Mute Records

Características
	Discografía Mute catalog (en)

	Instancia de selo discográfico
	Nome oficial Mute (en)

Mute Records
	Instancia de selo discográfico
	Nome oficial Mute (en)
Características
	Discografía Mute catalog (en)
Implicados
	Fundador/a Daniel Miller
	Propietario/a BMG Rights Management
	Matriz BMG Rights Management
	Entidades subsidiarias The Grey Area (pt)
Datas
	Fundación / creación 1978
Localización
	Sede Londres
	País Reino Unido
VIAF
Códigos e identificadores
VIAF
VIAF	126804123
ISNI	0000000106581342
Freebase	/m/01th4s
Fontes e ligazóns
	Páxina WEB mute.com
	Wikidata C:Commons

Mute Records é un selo discográfico formado en 1978 por Daniel Miller, nun principio para realizar o seu propio sinxelo, T.V.O.D./Warm Leatherette, baixo o alcume de The Normal. Mute Records comezou a ser coñecido pola firma de artistas post-punk, como Fad Gadget (pseudónimo de Frank Tovey), a Einstürzende Neubauten, Throbbing Gristle ou Cabaret Voltaire. Cando a música electrónica se situou no cumio das listas de 1981 do Reino Unido, Mute Records asinou con artistas como Depeche Mode, Nitzer Ebb, Yazoo ou Erasure, bandas que facían uso de novas tecnoloxías que redefinirían o son das pistas de baile entre os finais dos 80 e principios dos 90.

Logo desta etapa, Mute cambiou o seu estilo novamente, apoiando o rock alternativo con bandas como Sonic Youth na subselo Blast First. O selo ademais lanzou en 1992 a subsidiaria Novamute Records, principalmente como unha canle de distribución de música electrónica experimental.

Mute Records foi coñecido por ser o fogar de Depeche Mode e Erasure. Moby, Nick Cave e Laibach tamén son algúns dos piares fundamentais de Mute.

Os seguintes discos realizados por Mute Records foron nomeados para os premios Mercury:

We Can Create It de Maps (2007)
Coles Corner de Richard Hawley (2006)
Felt Mountain de Goldfrapp (2001)
Soul Murder de Barry Adamson (1992)

Mute Records foi a primeira casa discográfica británica en aparecer en Internet, co título Mute Liberation Technologies. Este comezou como un boletín, logo cun espazo en Telnet, e finalmente o seu propio sitio Web. Continuaron algúns anos máis ata darse de baixa, con excepción do sitio web.

O 10 de maio de 2002, EMI adquiriu Mute Records, estendendo unha exitosa relación que Mute mantiña con EMI Virgin Records durante 15 anos. Daniel Miller, presidente executivo, é o responsable de tódalas actividades da compañía.

Ligazóns externas

Sitio oficial