Juan Velasco Damas
| Velasco | |||
|---|---|---|---|
| Información persoal | |||
| Nome | Juan Velasco Damas | ||
| Nacemento | 15 de maio de 1977 en | ||
| Lugar de nacemento | Dos Hermanas | ||
| Altura | 1.79 m | ||
| Posición | Defensa | ||
| Carreira xuvenil | |||
| 1995-1996 | Coria | ||
| 1996-1997 | Sevilla Atlético | ||
| Carreira sénior | |||
| Anos | Equipos | Aprs | (Gls) |
| 1996–1999 | Sevilla FC | 79 | (3) |
| 1999–2004 | Celta de Vigo | 134 | (1) |
| 2004-2006 | Atlético de Madrid | 46 | (0) |
| 2006-2007 | RCD Espanyol | 20 | (0) |
| 2007-2008 | Norwich City | 3 | (0) |
| 2008-2009 | Panthrakikos FC | 25 | (0) |
| 2010-2011 | Larissa FC | 27 | (0) |
| Selección nacional | |||
| 1998–1999 | España sub-21 | 5 | (0) |
| 2000 | España | 5 | (0) |
|
Partidos e goles só en liga doméstica. [ editar datos en Wikidata ] | |||
Juan Velasco Damas, nado en Dos Hermanas (provincia de Sevilla) o 15 de maio de 1977, é un exfutbolista que xogaba na demarcación de lateral dereito.
Traxectoria[editar | editar a fonte]
Tras xogar en equipos modestos chega ás categorías inferiores do Sevilla FC, finalmente debuta co primeiro equipo o 5 de marzo de 1997, esa tempada remata co descenso do equipo a Segunda División onde xogaria as dúas tempadas seguintes.
No verán de 1999 ficha polo Celta de Vigo para suplir a baixa de Michel Salgado, que fora vendido ao Real Madrid. Debutou co Celta o 22 de agosto de 1999.
En Vigo viviría os seus mellores anos como futbolista na época dourada do equipo, disputando a Copa da UEFA as cinco tempadas que permaneceu no club, agás a última, na que disputou a Liga de Campións, a isto habería que sumar un subcampionato de Copa na tempada 2000/01. Entre os seus partidos máis salientables están as goleadas ao SL Benfica (7-0) e Juventus (4-0) na Copa da UEFA.
No ano 2002 sufriría unha lesión que o tería sen xogar durante catro meses e que reduciría o seu rendemento de en diante, pasando de ser titular indiscutíbel a alternar o banco co once titular.
A tempada 2003/04, pese a comezar co debut do equipo na Liga de Campións rematou co descenso do equipo a Segunda División. Tralo descenso ficha polo Atlético de Madrid, onde xogaría dúas tempadas sen chegar a ser titular. No verán de 2006 ficha polo RCD Espanyol onde tivo problemas similares, porén o equipo proclamaríase subcampións da Copa da UEFA por tralo Sevilla FC.
En febreiro de 2007 fichou polo Norwich City da segunda división inglesa, e en 2008 polo Panthrakikos FC, equipo recentemente ascendido á primeira división grega.
En xaneiro de 2010 fichou polo Larissa FC, onde problemas crónicos nas costas fixérono retirarse do fútbol en 2011.
Coa selección de fútbol[editar | editar a fonte]
A súa excelente primeira campaña no Celta valeulle ser convocado coa Selección de fútbol de España para o encontro disputado o 26 de xaneiro de 2000 ante Polonia e disputar a Eurocopa de Fútbol Bélxica/Países Baixos 2000
Palmarés[editar | editar a fonte]
Subcampión da Copa do Rei 2001, final xogada no Estadio de La Cartuja (Sevilla), entre o Celta de Vigo e o Zaragoza.
Subcampión da Copa da UEFA 2007, final xogada en Glasgow entre o RCD Español e o Sevilla FC, con triunfo do equipo andaluz na quenda de penaltis despois de finalizar o encontro co resultado de 2-2.
Campionatos internacionais[editar | editar a fonte]
| Título | Club | Rexión | Ano |
|---|---|---|---|
| Copa Intertoto da UEFA | Celta de Vigo | Europa | 2000 |
 | ||
- Nados en Sevilla
- Nados en 1977
- Futbolistas de Andalucía
- Defensas de fútbol
- Xogadores do Sevilla FC
- Xogadores do Celta de Vigo
- Xogadores do Atlético de Madrid
- Xogadores do RCD Espanyol
- Xogadores do Norwich City FC
- Xogadores do Panthrakikos FC
- Xogadores do AE Larissas 1964
- Xogadores da selección de fútbol de España sub-21
- Xogadores da selección de fútbol de España
- Xogadores do Celta de Vigo internacionais coa selección de fútbol de España