SYR9: Simon Werner a Disparu

Na Galipedia, a Wikipedia en galego.

SYR9: Simon Werner a Disparu
Álbum de Sonic Youth
Publicado15 de febreiro do 2011
Gravaciónfebreiro e marzo do 2010
Estudio(s)Echo Canyon West, Nova Jersey
Duración58:08
Xénero(s)rock experimental
Selo(s)SYR
Producido porSonic Youth
Cronoloxía
The Eternal SYR9: Simon Werner a Disparu Smart Bar Chicago 1985

SYR9: Simon Werner a Disparu é un álbum da banda estadounidense de rock alternativo Sonic Youth. É a novena edición da serie SYR e publicouse en vinilo de 12" e CD 15 de febreiro do 2011. Realizouse previamente unha edición dixital do álbum o 25 de xaneiro do 2011. O álbum gravouse para servir como banda sonora da película do director Fabrice Gobert Simon Werner a Disparu.

Sonic Youth gravou o álbum como cuarteto, sen Mark Ibold, con Kim Gordon na guitarra en lugar do baixo. O antigo membro do grupo Jim O'Rourke tocou o baixo na canción "Thème d’Alice", que aparece só na edición en CD. Thurston Moore e Lee Ranaldo, ademais de gravar as guitarras, tamén tocaron o piano. O disco é enteiramente instrumental e a banda proxectou escenas do filme durante as gravacións para realizar 45 minutos de música con temas recorrentes. Estes foron posteriormente revisados para determinar que ideas desenvolver para escenas específicas da película[1].

Seguindo coa tradición da serie, o libreto e os títulos das cancións están nun idioma distinto ao inglés. Desta vez o idioma usado é o francés, repetindo por primeira vez un idioma na serie ao telo usado xa na súa primeira edición, SYR1: Anagrama.

Listaxe de cancións[editar | editar a fonte]

  1. "Thème de Jérémie" - 4:29
  2. "Alice et Simon" - 2:38
  3. "Les Anges au piano" - 3:31
  4. "Chez Yves (Alice et Clara)" - 3:33
  5. "Jean-Baptiste à la fenêtre" - 3:04
  6. "Thème de Laetitia" - 6:01
  7. "Escapades" - 3:04
  8. "La Cabane au Zodiac" - 2:08
  9. "Dans les bois / M. Rabier" - 5:50
  10. "Jean-Baptiste et Laetitia" - 1:17
  11. "Thème de Simon" - 3:52
  12. "Au Café" - 5:33
  13. "Thème d’Alice" (só no CD) - 13:08

Notas[editar | editar a fonte]

  1. "Copia arquivada". Arquivado dende o orixinal o 22 de maio de 2011. Consultado o 22 de maio de 2011.