Pablo González Couñago
 | Este artigo (ou sección) está desactualizado(a). A información fornecida mudou ou é insuficiente. |
  | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 9 de agosto de 1979 (44 anos) Redondela, España | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Datos persoais | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| País de nacionalidade | España | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Altura | 180 cm | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Período de actividade | 1998 - | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Lingua | Lingua castelá | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Pablo González Couñago, nado en Redondela o 9 de agosto de 1979, é un futbolista galego que xogou como dianteiro. Foi campión do Mundial sub-20 de 1999, onde conseguiu ademais a Bota de Ouro[1].
Traxectoria[editar | editar a fonte]
Couñago formouse na canteira do Celta de Vigo, pasando a xogar no Celta de Vigo B en 1997. Ao rematar a tempada, foi convocado por Iñaki Sáez para disputar o Mundial sub-20 de Nixeria xunto con Aranzubía, Marchena, Xavi Hernández e Iker Casillas, entre outros. O combinado español proclamouse campión logo de vencer na final ó Xapón por 4-0, sendo Couñago o máximo goleador con 5 goles e 2 asistencias, polo que lle foi concedida a Bota de Ouro[2].
Tras conseguir a vitoria no mundial e convertido nunha xove promesa, marchou cedido ao Numancia, onde tan só fixo un gol en 13 partidos, polo que non foi renovado por este equipo e o Celta cedeuno de novo, esta vez ao Recreativo de Huelva, onde contou con máis oportunidades, pero non as aproveitou, pois tan só acadou catro goles nos 25 partidos nos que interveu.
Na tempada 2000-2001 debutou por fin coa camisola celeste ante o Alavés en Balaídos nun partido de liga de primeira división, entrando en substitución de Gustavo López. No resto da tempada xogaría nun total de 8 partidos, saíndo sempre como suplente a falta de poucos minutos para o remate do partido.
A falta de oportunidades no equipo vigués lévano a abandonar a liga española e fichar polo Ipswich Town FC da segunda división inglesa. Nesta nova etapa volve reivindicarse como goleador e marca máis de 40 goles en catro tempadas, volvéndose un dos mellores xogadores da categoría.
En 2005 volve a España para vestir a zamarra do Málaga CF na Primeira División e cumpre coas expectativas, malia non conseguir grandes rexistros, ao marcar 10 goles. A súa etapa no club albiceleste remata en xuño de 2007 ao descender este club á Segunda División Española. Volve entón a Inglaterra, de novo ao Ipswich Town FC e, posteriormente, xoga no Crystal Palace ata 2011.
En marzo de 2012 emprende a súa andaina asiática ao desexar coñecer outra cultura futbolística, xogando uns meses en Vietnam, no Đồng Tâm Long An F.C., co que marcou cinco goles en dez partidos e proclamouse campión de liga da Primeira División de Vietnam, ascendendo á V-League[3]. Con todo, decidiu abandonar ese país por ter unha forma moi diferente de traballar, a cal afectaba a súa vida familiar[4]. Tras pasar unhas semanas sen equipo adestrando co Club Deportivo Choco (Preferente Sur), e logo de contactar con varios clubs, entre eles o CD Lugo, fichou finalmente polo Kitchee de Hong Kong onde tamén xogan outros galegos como Dani Cancela, Yago González e "O chinés" Losada, ás ordes do adestrador catalán Josep Gombau. Debutou neste equipo saíndo dende o banco na última media hora no partido contra o Yokohama, vencendo por 4-1[5].
Antes de comezar a temapada 2013/14 regresa a Galiza, comezando a adestrar co CD Choco mentres buscaba ofertas que lle interesaran, ao non atopar ningunha boa opción comprometeuse co equipo de Redondela, que disputaba a súa primeira tempada na Terceira División Española despois de case 30 anos en categoría autonómica[6].
