geffen Records
Datas  Data de publicación abril de 1994
Historia  Precedido por Drunken Butterfly  Sucedido por The Diamond Sea
Localización  País de orixe Estados Unidos de América
Códigos e identificadores Freebase /m/0276_dn
Fontes e ligazóns
Wikidata

"Bull in the Heather" é unha canción da banda estadounidense de rock alternativo Sonic Youth, editada coma único sinxelo do seu álbum de 1994 Experimental Jet Set, Trash and No Star. Rodouse un vídeo musical para o tema dirixido por Tamara Davis, no que aparece a entón vocalista de Bikini Kill Kathleen Hanna. O sinxelo foi lanzado en abril de 1994 polo selo Geffen Records.

A canción leva o nome dun cabalo de carreiras que venceu na edición de 1993 do Florida Derby. O cabalo pertencía a un home chamado Arthur i. Klein, e cando a banda lle preguntou se podía usar o seu nome para unha canción Klein consultoulle aos seus fillos porque descoñecía a existencia de Sonic Youth. Despois de escoitalos e de comprobar que era un bo grupo e non tiñan letras racistas ou antisemitas accedeu á petición da banda renunciando a todo tipo de dereitos para sorpresa dos membros do grupo. Thurston e Kim atoparon orixinalmente o nome nun adhesivo que lles regalara Bob Nastanovich de Pavement.

No mes de maio do 2007, a revista NME colocou a "Bull in the Heather" no número 48 da súa lista dos 50 mellores temas de indie.

O sinxelo editouse en vinilo prateado de 10" cos tres temas limitado a 10.000 copias; en vinilo de 7" con "Bull in the Heather" como cara A e "Razor Blade" na B; en dúas edición de CD (británica e alemá) coas 3 cancións; un CD promocional dun só tema; e en casete.

Listaxe de cancións

Vinilo de 10" e CD
N.º	Título	Duración
1.	"Bull in the Heather" (versión do LP)	3:04
2.	"Razor Blade"	1:06
3.	"Doctor's Orders" (coa voz de Thurston Moore)	4:20

Vinilo de 7" e casete
N.º	Título	Duración
1.	"Bull in the Heather" (versión do LP)	3:04
2.	"Razor Blade"	1:06