Míchel Salgado

Míchel Salgado
Información persoal
Nome completo	Miguel Ángel Salgado Fernández
Nacemento	22 de outubro de 1975 (41 anos)
Lugar	As Neves, Galicia
Altura	1,74 m.
Posición	Defensa
Carreira xuvenil
	Cristo Victoria
	Celta de Vigo
Carreira sénior
Anos	Equipos	Aprs†	(Gls)†
1994–1995	Celta B	20	(0)
1995–1999	Celta de Vigo	92	(3)
1996–1997	→ Salamanca (cedido)	36	(1)
1999–2009	Real Madrid	254	(4)
2009–2012	Blackburn Rovers	66	(0)
Selección nacional
1994	España sub-18	7	(0)
1995	España sub-19	2	(0)
1995	España sub-20	5	(1)
1996–1998	España sub-21	10	(0)
1998–2006	España	53	(0)
2005	Galicia	1	(0)
Adestrador
2016–	Galicia
* Partidos e goles só en liga doméstica. † Aparicións (Goles)

Miguel Ángel "Míchel" Salgado Fernández, nado en Vide (As Neves) o 22 de outubro de 1975, é un ex futbolista galego. Xogaba de defensa e foi internacional coa selección española e a selección galega.

Actualmente é o seleccionador, xunto con Fran, da selección galega.

Traxectoria

Míchel Salgado comezou a súa carreira como futbolista nas categorías inferiores do Celta de Vigo. Na tempada 1994–95 deu o salto ao primeiro plantel do equipo vigués. Tras estar cedido no UD Salamanca a tempada 1996–97, Salgado volveu ao Celta de Vigo onde se consolidou como un dos mellores defensas do fútbol español, que o levaron á selección en 1998, coa que debutou coa derrota de España en Chipre (3–2).

No verán de 1999 o Real Madrid fíxose cos servizos do lateral galego, que gañou a titularidade dende entón no once merengue. É coñecido como "Il due" (o 2), o seu dorsal. No verán de 2009, malia ter tres anos máis de contrato co club branco, o Real Madrid decidiu prescindir dos seus servizos. Salgado fichou polo Blackburn Rovers, que milita na Premier League inglesa, club no que permaneceu até 2012.

O 6 de maio de 2016 foi presentado, xunto con Fran, como seleccionador da selección galega.

Palmarés

• 2 veces campión da Copa de Europa, en 2000 e 2002
• 1 vez campión da Copa Intercontinental, en 2002
• 1 vez campión da Supercopa de Europa, en 2002
• 4 veces campión da liga española, en 2001 , 2003 ,2007 e 2008
• 2 veces campión da Supercopa de España, en 2001 e 2003
• Foi internacional absoluto coa selección española. Coa selección española sub 21 gañou no 1998 o Campionato de Europa.
• Tamén foi internacional coa Selección galega.

Como empresario

Míchel Salgado converteuse, grazas aos beneficios conseguidos coa práctica deportiva, nun importante empresario. Posúe intereses inmobiliarios en Vigo, asociado nalgúns casos ao ex-futbolista Valery Karpin, e no Porriño. Tamén ten investimentos na cría de cabalos de carreiras, e é o presidente do club de hockey a patíns Vigo Stick.

Tamén ten intereses no sector audiovisual, onde posúe unha porcentaxe da canle Destino Galicia, unha canle de televisión dixital de temática galega..

Véxase tamén

Ligazóns externas

• Datos do xogador en bdfutbol.com