Clubs[editar | editar a fonte]
| Club | País | Ano |
|---|---|---|
| Real Club Celta de Vigo B | 
|
1997-1998 |
| CD Numancia (Cedido) | 
|
1998-1999 |
| Recreativo de Huelva (Cedido) |
|
1999-2000 |
| Real Club Celta |
|
2000-2001 |
| Ipswich Town | 
|
2001-2005 |
| Málaga CF |
|
2005-2007 |
| Ipswich Town |
|
2007-2010 |
| Crystal Palace FC |
|
2010-2011 |
| Đồng Tâm Long An F.C. | 
|
2012 |
| Kitchee SC | 
|
2012-2013 |
| CD Choco |
|
2013-2014 |
| Honka FC | 
|
2014-2015 |
| PK-35 Vantaa |
|
2015-2016 |
| Alondras CF |
|
2016-2017 |
Selección[editar | editar a fonte]
Couñago xogou nas categorías inferiores da Selección Española, participando en tres competicións: o Mundial sub-20 de Nixeria 1999 (sendo campión e Bota de Ouro) e as Eurocopas sub-21 de Eslovaquia 2000 e Suíza 2002. Ademais é o xogador que máis partidos disputou coa sub-20 con 13 partidos[7]. Tamén participou en dous partidos de carácter amigable da Selección Galega, contra Ecuador (2006) e o Camerún (2007), antes de que pasase a ser un combinado afeccionado.
Palmarés[editar | editar a fonte]
Campionatos nacionais[editar | editar a fonte]
| Título | Equipo | País | Ano |
|---|---|---|---|
| Primeira división vietnamita | Đồng Tâm Long An FC |
|
2012 |
Campionatos internacionais[editar | editar a fonte]
| Título | Equipo | País | Ano |
|---|---|---|---|
| Copa Mundial de fútbol Sub-20 | Selección española de fútbol | España
|
1999 |
| Copa Intertoto | Real Club Celta de Vigo | España
|
2000 |
Distincións individuais[editar | editar a fonte]
| Distinción | Competición | Ano |
|---|---|---|
| Bota de Ouro | Copa Mundial de fútbol Sub-20 | 1999 |
Notas[editar | editar a fonte]
- ↑ Información sobre Pablo Couñago en transfermarkt.co.uk (en inglés).
- ↑ Nigeria 1999: Por fin un título para España. Arquivado 26 de xaneiro de 2013 en Wayback Machine. Artigo onde se rememora a vitoria en fifa.com (en castelán).
- ↑ A pesar de chamarse Primeira División en realidade é a segunda categoría, inmediatamente inferior á V-League.
- ↑ Bota de ouro busca equipo (en galego).
- ↑ Pablo Couñago "Quero descubrir outro fútbol" (en galego).
- ↑ http://www.marca.com/2013/11/23/futbol/mas_futbol/1385165749.html
- ↑ Ranking de partidos xogados coa selección española sub-20 (en castelán).
Véxase tamén[editar | editar a fonte]
Ligazóns externas[editar | editar a fonte]
- Información do xogador en www.yojugueenelcelta.com
- Datos de Couñago en www.bdfutbol.com
- Ficha en www.soccerway.com
| ||
| ||
- Nados en 1979
- Deportistas de Redondela
- Futbolistas de Redondela
- Dianteiros de fútbol
- Xogadores do Celta de Vigo B
- Xogadores do Celta de Vigo
- Xogadores do CD Numancia
- Xogadores do Recreativo de Huelva
- Xogadores da selección de fútbol de Galicia
- Xogadores do Málaga CF
- Xogadores do Ipswich Town FC
- Xogadores do Crystal Palace FC
- Xogadores do Đồng Tâm Long An F.C.
- Xogadores do Kitchee SC
- Xogadores do CD Choco
- Xogadores do Alondras CF
- Xogadores da selección de fútbol de España sub-21
- Xogadores do PK35 Vantaa
- Xogadores do Honka FC